ၵႃးတၢင်ႇၵူၼ်း ဢၼ်လုၵ်ႉတၢင်း ဝဵင်းလိူဝ်ႇၶိုၼ်ႈမူႇၸေႊၼၼ်ႉ ပိၼ်ႈတူၵ်းတၢင်း ၼႂ်းၵႄႈၵူတ်ႇၶၢႆ တင်း ၼမ်ႉၽၵ်းၵႃ မီးၵူၼ်းလူႉတၢႆထင်တီႈ 3 ၵေႃႉ မၢတ်ႇၸဵပ်း 26 ၵေႃႉ ဝႃႈၼႆ။
ဝၼ်းတီႈ 30/04/2018 ယၢမ်းၵၢင်ၼႂ် ၵႃးတၢင်ႇၵူၼ်း Winner ဢၼ်လုၵ်ႉတၢင်းဝဵင်းလိူဝ်ႇသေ ၶိုၼ်ႈမႃးတၢင်း မူႇ ၸေႊၼၼ်ႉ လႆႈပိၼ်ႈတူၵ်းတၢင်း တီႈမၢႆလၵ်း 236/4-5 ၼႂ်းၵႄႈၼမ်ႉၽၵ်းၵႃ တင်း ဝဵင်းၵူတ်ႉၶၢႆ ၼႂ်းၸိုင်ႈတႆး ပွတ်းႁွင်ႇ။
ၽူႈမီးပုၼ်ႈၽွၼ်း ၼႂ်းၶွမ်ႊပၼီႊ Oriental Highway လၢတ်ႈဝႃႈ တီႈသိုဝ်ႇၶၢဝ်ႇ The Voice ဝႃႈ “ တီႈၼၼ်ႈ ၼၼ်ႉ မၼ်းပဵၼ်သဵၼ်ႈတၢင်းလူင်းလွႆ လူတ်ႉၵႃး ၵမ်ႈၼမ် ဢမ်ႇၵုမ်းလႆႈႁႅင်းလူတ်ႉသေ ၵႆႉပဵၼ်ၽေးၵိုင်ႉၵၢင်ႉ တႃႇသေႇ” ဝႃႈၼႆ။
လွင်ႈၵူၼ်းမၢတ်ႇၸဵပ်း 26 ၵေႃႉၼၼ်ႉ ယူႇတီႈၸုမ်းၸွႆႈထႅမ်ၽေးၵိုင်ႉၵၢင်ႉ ၸႄႈဝဵင်းၵူတ်ႉၶၢႆ လႆႈၼမ်းဢဝ် တူဝ် ၵူၼ်းမၢတ်ႇၸဵပ်း သူင်ႇႁူင်းယႃၵူၼ်းမိူင်း ၸႄႈဝဵင်းၵူတ်ႉၶၢႆ ဝႃႈၼႆ။
ယၢမ်းလဵဝ် ယူႇတီႈပလိၵ်ႈမၢၼ်ႈ လႆႈပိုတ်ႇဢမူႉ(ၶၻီႊ) ဢဝ်လိူင်ႈလၢဝ်း တီႈၵူၼ်းႁေႃႈၵႃး Winner ဝႆႉတီႈႁူင်း ပလိၵ်ႈမၢၼ်ႈၼမ်ႉၽၵ်းၵႃ ဝႃႈၼႆ။