Friday, March 29, 2024

ပၢင်ၵုမ်သၽႃးမိူင်းတႆး တေၸတ်းႁဵတ်းၼႂ်းၵၢင်လိူၼ်ၼႆႉ

Must read

ပၢင်ၵုမ်သၽႃးမိူင်းတႆး ပွၵ်ႈၵမ်း 2 ၵမ်ႈထူၼ်ႈ 11 တေၸတ်းႁဵတ်းၼႂ်းၵၢင်လိူၼ်သႅပ်ႊထႅမ်ႊၿိူဝ်ႊၼႆႉၵႂႃႇ ဝႃႈၼႆ။

- Subscription -

ပၢင်ၵုမ်သၽႃးမိူင်းတႆးၼႆႉ တေၸတ်းႁဵတ်းၼႂ်းဝၼ်းတီႈ 17/09/2018 ယၢမ်းၵၢင်ၼႂ် 10 မူင်း တီႈလုမ်းသၽႃးမိူင်း တႆး ၸႄႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း၊ တေႃႈလဵဝ် ယူႇတီႈသၽႃးမိူင်းတႆး လႆႈၸႅင်ႈၸူး/ သူင်ႇလိၵ်ႈထိုင် ၽူႈ တႅၼ်းသၽႃးမိူင်းတႆး တင်းမူတ်း 143 ၵေႃႉ ဝႃႈၼႆ။

ၸၢႆးထုၼ်းဝိၼ်း ၽူႈတႅၼ်းသၽႃးၸႄႈမိူင်း ၶဵတ်ႇလိူၵ်ႈတင်ႈ မၢႆ 1 ၸႄႈဝဵင်းၵျွၵ်ႉမႄး လၢတ်ႈတီႈၽူႈတွႆႇႁွၵ်ႈ “ ၸႂ်ႈယဝ်ႉ ၶႃႈ သၽႃးမိူင်းတႆးႁဝ်းၶႃႈ တေၸတ်းႁဵတ်း ၼႂ်းဝၼ်းတီႈ 17 လိူၼ်ၼႆႉၶႃႈ။ ၶႃႈႁဝ်းၶဝ် လႆႈႁပ်ႉလိၵ်ႈယဝ်ႉၶႃႈ တႃႇ တေၶိုၼ်ႈပၢင်ၵုမ်သၽႃးမိူင်းတႆး ပွၵ်ႈၵမ်း 2 ၵမ်းထူၼ်ႈ 11 ဢၼ်တေထိုင်ၼႆႉ” ဝႃႈၼႆ။

ပၢင်ၵုမ်သၽႃးမိူင်းတႆး ပွၵ်ႈၵမ်း 2 ၵမ်းထူၼ်ႈ 10 မိူဝ်ႈပူၼ်ႉမႃးၼၼ်ႉ ၸတ်းႁဵတ်း ၼႂ်းဝၼ်းတီႈ 28-31/05/2018။ မိူဝ်ႈပၢင်ၵုမ်ပွၵ်ႈၼၼ်ႉ ယူႇတီႈၽူႈတႅၼ်းသၽႃးၸႄႈမိူင်းတႆး 29 ၵေႃႉ လႆႈထၢမ်ထိုင်ၼႂ်းသၽႃး မီး 68 ၶေႃႈ ထၢမ်။ ၵဵဝ်ႇၵပ်းလွင်ႈၵႂၢမ်းထၢမ် ဢၼ်ၽူႈတႅၼ်းထၢမ်ၶိုၼ်ႈမႃးၼၼ်ႉ ယူႇတီႈၼႂ်းၸုမ်းလူင်ပွင်ၸိုင်ႈ လႆႈတွပ်ႇၵႄႈပၼ်ၵႂႃႇ ဝႃႈၼႆ။

ၽူႈတႅၼ်းသၽႃးမိူင်းတႆးၼႆႉ တင်းမူတ်းမီး 143 ၵေႃႉ။ ၼႂ်းၼၼ်ႉ ပႃႇတီႇႁူဝ်သိူဝ် 28 ၵေႃႉ၊ ပႃႇတီႇသိူဝ်ၽိူၵ်ႇ 1 ၵေႃႉ၊ ပႃႇတီႇပဢူဝ်း 6 ၵေႃႉ၊ ပႃႇတီႇလႃးႁူႇ 2 ၵေႃႉ၊ ပႃႇတီႇၻီႊမူဝ်ႊၶရေႊတိတ်ႊဝႃႉ 2 ၵေႃႉ၊ ပႃႇတီႇၵူဝ်းၵၢင်ႉ 1 ၵေႃႉ၊ ပႃႇတီႇတဢၢင်း 2 ၵေႃႉ၊ ပႃႇတီႇၽွမ်ႉႁူမ်ႈၸိူဝ်ႉၸၢတ်ႈဝႃႉ 1 ၵေႃႉ၊ ပႃႇတီႇဢႃးၶႃႇ 1 ၵေႃႉ၊ ပႃႇတီႇလီးသူး 1 ၵေႃႉ၊ ပႃႇတီႇၼူၵ်ႉယုင်း 25 ၵေႃႉ၊ ပႃႇတီႇသၢင်ႇသီႈ 31 ၵေႃႉ၊ သုၼ်ႇလဵဝ်(သုၼ်ႇတူဝ်) 1 ၵေႃႉလႄႈ ၽူႈတႅၼ်းတပ်ႉသိုၵ်း မၢၼ်ႈ 36 ၵေႃႉ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း