ႁူဝ်ၶမ်ႈ ၶမ်ႈတႄႇပွႆးလိူၼ်သိပ်းသွင်မိူင်းၵဵင်းမႂ်ႇ ၸိုင်ႈထႆး ဝၼ်းတီႈ 14/11/2024 ၼၼ်ႉ ႁႅင်းၵၢၼ်ယၢၼ်မိူင်း ၵူၼ်းမိူင်းမၢၼ်ႈ ဢၼ်ဢမ်ႇမီးတီႈယူႇၵေႃႉၼိုင်ႈ ၶဝ်ႈတႅင်းႁႅင်းၵၢၼ်ထႅင်ႈၵေႃႉၼိုင်ႈ ဢၼ်တိုၵ်ႉလိုဝ်ႈယူႇၼႂ်းႁိူၼ်းၸဝ်ႈၵဝ်ႇ တီႈပွၵ်ႉၸၢင်ႉၵၢၼ်း။
ၵေႃႉတႅင်းၸိုဝ်ႈႁွင်ႉ မွင်ႇငႄႇ ႁိုဝ် ဢၻုလ်း ဢႃယု 43 ပီ ၸၢဝ်းမၢၼ်ႈ။ မၼ်းၸၢႆး ဢမ်ႇမီးၵၢၼ် ဢမ်ႇမီးတီႈယူႇ၊ ဢႅဝ်ႇ ႁႃယူႇၸွမ်း တိုၵ်းၵဝ်ႇတိုၵ်းႁၢမ်း ၼႂ်းတူဝ်မိူင်းၵဵင်းမႂ်ႇ။
ၶမ်ႈဝၼ်းတီႈ 14 ယၢမ်းႁူဝ်ၶမ်ႈမွၵ်ႈ 6 မူင်း မၼ်းၸၢႆး ပႆမႃးတီႈႁိမ်းႁွင်ႈၶၢတ်ႈလိုဝ်ႈသဝ်း မွင်ႇၼႅင်ႇ ၸၢဝ်းမၢၼ်ႈသေ ၶဝ်ႈမႃးတႅင်းမွင်ႇၼႅင်ႇတီႈပုမ်လႄႈတီႈဢႅဝ်။ မွင်ႇၼႅင်ႇလႅၼ်ႈပၢႆႈ ၊ ဢ ၻုလ်း လမ်းၸွမ်းတၢင်းလင်သေ တႅင်းထႅင်ႈထိုင်တီႈမွင်ႇၼႅင်ႇ မႃးတၢႆၼႂ်းႁွင်ႈႁိူၼ်းၶဝ်။ ဝၢႆး ၼၼ်ႉ ဢၻုလ်း ၸၵ်ႉဢဝ်ရူတ်ႉထိပ်ႇသီလႅင်ၶွင် မေးၽူႈတၢႆ သေၶီႇလႅၼ်ႈပၢႆႈ။
မသူဝ်ႇၾီႇ မေးၼၢင်းမွင်ႇၼႅင်ႇလႄႈ ၸဝ်ႈႁိူၼ်း မၼႃးၽႃး ၸႅင်ႈပလိၵ်ႈ မႃးၵူတ်ႇထတ်းပိူင် ပဵၼ်သေ ၊ လမ်းၸွမ်းႁႃ၊ ၵႂႃႇႁၼ်သႂ်ႇ ဢၻုလ်း ယူႇတီႈႁိူၼ်းႁၢမ်း လင်ၼိုင်ႈ တီႈဢမ်ႇပေႃးၸမ် ပေႃးၵႆၵၼ်တၢင်း တီႈမၼ်းၵႂႃႇတႅင်း မွင်ႇၼႅင်ႇ ၼၼ်ႉ။
ပလိၵ်ႈၶဝ်ႈတီႉတူဝ်မၼ်းၸၢႆး၊ တီႉလႆႈပႃး ၶူဝ်းၼုင်ႈ ၸုမ်ႇၼိုင်ႈလႄႈ ငိုၼ်း 600 ဝၢတ်ႇ။ ယွၼ်ႉသင်လႄႈ ၶႃႈႁႅမ်ၵၼ် ဢမ်ႇပႆႇႁူႉလွင်ႈတၢင်းသေတႃႉ ပလိၵ်ႈတႄႉလၢတ်ႈဝႃႈ လႅပ်ႈပဵၼ်ၸူၼ် ၶူဝ်းၶွင်ငိုၼ်းတွင်း ဝႃႈၼႆ။
ပွၵ်ႉၸၢင်ႉၵၢၼ်း သဵၼ်ႈတၢင်း ၵျရိူၼ်ႊပရထဵတ်ႉ မိူင်းၵဵင်းမႂ်ႇၼႆႉ ပဵၼ်တီႈယူႇ ၸၢဝ်းဢိတ်ႇသလၢမ်ႊ (မုတ်ႇသလိမ်ႇ) လုၵ်ႉမိူင်းမၢၼ်ႈ မႃးယူႇသဝ်း ႁဵတ်းၵၢၼ်ႁႃၵိၼ်လဵင်ႉတွင်ႉ – သိုဝ်ႇၶၢဝ်ႇ คนล้านนา ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ