ႁိုင်ၶၢဝ်းတၢင်း 22 ပီယဝ်ႉ Arsenal ပဵၼ်ၶိုၼ်း ၶျႅၼ်ႊပီႊယၼ်ႊ တီႈ Premier League

By ၸၢႆးသုၼ်ႁၵ်ႉ
23
Arsenal FC - Premier League Champions

တီႈပၢင်ပိတ်ႉၶႅင်ႇမၢၵ်ႇၼင် Premier League မိူင်းဢိၼ်ႊၵလႅၼ်ႊၼၼ်ႉ ၸုမ်းမၢၵ်ႇၼင် ဢႃႊသိၼ်ႊၼႄလ် Arsenal ပဵၼ်ၶျႅၼ်ႊပီႊယၼ်ႊၵႂႃႇယဝ်ႉ ဝႃႈၼႆ။

ဝၼ်းတီႈ 19 လိူၼ်မေႊ ၶမ်ႈဝႃးၵၢင်ၶိုၼ်း ၸုမ်း Man City ဢၼ်ယူႇဝႆႉတီႈ ၸၼ်ႉမၢႆသွင်ၼၼ်ႉ လႆႈပိတ်ႉၶႅင်ႇၵၼ်တင်း ၸုမ်း Bournemouth ။ တီႈပၢင်ၼၼ်ႉ တင်းသွင်ၸုမ်း ပိတ်ႉၶဝ်ႈ 1 ၵူဝ်းလ်မိူၼ်ၵၼ်သေ လႆႈၼိုင်ႈဝၢၵ်ႈထႅင်ႈၵူၺ်း။

ယွၼ်ႉၼၼ် ၵွၼ်ႇပႆႇထိုင်ပၢင်ပိတ်ႉၶႅင်ႇမၢၵ်ႇၼင် ပၢင်လိုၼ်းသုတ်းၼႆႉ ၸုမ်း Arsenal ဢၼ်လႆႈဝႆႉ 82 ဝၢၵ်ႈသေ မီးဝႆႉတီႈမၢႆၼိုင်ႈၼၼ်ႉ လႆႈသူးၶျႅၼ်ႊပီႊယၼ်ႊၵႂႃႇ တႃႇၶၢဝ်းလဵၼ်ႈမၢၵ်ႇၼင် ပီ 2025-2026 ၼႆႉယဝ်ႉ ဝႃႈၼႆ။

ပၢင်ပိတ်ႉၶႅင်ႇမၢၵ်ႇၼင် ပၢင်လိုၼ်းသုတ်း တီႈပရီႊမီႊယႃႊလဵၵ်ႉ (Premier League) ၼႆႉ တေပိတ်ႉၶႅင်ႇၵၼ် ၼႂ်းဝၼ်းတီႈ 24 လိူၼ်မေႊ ဝၼ်းဢႃးတိတ်ႉ။

ၸုမ်းမၢၵ်ႇၼင် Arsenal ၼႆႉ ယၢမ်ႈလႆႈသူးၶျႅၼ်ႊပီႊယၼ်ႊလိုၼ်းသုတ်း တီႈ Premier League ၼႆႉ ၸဵမ်မိူဝ်ႈပီ 2003-2004။ ႁိုင်မႃးၶၢဝ်းတၢင်း 22 ပီ ၸင်ႇဢဝ်လႆႈၶိုၼ်း သူးၶျႅၼ်ႊပီႊယၼ်ႊ။ ၼႂ်းပိုၼ်း Premier League သမ်ႉ ၸုမ်း Arsenal ယၢမ်ႈလႆႈသူးၶျႅၼ်ႊပီႊယၼ်ႊ 4 ၵမ်း။

လိူဝ်ၼၼ်ႉ ပေႃးဝၼ်းတီႈ 30 လိူၼ်မေႊၼႆႉ ၸုမ်း Arsenal တေလႆႈပိတ်ႉၶႅင်ႇၵၼ်တင်း ၸုမ်း PSG ႁိမ်သူး ၶျႅၼ်ႊပီႊယႅၼ်ႊလဵၵ်ႉ (UEFA Champions League) ပၢင်လိုၼ်း သုတ်း Final ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

ၶၢဝ်ႇၵၢၼ်လဵၼ်ႈႁႅင်း
promotion

SHAN Membership

฿ 19฿ 169 /mo
  • ၶဝ်ႈႁူမ်ႈ ႁဵၼ်းဢဝ်ၵၢၼ်ၶၢဝ်ႇ၊ ရေႊတီႊဢူဝ်ႊ၊ ထႆႇႁၢင်ႈ၊ Blogger, Vlog ထႆႇဝီႊတီႊဢူဝ်ႊ တတ်းတေႃႇ ႁဵတ်းဢွၵ်ႇ ပိုၼ်ၽႄႈ
  • ၶဝ်ႈႁူမ်ႈၵၢၼ်တူင်ႉၼိုင်ၸုမ်းၶၢဝ်ႇၽူႈတွႆႇႁွၵ်ႈ ၼႂ်းၶၵ်ႉၵၢၼ်ပူၵ်းပွင်ၵၢၼ်သိုဝ်ႇ
  • ၶဝ်ႈႁူမ်ႈပၢင်လႅၵ်ႈလၢႆႈပိုၼ်ႉႁူႉပၢႆးႁၼ် ဢၼ်ၸုမ်းၶၢဝ်ႇၽူႈတွႆႇႁွၵ်ႈၸတ်းႁဵတ်း
  • ၶဝ်ႈႁူမ်ႈပၢင်ဢုပ်ႇဢူဝ်းတွင်ႈထၢမ် ၵဵဝ်ႇၵပ်းငဝ်းလၢႆးၵၢၼ်မိူင်း၊ ၵၢၼ်မၢၵ်ႈမီး၊ ပၢႆးမွၼ်း လႄႈ ႁူဝ်ၶေႃႈ ဢၼ်ၶႂ်ႈႁူႉၶႂ်ႈငိၼ်း။
  • လႆႈႁပ်ႉဢၢၼ်ႇ ၶၢဝ်ႇၶိုၵ်ႉတွၼ်း ပိူင်ပဵၼ်ဝူင်ႈလႂ်ဝူင်ႈ ၼၼ်ႉ။
Contact

ၶၢဝ်ႇဢၼ်ၵဵဝ်ႇၶွင်ႈ

ၶၢဝ်ႇလိုၼ်းသုတ်း

WHO  ပိုၼ်ၽၢဝ်ႇ ၵူၼ်းတၢႆယွၼ်ႉတၢင်းပဵၼ် ဢီႊပူဝ်ႊလႃႊ (Ebola) မီး  60 ပၢႆ

ၼၢင်းငိုၼ်းႁွမ် - 0
ၸုမ်းပၢႆးယူႇလီလုမ်ႈၾႃႉ (WHO) ပိုၼ်ၽၢဝ်ႇဝႃႈ - ၵူၼ်းၸိူဝ်းတိတ်းၸပ်းၸိူဝ်ႉမႅင်းတၢင်းပဵၼ် ဢီႊပူဝ်ႊလႃႊ တီႈမိူင်း ၵုၼ်ႊၵူဝ်ႊ တင်း ယူႇၵၼ်ႊတႃႊ ၼႂ်းၵုၼ်ဢႃႊၾရိၵၼၼ်ႉ လူႉတၢႆၵႂႃႇ 61 ၵေႃႉယဝ်ႉ ဝႃႈၼႆ။ တီႈမိူင်းၵုၼ်ႊၵူဝ်ႊၼၼ်ႉ ၵူၼ်းတိတ်းၸပ်းၸိူဝ်ႉမႅင်းတၢင်းပဵၼ် ဢီႊပူဝ်ႊလႃႊ တင်းမူတ်းမီး 344 ၵေႃႉ၊ ၵူၼ်းလူႉတၢႆ မီး 60 ၵေႃႉ၊...
Heng Kayong

ၶၢဝ်းတၢင်းသၢမ်သိပ်းပီ လီ လႄႈ ၸႃႉ ၼႂ်းပိုၼ်းတႆး

ႁိုၼ်း ၵႃယၢင်း - 0
မိူဝ်ႈသၢမ်သိပ်းပီပူၼ်ႉမႃး ၼႂ်းၸိူဝ်ႉၸၢတ်ႈၸၢဝ်းၶိူဝ်းတႆး ပဵၼ်လီႁိုဝ်ႁၢႆႉၸႃႉမႃး ဢၼ်ဝႃႈၼႆႉ ​​ပေႃးယူႇၸဵင်ႇ ၵၢၼ်မိူင်းတူၺ်းတႄႉ ​​ၵႃႈတေလႆႈဝႃႈ မိူၼ်ၼၼ်မိူၼ်ၼၼ်ၵွႆးၵွၼ်ႇ​​ယဝ်ႉ။ ဝၼ်းတီႈ 6 လုၵ်ႈလိူၼ်ၵျုၼ်ႇ 1996 မိူဝ်ႈၼၼ်ႉ မုၵ်ႉၸုမ်းငမ်းယဵၼ်ၸိုင်ႈတႆး (Shan State Peace Council : SSPC) လႄႈ ငဝ်ႈငုၼ်းတီႇမူဝ်ႇၶ​​ရေႇ ၸီႇၸိူဝ်ႉၶိူဝ်းတႆး (SNLD)...

ၵူၼ်းမိူင်းတူၼ် ၶႂ်ႈႁႂ်ႈမီးၽူႈၵွၼ်းပွၵ်ႉ/ဢိူင်ႇ ဢၼ်မီးၼမ်ႉၵတ်ႉလႄႈၼမ်ႉၸႂ်

ၸၢႆးသႂ်ၸိုၼ်ႈမိူင်း - 0
ပေႃးဢဝ်ပၵ်းပိူင်လၵ်းမိူင်းဝႃႈၸိုင် ပေႃးပဵၼ်ၽွင်းငဝ်းလၢႆးဝၢၼ်ႈမိူင်းၵတ်းယဵၼ်ၼိမ်သဝ်းၼၼ်ႉ ဝၢႆးပၢင်လိူၵ်ႈတင်ႈယဝ်ႉတူဝ်ႈ မီးသၽႃးမႂ်ႇယဝ်ႉၼၼ်ႉ 5 ပီလႂ်ၼိုင်ႈပွၵ်ႈ တၵ်းၶိုၼ်းလႆႈလိူၵ်ႈတင်ႈ ၶွတ်ႇၽွတ်ႈၶိုၼ်းၽူႈၵွၼ်းပွၵ်ႉ/ဢိူင်ႇ ၵေႃႉမႂ်ႇ ဢွင်ႈတီႈလႂ်တီႈၼၼ်ႈ ။ ၶၢဝ်းသိုၵ်းယိုတ်းမိူင်းၼႆႉတႄႉ မီးပၵ်းပိူင်ဝႆႉၵေႃႈဢမ်ႇႁဵတ်းၸွမ်း ။ သိုၵ်းမၢၼ်ႈၵူၺ်း ဢၼ်ယူႇၼိူဝ်ပၵ်းပိူင်သေ လိူၵ်ႈတင်ႈ လၢၵ်ႈတင်ႈ တႅင်ႇတင်ႈဢဝ်ႁင်းၵူၺ်း ။ မိူဝ်ႈလဵဝ် သိုၵ်းမၢၼ်ႈၶွတ်ႇၽွတ်ႈဝႆႉ သၽႃးမႂ်ႇယဝ်ႉလႄႈ ႁႂ်ႈၵူၼ်းမိူင်းၶွတ်ႇၽွတ်ႈၽူႈၵွၼ်းပွၵ်ႉ/ဢိူင်ႇမႂ်ႇ...

ၽွင်းလူင်ၾၢႆႇၼွၵ်ႈမိူင်းမိူင်းမၢၼ်ႈ ဢႅဝ်ႇယဵမ်ႈမိူင်းၶႄႇ

ၼၢင်းငိုၼ်းႁွမ် - 0
ၶႄႇ လၢတ်ႈဝႃႈ  ၶၢဝ်းတၢင်း ၽွင်းလူင်ၾၢႆႇၼွၵ်ႈမိူင်း ၸုမ်းလူင်ပွင်ၸိုင်ႈသိုၵ်းမၢၼ်ႈယိုတ်းမိူင်း  မႃးမိူင်းၶႄႇ ပွၵ်ႈၼႆႉ  လႆႈႁၼ်ဝႃႈ ၵၢင်ၸႂ်ၵၢၼ်မိူင်း သွင်မိူင်းၶႂ်ႈႁူမ်ႈၵၼ်ယုၵ်ႉမုၼ်း  ၸႃႉႁူမ်ႈၶီလီႁူမ်ႈသိူဝ်းၵႂႃႇၸွမ်းၵၼ် ဝႃႈၼႆ။  မဝ်ႊၼိင်ႊ ၽူႈၶၢၼ်ပၢၵ်ႇ ႁွင်ႈၵၢၼ်ၽွင်းလူင်ၾၢႆႇၼွၵ်ႈမိူင်း မိူင်းၶႄႇလၢတ်ႈၵႂႃႇ ၼႂ်းပၢင် သပ်းၸႅင်ႈၶၢဝ်ႇ ဝၼ်းတီႈ 3 လိူၼ်ၵျုၼ်ႊၼႆႉဝႃႈ ၸွမ်းၼင်ႇ မိူင်းၶႄႇ မွၵ်ႇႁွင်ႉသေ ၼႂ်းဝၼ်းတီႈ...

သိုၵ်းဝႃႉ တင်း သိုၵ်းမၢၼ်ႈ ႁူမ်ႈတင်း ၶႄႇ လႄႈ ရတ်ႉသျႃႊ ႁိမ်ၵၼ်ၶုတ်းဢဝ် ႁႄႈ လႄႈ ၶမ်း တီႈမိူင်းတူၼ်

ၼၢင်းၽူၺ်းၼုမ်ႇ - 0
မိူဝ်ႈဝၼ်းတီႈ 4/6/2026 ၸုမ်းၵဝ်ႈငဝ်ႈသုၼ်ႇလႆႈၵူၼ်းၸိုင်ႈတႆး (SHRF) ႁၢႆးငၢၼ်းဝႃႈ သိုၵ်းမၢၼ်ႈ ႁူမ်ႈမိုဝ်းတင်း ၶွမ်ႊပၼီႊ မိူင်းရတ်ႉသျႃႊ ၊ သိုၵ်းဝႃႉႁူမ်ႈမိုဝ်းတင်း ၶွမ်ႊပၼီႊၶႄႇသေ ႁိမ်ၵၼ်ၶုတ်းဢဝ် ႁႄႈသႅၼ်း Tungsten/Wolfram (မၢၼ်ႈႁွင်ႉ - အဖြိုက်နက်) ၸွမ်းသၼ်လွႆၶီႈလဵၵ်ႈ ဢၼ်သုင်သုတ်း ၼႂ်းၸႄႈဝဵင်းမိူင်းတူၼ် မိူင်းတႆးပွတ်းဢွၵ်ႇၼၼ်ႉယူႇ ၼႆယဝ်ႉ။ ၼႂ်းၽိုၼ်လိၵ်ႈႁၢႆးငၢၼ်းၼၼ်ႉ ၸႅင်ႈၶေႃႈမုၼ်းဝႆႉဝႃႈ...