မိူဝ်ႈၼႆႉ ဝၼ်းတီႈ6/5/2026 ယၢမ်းဝၢႆးဝၼ်း ၾူၼ်လူင်လူမ်းလူင်ၵိုင်ႉၵၢင်ႉတူၵ်း ၼႂ်းဝဵင်းလႃႈသဵဝ်ႈ ႁဵတ်းႁႂ်ႈ ႁၢၼ်ႉၶၢႆၵုၼ်ႇၼႂ်းၵၢတ်ႇလူင်ၸိူဝ်းၼၼ်ႉ လူႉၵွႆ- လင်ၶႃးပိဝ် ၊ တူၼ်ႈမႆႉ လူင် လူမ်ႉတဵင်သဵၼ်ႈတၢင်းလူင် ၼႂ်းဝဵင်းလႃႈသဵဝ်ႈ။ ၵူၼ်းမိူင်းၵေႃႉယူႇဝႆႉ ၼႂ်းဝဵင်းလႃႈသဵဝ်ႈ လၢတ်ႈၼႄတီႈၽူႈတွႆႇႁွၵ်ႈဝႃႈ “ၾူၼ်လူမ်းႁႅင်းၼႃႇ။ ၶႅပ်းၾႆးသႅင်လႅတ်ႇ (သူဝ်ႇလႃႇ) ၶႅပ်းယႂ်ႇၶႅပ်းလူင် ဢၼ်တၢင်ႇဝႆႉၼိူဝ် ႁၢၼ်ႉၶၢႆၵုၼ်ႇ ၼႂ်းၵၢတ်ႇၸိူဝ်းၼၼ်ႉပိဝ်။ ၼႂ်းၵၢတ်ႇလူင်ၼႆႉယိုင်ႈၶႅၼ်းၵျၢမ်းထူၼ်ႈယဝ်ႉ။...