ဢီႊလွၼ်ႊမၢၵ်ႉသ် ၽူႈမၢၵ်ႈမီးလိူဝ်ပိူၼ်ႈသုတ်းၼႂ်းလုမ်ႈၾႃႉၼႆႉ ၼႂ်းပီၼႆႉ ပဵၼ်မႃးၽူႈမၢၵ်ႈမီးၼမ်လိူဝ် 500 ပီႊလီႊယၼ်ႊတေႃႇလႃႇၶိုၼ်ႈၼိူဝ် ၵေႃႉၵမ်းႁႅၵ်ႈၼႂ်းပိုၼ်းလုမ်ႈၾႃႉၼႆ – Forbes မႅၵ်ႉၵၸိၼ်း ႁၢႆးငၢၼ်းဝႆႉၼင်ႇၼႆ။
တေႃႇထိုင် ၼႂ်းဝၼ်းတီႈ 1 လိူၼ်ဢွၵ်ႊထူဝ်ႊပိူဝ်ႊ ပီ 2025 ၼႆႉ လွင်ႈမၢၵ်ႈမီးမၼ်းၸၢႆး တၢင်းသဵင်ႈ မီးထိုင် 500.1 ပီႊလီႊယၼ်ႊ တေႃႊလႃႊ (5 သႅၼ်လၢၼ်ႉၻေႃႊလႃႊ = တူၵ်းမႅၼ်ႈ ငိုၼ်းမၢၼ်ႈမၢၵ်ႈ 1049 လၢၼ်ႉလၢၼ်ႉပျႃး)။
လွင်ႈတၢင်းဢၼ်ႁဵတ်းႁႂ်ႈ မၼ်းၸၢႆးတိူဝ်းမၢၵ်ႈမီးမႃးၼႆႉ ပဵၼ်ယွၼ်ႉႁုၼ်ႈ(shares) ၶွမ်ႊပၼီႊ Tesla ၶိုၼ်းၶိုၼ်ႈသုင်မႃး၊ လိူဝ်ၼၼ်ႉ ယွၼ်ႉၵႃႈၶၼ် ၼႂ်းၵၢၼ်ငၢၼ်းလွၵ်းလၢႆးပၢႆးၸၢၵ်ႈ SpaceX လႄႈ AI ၸိူဝ်းၼႆႉ ၶိုၼ်ႈသုင်မႃး ဝႃႈၼႆ။
ၾၢႆႇၼိုင်ႈၵေႃႈ ယွၼ်ႉ ဢီႊလွၼ်ႊမၢၵ်ႉသ် ၵိုတ်းလိုဝ်ႈလွင်ႈၶဝ်ႈၵႅဝ်ၸွမ်း ၼႂ်းၵၢၼ်မိူင်းသေ ၶိုၼ်းမႃးပၵ်းၸႂ်ၼိူဝ် ၵၢၼ်ၶွမ်ႊပၼီႊ Tesla လႄႈ ၶိုၼ်းလႆႈလွင်ႈယုမ်ႇယမ်ၼိူဝ် ၵူၼ်းလူင်းတိုၼ်းလၢင်းၶဝ်သေ ၸင်ႇႁဵတ်းႁႂ်ႈ ၵႃႈၶၼ်ႁုၼ်ႈ (shares) ၶိုၼ်ႈသုင်မႃးၶိုၼ်း။
လိူဝ်ၼၼ်ႉဢမ်ႇၵႃး ၵၢၼ်ငၢၼ်းမႂ်ႇ AI မၼ်းၸၢႆး ဢၼ်ပဵၼ် xAI ၼၼ်ႉၵေႃႈ မိူဝ်ႈၼႂ်းလိူၼ် July ၼၼ်ႉ ၵႃႈၶၼ်မီး 75 ပီႊလီႊယၼ်ႊတေႃႇလႃႇ၊ ၶွမ်ႊပၼီႊ ဢႃႇၵႃႇသ SpaceX (အာကာသဒုံးပျံကုမ္ပဏီ)သမ်ႉ ၵႃႊၶၼ် မီးမွၵ်ႈ 400 ပီႊလီႊယၼ်ႊတေႃႇလႃႇ ၼႆယဝ်ႉ။
ၾၢႆႇလင် ဢီႊလွၼ်ႊမၢၵ်ႉသ် ၵေႃႉဢၼ်မၢၵ်ႈမီးလိူဝ်ပိူၼ်ႈ ထီႉသွင်သမ်ႉပဵၼ် လႃႊရီႊ ဢႄႊလ်လီႊသိၼ်ႊ (Larry Ellison) ၽူႈၵေႃႇတင်ႈ Software company – Oracle ၊ တေႃႇထိုင်ဝၼ်းတီႈ 1 လိူၼ်ဢွၵ်းထူဝ်ႊပိူဝ်ႊၼႆႉ လွင်ႈမၢၵ်ႈမီးမၼ်းၸၢႆး မီးဝႆႉ 350.7 ပီႊလီႊယၼ်ႊ တေႃႇလႃႇ ၼႆယဝ်ႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ