မႃဢၼ်ဝႃႈၼႆႉ ပဵၼ်သတ်းတူဝ်သီႇတိၼ် ၺၢမ်ႉတႅမ်ႇသေပိူၼ်ႈယဝ်ႉ။ ပဵၼ်သတ်းတူဝ်ၺၢမ်ႉတႅမ်ႇသေ ပိူၼ်ႈ ဝႃႈၼႆသေတႃႉၵေႃႈ မႃၼႆႉ ယင်းမီးတၢင်းတိုဝ်းၵမ်လီယူႇ။

(1) မႃၼႆႉ ၸဝ်ႈမၼ်းပေႃႉႁႅမ်ထႃႉလႃႇၵႃႈႁိုဝ်ၵေႃႈ ဢမ်ႇဝႆႉမႃႇၼပတိၵ်ႈၶၢတ်ႈတေႃႇၸဝ်ႈမၼ်းသင်၊ ပေႃး ၸဝ်ႈမၼ်းၶိုၼ်းႁွင်ႉဢူဝ်ႈဢူဝ်ႈၼႆၵေႃႈ ၵႆႁၢင်ၶွၼ်းႁၢင်သေၶိုၼ်းမႃးၸူးၸဝ်ႈမၼ်းယူႇ။ လွင်ႈဢမ်ႇမီးမႃႇ ၼပတိၵ်ႉၶၢတ်ႈတေႃႇၸဝ်ႈမၼ်းၼႆႉ ပဵၼ်တၢင်းတိုဝ်းၵမ်လီပိူင် ႞။

(2) မႃၼႆႉ ၸဝ်ႈမၼ်းၵႂႃႇလႂ် မႃးမိူဝ်ႈလႂ်သေဢမ်ႇဝႃႈ မေႃၸူမ်းသိူဝ်းႁပ်ႉတွၼ်ႈၸဝ်ႈမၼ်း။ လွင်ႈမေႃ ႁပ်ႉ တွၼ်ႈၸဝ်ႈမၼ်းၼႆႉ ပဵၼ်တၢင်းတိုဝ်းၵမ်လီပိူင် ႞။

(3) မိူဝ်ႈဢၼ်ၸဝ်ႈမၼ်းၼွၼ်းလပ်း ဢမ်ႇၼၼ် ယူႇလိုဝ်ႈသဝ်းၼိမ်ဝႆႉၼၼ်ႉ ပေႃးႁၼ်ဢၼ်ပိူင်ႈ လၢၵ်ႇ လၢႆးၸိုင် ၵူဝ်ပဵၼ်ၶွင်ၶဵၼ်တေႃႇၸဝ်ႈမၼ်းလႄႈ ႁွင်ႉႁဝ်ႇ ပူၵ်းၸဝ်ႈမၼ်းယဝ်ႉ။ လွင်ႈမေႃႁူႉၵႄးၸူး ဢူ မုၼ်တေႃႇၸဝ်ႈမၼ်းၼႆႉ ပဵၼ်တၢင်းတိုဝ်းၵမ်လီပိူင် ႞။

ယွၼ်ႉပိူဝ်ႈၼၼ် မႃၼႆႉ ပဵၼ်သတ်းတူဝ်ၺၢမ်ႉတႅမ်ႇလိူဝ်ပိူၼ်ႈဝႃႈၼႆၵေႃႈ ယင်းမီးတၢင်းတိုဝ်းၵမ်လီ သၢမ် ပိူင်ယူႇ။ ၸဝ်ႈၵဝ်ႇပဵၼ်ၵူၼ်းၵေႃႉ ႞ ၼႆႉ ပေႃးသမ်ႉဢမ်ႇမီးတၢင်းတိုဝ်းၵမ်လီသၢမ်ပိူင် ၸိူဝ်ႉၼင်ႇမႃၼၼ်ႉ ၸိုင် တေလႆႈဝႃႈၺၢမ်ႉတႅမ်ႇသေမႃယူႇယဝ်ႉ။

ၶႂၢၼ်ဝရေႃး 17.12.1995

ၶေႃႈမုလ်း – ပပ်ႉၵွၼ်းၶေႃ (မၢႆ – 139 ပီ 1996)