ၽွင်းလူင် ၾၢႆႇဢဵၼ်ႁႅင်းၵူၼ်းႁဵတ်းၵၢၼ် မိူင်းၶိဝ်းပႃး (Cuba) လႆႈထွၼ်တူဝ်ဢွၵ်ႇတၼ်းႁဵင်း ယွၼ်ႉမၼ်းၼၢင်းလၢတ်ႈဝႃႈ မိူင်းၶိဝ်းပႃး ဢၼ်ၸႂ်ႉတိုဝ်းပိူင်ၶွမ်ႊမိဝ်ႊၼိတ်ႉသေ ဢုပ်ႉပိူင်ႇၽွင်းငမ်းဝၢၼ်ႈမိူင်းၼႆႉ ဢမ်ႇမီးၵူၼ်းယွၼ်း ဝႃႈၼႆ။ မၼ်းၼၢင်းလၢတ်ႈၵႂႃႇ တီႈၼႂ်းပၢင်ၵုမ်သၽႃး (ပႃႊလီႊမၢၼ်ႇ) ဝႃႈ - ၼႂ်းမိူင်းၶိဝ်းပႃးၼႆႉ ဢမ်ႇမီးၵူၼ်းယွၼ်း။ မီးၵူၼ်းၸိူဝ်းၶႂ်ႈႁႃငိုၼ်း လူၺ်ႈလၢႆးငၢႆႈသေ ဢွၼ်ၵၼ်ၵႂႃႇၵဵပ်းဢဝ်ၶူဝ်းၶွင် ၸွမ်းၵွင်ယုၵ်းယၢၵ်းၵူၺ်း ဝႃႈၼႆ။ လွင်ႈၼႆႉ ႁဵတ်းႁႂ်ႈၵူၼ်းမိူင်းၶိဝ်းပႃး ၸိူဝ်းယူႇသဝ်းၼႂ်းမိူင်းၼွၵ်ႈမိူင်း...