ၸွမ်ၽွင်းလူင်ၸိုင်ႈထႆး ဢၼုထိၼ်ႊ ၶျၢၼ်ႊဝီႊရၵုၼ်ႊ လၢတ်ႈဝႃႈ ပၢင်တိုၵ်းတီႈလႅၼ်လိၼ်ထႆး- ၵမ်ႊပေႃႊတီႊယႃႊ တေသိုပ်ႇပဵၼ်ၵႂႃႇထႅင်ႈ- ယွၼ်ႉဝႃႈ ပႆႇလႆႈၶေႃႈတူၵ်းလူင်းၵိုတ်းတိုၵ်းဝႃႈၼႆ။ ၸွမ်ၽွင်းလူင်ၸိုင်ႈထႆးၸူဝ်ႈၶၢဝ်း ဢၼုထိၼ်ႊ ႁဵတ်းပၢင်သပ်းၸႅင်ႈၶၢဝ်ႇ မိူဝ်ႈဝႃး ဝၼ်းတီႈ 13/12/2025 သေလၢတ်ႈဝႃႈ မိူင်းၸိုင်ႈထႆး တေၵႅတ်ႇၶႄၵူၼ်းမိူင်းၵႂႃႇ။ ၵႃႈပႆႇလႆႈၶေႃႈတူၵ်းလူင်းၵိုတ်းတိုၵ်းတႄႉ တိုၼ်းတေသိုပ်ႇပိုတ်းယိုဝ်းၵႅတ်ႇၶႄဝၢၼ်ႈမိူင်းၵႂႃႇ ဝႃႈၼႆ။ လွင်ႈၼႆႉ မိူဝ်ႈဝၼ်းတီႈ 12/12/2025 ၼၼ်ႉ ၸွမ်ၸိုင်ႈမိူင်းဢမေႊရိၵၼ်ႊ...