ၵၢင်လိူၼ်ၾႅပ်ႉပိဝ်ႊရီႊၼႆႉ တီႈမိူင်းၵွၵ်ႇ ၊ ၸိုင်ႈထႆး  လူမ်းမီးၵွင့်ၼမ်ႉထိုင်ၸၼ်ႉဝူၺ်ႇႁင်ႈ  ၸၢင်ႈတုမ့်တိူဝ့် ပၢႆးယူႇလီ ၊ၾၢႆႇပၢႆးယူႇလီလူင်ပွင်ၸိုင်ႈထႆး တိုၵ်းသူၼ်း  ႁႂ်ႈၵူၼ်းမိူင်းႁဵတ်းၵၢၼ်တီႈႁိူၼ်း Work From Home ၵူၺ်း ဝႃႈၼႆ။  

ၵူၼ်းႁဵတ်းၵၢၼ်ၶပ်းရူတ်ႉႁပ်ႉၸၢင်ႈ လႄႈ ပေႃးၸဵမ်ၵူၼ်းၸိူဝ်းႁႃၵိၼ်လဵင်ႉတွင်ႉဝၼ်းလႂ်ဝၼ်းၼၼ်ႉ ၶၢင်းပွင်ႉဝႃႈ   ထူၺ်ႈၸႂ်ၵပ့်/ထူၺ်ႈၸႂ်ယၢပ်ႇ လႄႈ ႁူၺ်ႇတႃၶူမ်းၵၢႆး – ဝႃႈၼႆ ။

ၶီႈၽုၼ်ႇၽွင်မုၼ်ႈ လူမ်းမီးၵွင်ႉ PM2.5  ဢၼ်ပႃးၼႂ်းလူမ်းလႅင့် တီႈဝဵင်းလူင် မိူင်းၵွၵ်ႇၼႆ့ ၼမ်လိူဝ်သေ ဢၼ် ၸုမ်းပၢႆးယူႇလီ လုၼ်ႈၾႃ့ WHO ၶဝ်မၵ်းမၼ်ႈဝႆ့ 15 ပုၼ်ႈ ။

ၸွမ်းၼင်ႇ တီႈဝႅပ့်သၢႆ့ IQAir မိူင်းသုၺ်ႇၸႃႇလႅၼ်ႊသေ ၼႂ်းဝၼ်းထီ့ 15 ၼႆ့ ဝဵင်းလူင်မိူင်းၵွၵ်ႇ ၸိုင်ႈထႆး ပဵၼ်ဝဵင်း ဢၼ်မီးလူမ်းဝူၺ်ႇႁင်ႈ မၢႆထီ့ 8 တီႈၼႂ်းလုမ်ႈၾႃ့ – ဝႃႈၼႆ ။

ယွၼ့်ၸုတ်ႇၽဝ်ပႃႇထိူၼ်ႇ တႃႇၵၢၼ်ၽုၵ်ႇသွမ်ႈ ၊ ႁူင်းၸၢၵ်ႈ လႄႈ ဢၢႆၵႂၼ်း ဢၼ်လုၵ့်တီႈ လူတ့်ၵႃးၵိုတ်းၶင့်ၶမ် ၸိူဝ်းၼႆ့သေ ၸင်ႇတေႁဵတ်းႁႂ်ႈ ၼႂ်းလူမ်း မီး ၶီႈၽုၼ်ႇၽွင်မုၼ်ႈ – ဝႃႈၼႆ။

ၵွပ်ႈၼၼ်လႄႈ တီႈၼိူဝ်တွင့်ၾႃ့ ဝဵင်းလူင်မိူင်းၵွၵ်ႇၼႆ့ ပဵၼ်ဢၢႆၵႂၢၼ်းၾႆး သုမ်းငမ်းဝႆ့တင်းၼမ် – ဝႃႈၼႆ။