ၵႃးလမ်းၼိုင်ႈဢၼ်ႁေႃႈမႃးၸွမ်းသၼ်လွႆၼႂ်းၵႄႈတၢင်ႉယၢၼ်းလႄႈပၢင်သၢင်း ၽွင်းႁွတ်ႈထိုင်ႁိမ်းတီႈတေလူင်းလွႆၵႂႃႇၸူးၾင်ႇၼမ်ႉၶူင်းၼၼ်ႉ ၵႃးတူၵ်းႁူၺ်ႈလိုၵ်ႉ ၵူၼ်းၶပ်းရူတ်ႉတၢႆၵေႃႉၼိုင်ႈ။
ဝၼ်းတီႈ 26 လိူၼ်ၵျုၼ်ႊ ဝၼ်းၸၼ်ယၢမ်းႁူဝ်ၶမ်ႈ 5 မူင်း ၵႃးလမ်းၼိုင်ႈႁေႃႈမႃးၸွမ်းသၼ်လွႆၼႂ်းၵႄႈ ပၢင်သၢင်းလႄႈတၢင်ႉယၢၼ်း၊ ၵႃးၶိုၼ်းထွႆလင်သေ တူၵ်းၵႂႃႇၼႂ်းႁူၺ်ႈလိုၵ်ႉ 400 ပေႇ ၵူၼ်းႁေႃႈၵႃးတၢႆထင်တီႈၼႆ ၸုမ်းၶႄၾႆးဢၼ်ၵႂႃႇၸွႆႈထႅမ်ပၼ်ၼၼ်ႉလၢတ်ႈၼင်ႇၼႆ။
“ၼႂ်းၵႃးၼၼ်ႉၼွၵ်ႈလိူဝ်ၵူၼ်ႁေႃႈၵႃးယဝ်ႉမီးပႃးၽူႈၸၢႆးၵေႃႉၼိုင်ႈ ၼၢင်းယိင်းၵေႃႉၼိုင်ႈလႄႈလုၵ်ႈဢွၼ်ႇၵေႃႉၼိုင်ႈ။ ၶဝ်လၢတ်ႈဝႃႈ ၽွင်းၶိုၼ်ႈလွႆမႃးၼၼ်ႉ ၵူၼ်းၶပ်းမၼ်းသမ်ႉမႃးလႅၵ်ႈၵီႊယႃႊၵၢင်လွႆ ။ ၵီႊယႃႊမၼ်းဢမ်ႇၶဝ်ႈလႄႈ ၶိုၼ်းထွႆလင် တူၵ်းႁူၺ်ႈၵႂႃႇၼႆ။ လုၵ်ႈဢွၼ်ႇတင်းၼၢင်းယိင်း လႄႈ ၽူႈၸၢႆးၼၼ်ႉ ဢမ်ႇတၢႆ ။ ၵူၼ်းၶပ်းရူတ်ႉတႄႉတၢႆၵမ်းလဵဝ်ထင်တီႈ ”-ဝႃႈၼႆ။
ယၢမ်းလဵဝ်ၵူၼ်းမၢတ်ႇၸဵပ်းၸိူဝ်းၼၼ်ႉ ထုၵ်ႇႁၢမ်သူင်ႇႁူင်းယႃ လႃႈသဵဝ်ႈဝႆႉယဝ်ႉဝႃႈၼႆ။
သဵၼ်ႈတၢင်းလွႆတွၼ်ႈၼႆႉ သုင်၊ ၸၼ်းယၢဝ်းလႄႈ ၵူၼ်းၸင်ႇႁႃမေႃၶပ်းရူတ်ႉ၊ လုၵ်ႈဢွၼ်ႇၸိူဝ်းၼႆႉပေႃးပဵၼ်လႆႈယင်းဢမ်ႇထုၵ်ႇလီႁေႃႈရူတ်ႉၵႃးၵႂႃႇမႃး ဝႃႈၼႆ။
