တၢင်းပဵၼ်မွင်ၶေႃႈၼႆႉ တိတ်းၸပ်းၵၼ်လႆႈ တၢင်းလူမ်းထူၺ်ႈၸႂ်၊ ယွၼ်ႉသုတ်ႇၺႃးဢၢႆလူမ်း ဢၼ်မီးၸိူဝ်ႉမႅင်း တၢင်းပဵၼ်။ မိူဝ်ႈ 20 ပီပူၼ်ႉမႃး ၵူၼ်းလူႉတၢႆယွၼ်ႉတၢင်းပဵၼ်ၼႆႉၼမ်။ ၵူၺ်းၵႃႈ ယွၼ်ႉပဵၼ်တၢင်းပဵၼ် ဢၼ်ယူတ်းယႃၸိုၼ်ႈၶႅၼ်းႁၢႆလႆႈယူႇလႄႈ ပၢၼ်မိူဝ်ႈလဵဝ်ၼႆႉ ၵူၼ်းတၢႆယွၼ်ႉမၼ်း ဢမ်ႇပေႃးၼမ်ယဝ်ႉ။ မိူဝ်ႈလဵဝ် တၢင်းပဵၼ်မွင်ၶေႃႈၼႆႉ ၾၢႆႇပၢႆးယူႇလီလုမ်ႈၾႃႉသူၼ်ၸႂ်မႃးတႄႉတႄႉ၊ ၵွပ်ႈဝႃႈမီးၵူၼ်းၸပ်း တၢင်းပဵၼ်ၼႆႉၼမ်မႃးၵူၺ်းဢမ်ႇၵႃး ၸိူဝ်ႉမႅင်းတၢင်းပဵၼ်ၼႆႉၵေႃႈ သမ်ႉတိုဝ်ယႃႈယႃ (ၵိၼ်ယႃႈယႃဢမ်ႇပေႃးတိူဝ်ႉ) မႃးလိူဝ်ႇၵဝ်ႇ၊...