ၾူၼ်တူၵ်းႁႃယႂ်ႇလႄႈ လူမ်းလႅင်ႉၶဝ်ႈတီႈမိူင်းသီလင်းၵႃ လိၼ်ၵူၼ်ႇ မိူဝ်ႈဝၼ်းတီႈ 5 ၵျုၼ်ႊၼၼ်ႉသေ မီးၵူၼ်းမၢတ်ႇၸဵပ်း 40 ပၢႆ ၵူၼ်းတၢႆမီး ထိုင် 26 ၵေႃႉယဝ်ႉ ဢၼ်လႆႈၶၢႆႉပၢႆႈတီႈယူႇမီး 33,000 မုင်ႉႁေႃႁိူၼ်းယဝ်ႉၼႆ – ႁွင်ႈၵၢၼ် ၽွင်းလူင်ၾၢႆႇၵႅတ်ႇၶႄ ၸိုင်ႈမိူင်း ပိုၼ်ၽၢဝ်ႇဝႆႉ ၼင်ႇၼႆ။

ၾၢႆႇတၢင်းၸိုင်ႈမိူင်း ႁဵတ်းဝႆႉပၼ်သုၼ်ၵူၼ်းထူပ်းၽေးမီး 116 တီႈ။ မီးၵူၼ်း 9,000 ၵေႃႉ ပၢႆႈသွၼ်ႈယူႇသဝ်းဝႆႉ ဝႃႈ ၼႆ။

ၼႂ်းၸိုင်ႈမိူင်းသီလင်းၵႃၼႆႉ မီး 25 ၸႄႈတွၼ်ႈ။ ၼႂ်းၼၼ်ႉ ၺႃးၼမ်ႉထူမ်ႈ 13 ၸႄႈတွၼ်ႈသေ တႃႇ 5 ၸႄႈတွၼ်ႈတႄႉ ထိုင်တီႈလႆႈမႆႈၸႂ်ဝႆႉ ဝႃႈၼႆ။

ႁူဝ်ၼပ်ႉၵူၼ်း ဢၼ်ထူပ်းၽေးမီး 160,000 ပၢႆ။ ၾႆးၾႃႉတေၶၢတ်ႇ။ တူၼ်ႈမႆႈၵူၼ်ႇလူမ်ႉတင်းႁၢၵ်ႈတင်းတူၼ်ႈ။ ႁိူၼ်းယေးၵူၼ်းမိူင်း ၵူၼ်ႇၵွႆတင်းၼမ်တင်းလၢႆ။

ဝၼ်းတီႈ 4 ၼႆႉ ၶိုၼ်းပိုတ်ႇႁူင်းႁဵၼ်းၽွင်ႈယဝ်ႉ – သိုဝ်ႇၶၢဝ်ႇ DVB ႁၢႆးငၢၼ်းဝႆႉၼင်ႇၼႆ။