ဝဵင်းသႅၼ်ဝီၼႆႉ ပဵၼ်ဝဵင်းဢၼ်မီးၼမ်ႉလိၼ်ႁိၼ်ၽႃၶႅမ်ႉ။ ပဵၼ်ဢူႇၶဝ်ႈဢူႇၼမ်ႉမိူင်းတႆးပွတ်းႁွင်ႇၼႆၵေႃႈဝႃႈလႆႈ။ ပဵၼ်ဝဵင်းဢၼ်မီးႁၢဝ်းႁူၺ်ႈသၼ်လွႆလွမ်ႉႁွပ်ႈဝႆႉသေ သၢႆၵေး ၼမ်ႉတူႈ လွင်ႈလႆလတ်းၶႅၼ်ႈႁဵတ်းပဵၼ်သဵၼ်ႈၵၢင်ဝႆႉ ။ ၵူၼ်းပိုၼ်ႉတီႈၸိူဝ်းယူႇၵိုၵ်းဝဵင်းမႃး ၼပ်ႉပီယၢဝ်းၶၢဝ်းႁိုင်တႄႉ ႁွင်ႉဝၢၼ်ႈၸိူဝ်းမီးၾၢႆႇၸၢၼ်းၵေးၼမ်ႉတူႈဝႃႈ “ဝဵင်း ၸၢၼ်း” ၼႆယူႇ။ လင်ႁိူၼ်းၵူၼ်းၸိူဝ်းမီးယူႇဝႆႉ ၾၢႆႇႁွင်ႇၵေးၼမ်ႉတူႈၼၼ်ႉသမ်ႉ “ၼႂ်းဝဵင်း” ၼႆယူႇ။ ပေႃးလုၵ်ႉတၢင်းဝဵင်းလႃႈသဵဝ်ႈဢွၵ်ႇမႃးသေ ၶၢမ်ႈၶူဝ်ဢၼ်ၵၢႆႇဝႆႉၼိူဝ် ၵေးၼမ်ႉလဵၵ်ႉလဵၵ်ႉ တီႈလႅၼ်ၶႅၼ်ႈ ဝဵင်းလႃႈသဵဝ်ႈ -...