Thursday, March 28, 2024

ႁႅင်းၵၢၼ်ယၢၼ်မိူင်း ဢၼ်ၺႃးတီႉၺွပ်းသူင်ႇပွၵ်ႈတၢင်း လႅၼ်လိၼ်တႆး – ထႆး မီးၵႂႃႇယဝ်ႉ ႁိမ်း 800 ၵေႃႉ

Must read

ၼႂ်းပီ 2018 ၼႆႉမႃး ႁႅင်းၵၢၼ်ယၢၼ်မိူင်း ၵူၼ်းမိူင်းမၢၼ်ႈ ဢၼ်လၵ်ႉလွမ်ၶဝ်ႈမိူင်းထႆး ႁဵတ်းၵၢၼ် ၺႃးၸဝ်ႈၼႃႈတီႈ ထႆး တီႉၺွပ်း ၵုမ်းၶင်တူဝ် သူင်ႇပွၵ်ႈတၢင်း လႅၼ်လိၼ်တႆး – ထႆး တၢင်းၸႄႈဝဵင်းတႃႈၶီႈလဵၵ်းၶိုၼ်း မီး 771 ၵေႃႉ ဝႃႈၼႆ။

- Subscription -

ဝၼ်းတီႈ 27/08/2018 ပူၼ်ႉမႃးၼႆႉ သိုဝ်ႇၶၢဝ်ႇ Tachileik News Agency ဢွၵ်ႇဝႆႉဝႃႈ ပလိၵ်ႈထႆး လႆႈၵုမ်းၶင်တူဝ် ႁႅင်းၵၢၼ်ယၢၼ်မိူင်း မိူင်းႁူမ်ႈတုမ် သူင်ႇမွပ်ႈပၼ် တၢင်းၾၢႆႇ ၸဝ်ႈၼႃႈတီႈပလိၵ်ႈမၢၼ်ႈ၊ ၸုမ်းတူင်ႉၼိုင် တူင်ႇဝူင်း ၵူၼ်းလႄႈ ၽူႈၵွၼ်းၸႄႈဝဵင်း ၸဵမ်ၸိူဝ်းၼႆႉ တီႈလႅၼ်လိၼ် တႆး-ထႆး မႄႈသၢႆ – တႃႈၶီႈလဵၵ်း ၼႂ်းၸိုင်ႈတႆး ပွတ်းဢွၵ်ႇၶူင်း ၽူႈၸၢႆး 4 ၵေႃႉလႄႈ ၽူႈယိင်း 2 ၵေႃႉ ႁူမ်ႈၵၼ် 6 ၵေႃႉ ဝႃႈၼႆ။

ႁႅင်းၵၢၼ်ယၢၼ်မိူင်း ဢၼ်ၺႃးတီႉၺွပ်းသေ သူင်ႇတူဝ်ပွၵ်ႈၶိုၼ်းၼၼ်ႉ ပဵၼ်ယွၼ်ႉဢမ်ႇမီးဝတ်းဝႂ်၊ ဝတ်းဝႂ်မူတ်း ဢႃယု၊ ဢွၵ်ႇၼွၵ်ႈပိုၼ်ႉတီႈ ဢၼ်ႁၢမ်ႈဝႆႉ ၸိူဝ်းၼၼ်ႉ ဝႃႈၼႆ။

ၼႂ်းလိူၼ်ဢေႃႊၵတ်ႊသ် ဝၼ်းတီႈ 01 ထိုင် 27 ၼႆႉ ႁႅင်းၵၢၼ်ယၢၼ်မိူင်း မိူင်းႁူမ်ႈတုမ် ဢၼ်ၺႃးသူင်ႇတူဝ် ပွၵ်ႈ ႁိူၼ်းၶိုၼ်းမီး ၽူႈၸၢႆး 76 ၵေႃႉ၊ ၽူႈယိင်း 30 ၵေႃႉလႄႈ လုၵ်ႈဢွၼ်ႇ 2 ၵေႃႉ ႁူမ်ႈၵၼ် တင်းမူတ်း 108 ၵေႃႉ။

လိူၼ်ၵျႅၼ်ႊၼိဝ်ႊရီႊ ဝၼ်းတီႈ 01 ထိုင် လိူၼ်ၵျူႊလၢႆႊ ဝၼ်းတီႈ 31 ပီ 2018 ၼႆႉမႃး ၽူႈၸၢႆး 437 ၵေႃႉ၊ ၽူႈယိင်း 204 ၵေႃႉလႄႈ လုၵ်ႈဢွၼ်ႇ 22 ၵေႃႉ ႁူမ်ႈၵၼ် 663 ၵေႃႉ တင်းမူတ်းၼႆႉ သူင်ႇတူဝ်ပွၵ်ႈၶိုၼ်းမိူင်းမၢၼ်ႈ တၢင်းၽၵ်း တူမိူင်း တႃႈၶီႈလဵၵ်း ဝႃႈၼႆ။

Photo – CNCMC

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း