ၵျႃႊၽျႅၼ်ႉ ဢၼ်သိုၵ်းမၢၼ်ႈယိုတ်းမိူင်း ႁိုဝ် လူင်ပွင်ၸိုင်ႈသိုၵ်း ပိုၼ်ၽၢဝ်ႇ ပၢၵ်ႇလၢတ်ႈယူႇၶိူဝ်းယႂ်းဝႃႈ တေၵႂၢတ်ႇလၢင်ႉၽဵဝ်ႈမူၺ်ႉပႅတ်ႈ ၸုမ်း (ႁိုဝ်) ၵူၼ်းၸိူဝ်းယူႇၼႂ်းမိူင်းႁူမ်ႈတုမ်သေ ႁႃလွၵ်ႇလႅၼ်ၵိၼ်ငိုၼ်း ပိူၼ်ႈတင်းဢွၼ်ႊလၢႆႊ ႁႂ်ႈမူတ်းႁၢၵ်ႈမူတ်းတေႃ တိုၼ်းတေဢမ်ႇဝႆႉလိူဝ်သင်ၼႆၼၼ်ႉ ထိုင်ယၢမ်းလဵဝ်ၵေႃႈ ယင်းတိုၵ်ႉယင်ႇႁၢၵ်ႈဝႆႉယူႇ လၢႆလၢႆတီႈ ၼႂ်း မိူင်းတႆးပတ်းပိုၼ်ႉ လႄႈ ၸွမ်းလႅၼ်လိၼ်မိူင်းတႆး-မိူင်းၶႄႇ၊ မိူင်းတႆး- မိူင်းထႆး၊...

မိူဝ်ႈၼႆႉဝၼ်းတီႈ 3/9/2024 ယၢမ်းၵၢင်ဝၼ်း 12 မူင်းၶိုင်ႈ ၼုမ်ႇၸၢႆးၵေႃႉၼိုင်ႈၽွင်းၵႂႃႇၶဝ်ႈထႅဝ် တႃႇႁဵတ်း ဝႂ်ၶၢမ်ႈလႅၼ်လိၼ် တီႈၽၵ်းတူလႅၼ်လိၼ် တႆး-ၶႄႇ ၸႄႈဝဵင်းမူႇၸေႊ ၼၼ်ႉၺႃးတႅင်း မၢတ်ႇၸဵပ်း။ ၵေႃႉၺႃးတႅင်းၼၼ်ႉ ပဵၼ်ၵူၼ်းၸၢႆးၼုမ်ႇ ဢႃယု 20 ပၢႆ။ ၽွင်းမၼ်းၸၢႆး ၵႂႃႇၶဝ်ႈထႅဝ် တႃႇပႂ်ႉႁဵတ်း ဝႂ်ၶၢမ်ႈ လႅၼ်လိၼ် ၼၼ်ႉလႆႈထဵင်မေႃးၽိတ်းၵၼ်တင်း ၵူၼ်းၵိၼ်ၸၢင်ႈ...