ယူႇတီႈတၢင်းႁၼ်ထိုင်ၶႃႈတႄႉ ၵဵဝ်ႇလူၺ်ႈၶူဝ်းၶွင်ၵဝ်ႇမိူင်းႁဝ်း ပိုၼ်းႁဝ်း ၸိူဝ်ႉၶိူဝ်းႁဝ်း ယႃႇႁႂ်ႈႁၢႆၼၼ်ႉ ႁဝ်းထုၵ်ႇ လီဢွၼ်ၵၼ်ပႂ်ႉပႃးႁၵ်ႉသႃၵၼ်။ လွင်ႈပႂ်ႉပႃးႁၵ်ႉသႃၼႆႉ ၵေႃႉလဵဝ်ၵူၺ်း ႁဵတ်းဢမ်ႇလႆႈ လူဝ်ႇပဵၼ်မူႇ ပဵၼ်ၸုမ်းသေ ႁဵတ်းၸွႆႈၵၼ်။
ယူႇတီႈၵူၼ်းမိူင်းႁဝ်းၶႃႈၵေႃႈ လူဝ်ႇမေႃပႂ်ႉပႃးႁၵ်ႉသႃၶူဝ်းၶွင်ပူႇမွၼ်ႇၼၢႆးယႃႈႁဝ်း။ ၵူၺ်းၵႃႈ ဢၼ်ႁဝ်းပႂ်ႉပႃးႁၵ်ႉသႃ ၼႆၵေႃႈ ယႃႈႁႂ်ႈမီးၽွၼ်းႁၢႆႉလႄႈ ၶူဝ်းၶွင်ပူႇမွၼ်ႇႁဝ်းၵေႃႈ ယႃႇပေႁႂ်ႈလႆႈလူႉႁၢႆ။
တီႈမိူင်းၼၢႆးႁဝ်းၶႃႈၼႆႉ သင်ပဵၼ်မႃး ဝဵင်းဢၼ်ပိုတ်ႇပၼ် ၵူၼ်းၼွၵ်ႈမိူင်းၶဝ် မႃးဢႅဝ်ႇတွင်ႈတဵဝ်းၼႆၸိုင် ၵူၼ်းမိူင်း ၼႂ်းပိုၼ်ႉ တီႈႁဝ်းၶႃႈၵေႃႈ တေမီးၼႃႈၵၢၼ်တႃငၢၼ်းၵၼ်မႃး။ ပိူၼ်ႈမႃးလႄႇ မႃးလၢဝ်းမိူင်းႁဝ်းၵေႃႈၼမ်။ ၼွၵ်ႈလိူဝ် ၼၼ်ႉ ယူႇတီႈႁဝ်းၸၢဝ်းၶိူဝ်းၵေႃႈ ယႃႇႁႂ်ႈမီးလွင်ႈပႅၵ်ႇပိူင်ႈၵၼ်။
ပေႃးဝႃႈတႄႉၼႆ ၼႂ်းမိူင်းတႆးၼႆႉ ဢၼ်လူဝ်ႇလႆႈႁၵ်ႉသႃပႂ်ႉပႃးၶူဝ်းၶွင်ၵဝ်ႇၵႄႇၼႆႉ မီးထႅင်ႈတင်းၼမ်။ ဢမ်ႇဝႃႈ လၢႆးၶႃႈ ပၢင်လွင်း ဢိၵ်ႇထႅင်ႈလၢႆလၢႆၸႄႈဝဵင်း ယွၼ်ႉၼၼ်လႄႈ ၶႂ်ႈတိုၵ်းသူၼ်းထိုင်ၵူၼ်းမိူင်းႁဝ်းၶႃႈၵူႈၵေႃႉ ႁႂ်ႈမေႃပႂ်ႉပႃး ႁၵ်ႉသႃ ၶူဝ်းၶွင်ၵဝ်ႇႁဝ်း။
