ၸၢႆးၼေႃႇသႅင် ၽူႈၶၢၼ်ပၢၵ်ႇ ၵေႃႁူမ်ႈသၢင်ႈၵူၼ်းၼုမ်ႇတႆး TYN လၢတ်ႈဝႃႈ “ ပေႃးၵူၼ်းလူင်ႁဝ်း ယွမ်းမႃႇၼသေမႃးဢုပ်ႇၵၼ်တႄႉ ၵၢၼ်ၽွမ်ႉႁူမ်ႈတေၸဵဝ်းပဵၼ်” ။
“ ဢၼ်ၵူၼ်းလူင်မိူင်းဢမႄႊရီႊၵၼ်ႊလႄႈ ၵူဝ်ႊရီႊယိူဝ်ႊႁွင်ႇ ႁူပ်ႉၵၼ်ၼႆႉ မၼ်းတုမ်ႉယွၼ်ႈတင်းၵမ်ႇၽႃႇ ပဵၼ်ဢၼ်ၵမ်ႉယၼ် လွင်ႈငမ်းယဵၼ် ၶိုပ်ႈၼႃႈမႃးၶႃႈဢေႃႈ။ တွၼ်ႈတႃႇၼႂ်း ၵၢၼ်ၽွမ်ႉႁူမ်ႈတႆးႁဝ်းတႄႉ ၶႃႈဝူၼ်ႉႁၼ်ထိုင်ဝႃႈ ၵူၼ်းလူင်ႁဝ်းလူဝ်ႇဢွၼ်ၵၼ် တူၺ်းႁၼ်တၢင်းတုၵ်ႉၶယၢပ်ႇၸႂ်ၵူၼ်းမိူင်းသေ ယွမ်းမႃႇၼတေႃႇၵၼ် ၶဝ်ႈႁႃၵၼ် ဢုပ်ႇဢူဝ်းၵၼ်သေၵမ်း ၼင်ႇႁိုဝ်ၵူၼ်းမိူင်းတႆး တေၸၢင်ႈယူႇလီၵတ်းယဵၼ်ၶိုၼ်ႈယႂ်ႇၵႂႃႇၼၼ်ႉ ” ဝႃႈၼႆ။
ပူၼ်ႉမႃးမိူဝ်ႈဝၼ်းတီႈ 12/06/2018 ၼၼ်ႉ ၽူႈၼမ်းမိူင်းဢမႄႊရီႊၵၼ်ႊလႄႈ ၽူႈၼမ်း ၵူဝ်ႊရီႊယိူဝ်ႊႁွင်ႇ ဢၼ်ပဵၼ်ၽူႈၶဵၼ်လူင်ၵၼ် ၼႂ်းလုမ်ႈၾႃႉၼၼ်ႉ ႁူပ်ႉထူပ်းဢုပ်ႇဢူဝ်းယိပ်းမိုဝ်းၵၼ် ပိူဝ်ႈသၢင်ႈလွင်ႈငမ်းယဵၼ် တႃႇႁႂ်ႈၵူၼ်းဝၢၼ်ႈၵူၼ်းမိူင်းၵတ်းယဵၼ်ၶိုၼ်ႈယႂ်ႇ။
