မူင်ႈႁူဝ်လၢႆး မူၺ်ႉသူၼ်ၶဝ်ႈၵၢပ်ႇ ၵူၼ်းမိူင်းတႆးၼပ်ႉႁူဝ်ပၢၵ်ႇဢေႊၶိူဝ်ႊ။
တင်ႈတႄႇလိူၼ်ဢေႃႊၵတ်ႊသ်မႃး တေႃႇယၢမ်းလဵဝ် မူင်ႈႁူဝ်လၢႆး မူၺ်ႉသူၼ်ၶဝ်ႈၵၢပ်ႇၼႂ်းမိူင်းတႆး လၢႆလၢႆဝဵင်း ယၢမ်း လဵဝ်ၽႅဝ်ထိုင်မိူင်းတႆးပွတ်းၸၢၼ်း ထုင်ႉဝဵင်းပၢင်လွင်း၊ ၾၢႆၶုၼ် သူၼ်ၶဝ်ႈၵၢပ်ႇ လူႉၵွႆၼပ်ႉႁူဝ်ပၢၵ်ႇဢေႊၶိူဝ်ႊ။
ပီ 2018 လိူၼ်ဢေႃႊၵတ်ႊသ်မႃး တေႃႇယၢမ်းလဵဝ် မူင်ႈႁူဝ်လၢႆး ၵိၼ်ၶဝ်ႈၵၢပ်ႇၼႂ်းသူၼ် ၶွင်ၵူၼ်းမိူင်းတႆးသေ လႆႈလူႉသုမ်းတင်းၼမ်လၢႆ မိူၼ်ၼင်ႇ ၼႂ်းၸႄႈ ဝဵင်းသီႇပေႃႉ လႆႈသုမ်းၵႂႃႇ 200 ဢေႊၶိူဝ်ႊပၢႆ၊ ၾၢႆၶုၼ် မွၵ်ႈ 30 ဢေႊၶိူဝ်ႊလႄႈ ၼွင်ၶဵဝ် မွၵ်ႈ 200 ဢေႊၶိူဝ်ႊ ၸႄႈဝဵင်းၾၢႆၶုၼ်ႇပၢင်လွင်းၵေႃႈၼပ်ႉႁူဝ်ပၢၵ်ႇဢေႊၶိူဝ်ႊ လူႉၵွႆ ယွၼ်ႉမူင်ႈႁူဝ်လၢႆး ဝႃႈၼႆ။
ၸဝ်ႈသူၼ် ၶဝ်ႈၵၢပ်ႇ ၵေႃႉၼိုင်ႈ ၼႂ်းၸႄႈဝဵင်းၾၢႆၶုၼ် လၢတ်ႈဝႃႈ “ မိူဝ်ႈပူၼ်ႉမႃး မူင်ႈႁူဝ်လၢႆးၼႆႉ ၶဝ်ႈၶူပ်း ၵိၼ်ၶဝ်ႈၵၢပ်ႇ တၢင်းပွတ်းတူၵ်းၼွင်ၾၢႆၶုၼ်။ တေႃႈလဵဝ်တႄႉ ႁွတ်ႈၽႅဝ် တၢင်းၾၢႆႇဢွၵ်ႇၼွင် ၾၢႆၶုၼ်ယဝ်ႉ။ မိူဝ်ႈပူၼ်ႉ မႃး ပႆႇႁိုင် သူၼ်ၶဝ်ႈၵၢပ်ႇ သူၼ်ၼိုင်ႈ ၺႃးမူင်ႈႁူဝ်လၢႆးၼႆႉ ၵိၼ်တင်းသူၼ်” ဝႃႈၼႆ။
မူင်ႈႁူဝ်လၢႆး ဢၼ်ၽႄႈလၢမ်းမူၺ်ႉသူၼ်ၶဝ်ႈၵၢပ်ႇတႆးၼၼ်ႉ လုၵ်ႉဢဝ်မိူင်းတႆးပွတ်းၸၢၼ်းသေ ၽႄႈလၢမ်းၵိၼ် သူၼ်ၶဝ်ႈၵၢပ်ႇ ထိုင်ၵႂႃႇၸႄႈဝဵင်းယၢင်းလႅင်ယဝ်ႉ ဝႃႈၼႆ။
ၼႂ်းလုၵ်ႈလိူၼ်ဢေႃႊၵတ်ႊသ်ပူၼ်ႉမႃးၼႆႉ မူင်ႈႁူဝ်လၢႆး တႄႇမူၺ်ႉသူၼ်ၶဝ်ႈၵၢပ်ႇ ပွတ်းသႅၼ်ဝီ၊ လႃႈသဵဝ်ႈ၊ သီႇပေႃႉ ၽႄႈထိုင်မိူင်းတႆးပွတ်းၸၢၼ်း၊ ယၢမ်းလဵဝ် လၢမ်းထိုင်ပႃး မိူင်းယၢင်းလႅင်ယဝ်ႉလႄႈ ၵူၼ်းႁႆႈၵူၼ်းသူၼ်တူင်ႉ တိုၼ်ႇၶႃႈ မူင်ႈမႅင်းၵၼ်ဝႆႉယူႇၼႆ လႅင်ႇၶၢဝ်ႇၼႂ်းပိုၼ်ႉတီႈလၢတ်ႈ။
