ယွၼ်ႉၽႅၼ်ၵၢၼ်တိုၵ်း1027 ဢွင်ႇမၢၼ်ပဵၼ်ၵၢၼ်ၵႂႃႇလႄႈ ၼႂ်းမိူင်းတႆးပွတ်းႁွင်ႇၼႆႉ တီႈၸႄႈဝဵင်း ၵမ်ႈၽွင်ႈ ဢမ်ႇမီးသိုၵ်းမၢၼ်ႈ ယိုတ်းမိူင်းယဝ်ႉၼႆ တေလႆႈယိုၼ်ယၼ်ယွမ်းႁပ်ႉယူႇ။ ၵူၺ်းၵႃႈ ယွၼ်ႉဢမ်ႇမီးသိုၵ်းမၢၼ်ႈယဝ်ႉလႄႈ ၵူၼ်းမိူင်းပိုၼ်ႉတီႈၵူႈၸၢဝ်းၶိူဝ်း လွတ်ႈတႂ်ႈလိူင်ႈၽွင်းငမ်းလၢႆးၵၢၼ် သိုၵ်းယဝ်ႉၼႆတႄႉ တိုၼ်းပႆႇဝႃႈလႆႈ။ ၵဵဝ်ႇၵပ်းသုၼ်ႇၸႂ်ႉတိုဝ်း လွင်ႈတႅပ်းတတ်းၸတ်းပွင် ပူင်ပၢႆးႁင်းၶေႃသေ ၼႂ်းၵႄႈၸုမ်းၸၢဝ်းၶိူဝ်းမႅၵ်ႇ ၵွင်ႈၼင်ႇၵၼ် ၼႆႉ လႆႈႁၼ်တုမ်ႉတေႃႇလေႃႇႁူဝ်ၺႃးၵၼ်ယူႇ၊ တႃႇဝႃႈ ၵူၼ်းမိူင်းၽၵ်းၵႃ လႆႈယူႇသႃႇ လူမ်ၸႂ်မႃး...