ႁႅင်းၵၢၼ်ယၢၼ်မိူင်းသွင်ၵေႃႉၽူဝ်မေး ၶႅၼ်ၵၼ်သေၽိတ်းမေႃးႁဵတ်းႁၢႆႉတႅင်းၵၼ် ၵေႃႉပဵၼ်မေးလူႉတၢႆထင်တီႈ ၵေႃႉပဵၼ် ၽူဝ်မၢတ်ႇၸဵပ်းႁၢဝ်ႈႁႅင်း။
ဝၼ်းတီႈ 16/11/2018 ႁႅင်းၵၢၼ်ယၢၼ်မိူင်း (ၸၢဝ်းမၢၼ်ႈ) သွင်ၵေႃႉၽူဝ်မေး ၽိတ်းမေႃးတႅင်းၵၼ် ၵေႃႉပဵၼ်မေးလူႉတၢႆထင်တီႈ ၵေႃႉပဵၼ်ၽူဝ်မၢတ်ႇၸဵပ်းႁၢဝ်ႈႁႅင်း ၸဝ်ႈၼႃႈတီႈၸင်ႇဢဝ်တူဝ်ၵူၼ်းမၢတ်ႇၸဵပ်းသူင်ႇႁူင်းယႃ။
သိုဝ်ႇၶၢဝ်ႇ Thairath ပိုၼ်ၽၢဝ်ႇဝႆႉဝႃႈ – “ ၶႃသွင်ၵေႃႉၼႆႉပဵၼ်ၽူဝ်မေးၵၼ် ၵွၼ်ႇတေတႅင်းၵၼ်ၼႆႉ ၶႃသွင်ၵေႃႉၽိတ်းမေႃးၵၼ်ႁၢဝ်ႈႁႅင်း ၽူဝ်မၼ်းဝႃႈၾၢႆႇၼၢင်းယိင်းမီးၸႂ်ပၼ်ၽူႈၸၢႆးတၢင်ႇၵေႃႉၼႆသေ ၸႂ်လမ်တေႃးသဢွၵ်ႇ ဢဝ်မိတ်ႈတႅင်းမေးမၼ်း၊ၼၢင်းယိင်းၵေႃႈ ၶိုၼ်းဢဝ်မိတ်ႈတႅင်းၽူဝ်မၼ်းၶိုၼ်းလႄႈ ၵေႃႉပဵၼ်ၽူဝ်ၸင်ႇၸႂ်လမ်တေႃးသဢွၵ်ႇသေ ဢဝ်မိတ်ႈတႅင်းၾၢႆႇယိင်း ၾၢႆႇၼၢင်းယိင်းၵေႃႈ ၶိုၼ်းဢဝ်မိတ်ႈတႅင်းၾၢႆႇၽူႈၸၢႆးၶိုၼ်း ” ဝႃႈၼႆ ။
ၸိူင်ႉၼၼ်ၼင်ႇၵဝ်ႇ မိူဝ်ႈဝၼ်းတီႈ 18/11/2018 မိူင်းၽဵတ်ႊၶျ်ပုၼ်ႊၵေႃႈ မီးၼၢင်းယိင်းၵေႃႉၼိုင်ႈ ဢၼ်ၸပ်းတွင်ႉဝႆႉမွၵ်ႈ 6 လိူၼ်ၼၼ်ႉ ၺႃးၵေႃႉပဵၼ် ၸဝ်ႈၽူဝ် ပေႃႉထုပ်ႉၶႃႈႁႅမ်တၢႆ တႅပ်းတိၼ် တႅပ်းမိုဝ်းဢဝ်မိတ်ႈပၵ်းၸွမ်းတူဝ်ၸိူဝ်းၼႆႉ ။လွင်ႈ ၼႆႉၾၢႆႇသိုဝ်ႇၶၢဝ်ႇထႆးဢွၵ်ႇဝႆႉဝႃႈ ပဵၼ်ယွၼ်ႉယႃႈမဝ်းၵမ် ဝႃႈၼႆ။
