ဝၼ်းတီႈ 14/07/2025 (ဝၼ်းၸၼ်) ၵၢင်ၼႂ်ၸဝ်ႉၼႆႉ ၸုမ်းမၢၵ်ႇၼင် ၶျႄႊသီႊတင်း ၸုမ်းမၢၵ်ႇၼင် PSG ပိတ်ႉၶႅင်ႇၵၼ် ပဵၼ်ပၢင်လိုၼ်းသုတ်း (Final) တီႈပၢင်ႇလဵၼ်ႈမၢၵ်ႇၼင် မတ်ႉလၢႆႉၾ် (Metlife) ဝဵင်းရူႊတႃႊၾွတ်ႉ ပွတ်းဢွၵ်ႇ (East Rutherford) ၸႄႈမိူင်းၼိဝ်းၵျႃႇၸီႇ (New Jersey) မိူင်းဢမေႊရိၵၼ်ႊ။
ၸုမ်းမၢၵ်ႇၼင် ၶျႄႊသီႊ သႂၢင်းၶဝ်ႈလႆႈ 3 ၵူဝ်းသေ ပေႉၵႂႃႇၸုမ်းမၢၵ်ႇၼင် PSG ။ ပႃးမႃး ဢႃယု 23 ပီ သႂၢင်းၶဝ်ႈလႆႈ 2 ၵူဝ်းသေ ၸူပ်းလႆႈၵႂႃႇသူး ၽူႈလဵၼ်ႈမၢၵ်ႇၼင်ၶႅမ်ႉသုတ်းၼႂ်းပၢင် (မၢၵ်ႇ ၼင်ၶမ်း)၊ ၽူႈလဵၼ်ႈမၢၵ်ႇၼင် ပီတိၼ်ႇၺႃႇ ၸုမ်းမၢၵ်ႇၼင် PSG သမ်ႉ ၸူပ်းလႆႈသူးမၢၵ်ႇၼင်ငိုၼ်း၊ ၵၢႆႇသီႇတူဝ်ႇ ၸုမ်းမၢၵ်ႇၼင် ၶျႄႊသီႊသမ်ႉ လႆႈသူးမၢၵ်ႇၼင်တွင်း၊ တူႇဢေၵေ ၸုမ်းမၢၵ်ႇၼင် PSG သမ်ႉ လႆႈသူးၵတ်ႉၶႅၼ်ႇ သႅၼ်းၵူၼ်းၼုမ်ႇ။
သူးမူင်မိုဝ်းၶမ်းၼႆႉသမ်ႉ ရေႃႇပတ်ႉ သၢၼ်းၶျႅတ်ႉ ၽူႈပႂ်ႉၵူဝ်းၸုမ်းမၢၵ်ႇၼင် ၶျႄႊသီႊ ၸူပ်းလႆႈၵႂႃႇ။ ၵွၼ်သူးၶလပ်ႉလုမ်ႈၾႃႉၼၼ်ႉ ၸွမ်ၸိုင်ႈဢမေႊရိၵၼ် ၻူဝ်ႊၼေႃႊ ထရမ်ႉ ယိုၼ်ႈတွၼ်ႈ ပၼ်တီႈၸုမ်းမၢၵ်ႇၼင်ၶျႄႊသီႊ ဝႃႈၼႆ။
ပၢင်ပိတ်ႉၶႅင်ႇမၢၵ်ႇၼင် ႁိမ်ၵွၼ်သူး ၶလပ်ႉလုမ်ႈၾႃႉၼႆႉ တိုၵ်ႉတႄႇၸတ်းႁဵတ်းၵမ်းႁႅၵ်ႈ ၼႂ်းပီၼႆႉသေ ၸုမ်းမၢၵ်ႇၼင်ၶျႄႊသီႊ ၸူပ်းလႆႈၵႂႃႇဢွၼ်တၢင်းသုတ်း ၼႆယဝ်ႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ