ၶိုၼ်းၶွၵ်း  ၵွၵ်းလူ SDU

တီႈၶိုၵ့်လိုၵ့်မၼ်း(ၽွင်းမိူဝ်ႈၼၼ့်) SDU ၼႆ့ၶဝ်ႈၸႂ်ၵၼ်ဝႆ့ဝႃႈ တိုၼ်းႁပ့်တုင်းလွင်ႈ SNLD ဢွၼ်ႁူဝ်သေသူၼ်းတုမ်ပၼ်ႁႅင်း ပိုၼ်ၽၢဝ်ႇလွင်ႈ SNLD တေၸွႆႈပဵၼ်ပၢၵ်ႇပဵၼ်သဵင်ပဵၼ်ႁူပဵၼ်တႃတတႃႇ SNLD တီႈမိူင်းၼွၵ်ႈ။ ၸွမ်းၼင်ႇလၵ်းၼမ်း 6 ၶေႃႈလႄႈ ပေႃႊလသီႊ 3 ပိူင်ဢၼ်မီးဝႆ့ ၼၼ့်သေ SDU သမ့်လႆႈႁဵတ်းသၢင်ႈႁၼ်ၼမ့်ႁၼ်တူဝ်သင်မႃးလၢႆလၢႆ။

ၼႂ်းၵႃႈလွင်ႈၽွမ်ႈႁူမ်ႈ (ၼႂ်းတႆး/ၼႂ်းၸိုင်ႈတႆး/ၼႂ်းတၢင်ႇၸၢဝ်းၶိူဝ်း – ဢမ်ႇပႃးမၢၼ်ႈ/ၸုမ်းသၢၼ်ၶတ်း SLORC/SPDC တင်းသဵင်ႈ) လႄႈသင် မိူဝ်ႈၼႂ်းပီ 1997-1998 ၼၼ့်တႄ့ ၵႆ့လႆႈယိၼ်းလႆႈႁၼ် ၵၢၼ်တူင့်ၼိုင် SDU လၢႆၸိူဝ့်လၢႆပိူင်ယူႇ။ ပိူင်လူင်မၼ်း မိူၼ်ၼင်ႇ –

1. လွင်ႈၵပ်းသိုပ်ႇၼႂ်းမိူင်း လူင့်လႅၼ်ႇၵၼ်တင်း SSPC/JAC

2. လွင်ႈႁဵတ်းဢူၺ်းလီၶဝ်ႈဢွၵ်ႇၵပ်းသၢၼ်ၸုမ်းပီႈၼွင့် ပလွင်ႈ လႃးႁူႇ ဝႃႉ ပဢူဝ်း/ၼွၵ်ႈမိူင်းၶဝ်

3. လွင်ႈႁဵတ်းပၢင်ၾွၼ့် (Workshop) ပၢင်သွၼ် (training) လႄႈဢွၵ်ႇၶေႃႈပိုၼ်ၽၢဝ်ႇ (Statement) ၸွမ်းၵူႈလိူၼ် ၵပ်းသၢၼ်   NDF, NLD(LA), UNLD(LA)

4. လွင်ႈၵႆ့ၵႂႃႇၼွၵ်ႈမိူင်းႁဵတ်းၵၢၼ်ႁုမ်းဝွၼ်း lobby တႃႇၸိုင်ႈတႆး တီႈ EU, US, UN

5. လွင်ႈၵႆ့ႁဵတ်းပၢင်ၵုမ်ႁူဝ်ႁုပ်ႈၵူၼ်ႈလိူၼ်/ 6 လိူၼ်/ ႁူဝ်ႁုပ်ႈပီ ၸိူဝ်းၼႆ့။

ၼႂ်းပီ (1999 – 2000 ) ၼၼ့်တႄ့ၵၢၼ်ငၢၼ်း 4- 5 ပိူင် ၸိူဝ်းၼၼ့် လႆႈဝႃႈ ယူပ်ႈယွမ်းယိုဝ်ႈယိုတ်းၽႃႈယွၼ်ႇၵႂႃႇတင်းၼမ်ယူႇ။

ၽွၼ်းလီဢၼ်မီးၼမ့်တွၼ်းယ်ႇလူင်ႁဵတ်းႁႂ်ႈၵူႈၾၢႆႇၵူႈၸုမ်း ႁူမ်ၸူမ်းၸႂ်ယႂ်ႇၶိုၼ်ႈၸွမ်းၼၼ့်သမ့် – ဢၼ်ႁဵတ်းႁႂ်ႈၸိုင်ႈတႆးလႆႈၶဝ်ႈပဵၼ် လုၵ်ႈၸုမ်း UNPO ပဵၼ်မိူင်းတီႈ 50 မိူဝ်ႈဝၼ်းတီႈ 19/04/1997 ၼၼ့်ယဝ့်။

ပေႃးတူၺ်းဢဝ်ၸိုဝ်ႈသဵင် ဢဵၼ်ႁႅင်းၵူၼ်း (CC ငဝ်ႈငုၼ်း 21 ၸုမ်းပွင်ၵၢၼ် EC 11 ၵေႃႉ ၽူႇၵိူသ်ႈၵုမ် 17 ၵေႃႉ ႁူမ်ႈ 38 ၵေႃႉ) ဢၼ်မီးယူႇၼႂ်းလူၵ်ႈ 7 – 8 မိူင်းၼၼ့်ဝႃႈၸိုင် ၼင်ႇႁၢင်ႈ SDU ၼႆ့ ပဵၼ်တီႈၽူႈႁူႉယႂ်ႇႁၼ်ၵႂၢင်ႈၵတ့်ၶႅၼ်ႇၶိုတ်းၵၢပ်ႈ လွင်ႈၵူႈမိူင်းမိူင်း ၶွၼ်ႈတုမ်ၵၼ်ဝႆ့။ ၵွႆးၵႃႈဢိင်ၼိူဝ်လွင်ႈလႆႈယူၽႂ်ႇယူႇမၼ်း ၵေႃႉတီႈၵေႃႉမိူင်းဝႆ့သေ  ၽူႈႁၢပ်ႇၵၢၼ် ၵူၼ်းဢၼ်ႁဵတ်းၵၢၼ်လႆႈ ၶၢဝ်းယၢမ်း တဵမ် (full time volunteer) ၵေႃႈမီးဢေႇလႄႈ ဝၢႆးၼႆ့ၵေႃႈဢမ်ႇလႆႈယိၼ်းပိုတ်ႇပၢၵ်ႈၼႄၵႃႈႁိုဝ်။

ပေႃးဢမ်ႇမီးပၢင်ၵုမ်ႁူဝ်ႁုပ်ႈပီၵေႃႈဢမ်ႇၸၢင်ႈမႃးထူပ်းၵၼ် တီႈပၵ်းလုမ်းမၼ်ႈၵိုမ်းၵေႃႈဢမ်ႇမီး  ငိုၼ်းၵွင်ၵၢင်ၵေႃႈဢေႇ ၵူၼ်းလူင်ၶဝ်ၸဝ်ႈၵေႃႈ ၵွမ့်ၵႃႈလႆႈၵပ်းသိုပ်ႇၵၼ်တၢင်းၾူၼ်း ၾႅၵ့် ဢီႊ-မေႊလ် တေႃႇၵၼ်ၵွႆး။

 ႁူဝ်ႁုပ်ႈလွင်ႈဢူၼ်ႈ – လွင်ႈယူပ်ႈယွမ်းလူင် SDU –

1. ပၵ်းၾၢင်ၶိူင်ႈပိူင် (ဢင်ႇၵႃႇလၵ်းၶၼႃႇ)မုၵ့်ၸုမ်းပၢႆႇးမိူင်းပႆႇႁၼ်ၸႅင်ႈ

2. ၽူႈမီးၼမ့်ၵတ့်ၼႆ့ ႁၼ်မီးၼမ်သေတႃႉ ဢၼ်ၸၢင်ႈဝႃးတိၼ်ဝႃးမိုဝ်း တူင့်ၼုင်လႆႈၶၢဝ်းယၢမ်းတဵမ်ပႆႇႁၼ်မီး

3. ပႆႇမီးလွင်ႈၵႅၼ်ႇၼႅၼ်ႈၼႃ

4. ပႆႇတူင့်ၼိုင်လႆႈၵႂၢင်ႈၶႂၢင် ၼႂ်းမိူင်းၼွၵ်ႈမိူင်း – ယွၼ့်ပိူဝ်ႈငဝ်ႊလၢႆးၵူႈလွင်ႈလွင်ႈ ယၢပ်ႇၾိုတ်ႇၸိူဝ်းၼႆ့။

ထႅင်ႈၾၢႆႇၼိုင်ႈ – ပေႃးမႃးတူၺ်းႁူဝ်ႁုပ်ႈလွၵ်းၶႅင်လွၵ်းၶိုၵ့်တွၼ်း SDU ဢိတ်းဢွတ်းၸိုင် တေလႆႈႁၼ် မိူၼ်ၼင်ႇလွင်ႈပႃႈတႂ်ႈၼႆ့ – တၢင်းၼႂ်းမိူင်းတႆးတႄ့ပႅၵ့်သမ့်ဝႃႈၵူၼ်းမိူင်းဢိၵ်ႇၸုမ်းသိုၷ်းမၢၼ်ႈၶႂၢၵ်ႈမိူင်းၶဝ် တေဢွၼ်ၵၼ်တူၺ်း (ဢွၼ်ၵၼ်ႁၼ်) SSPC တင်း SSA ပွတ်းၸၢၼ်း ဢၼ်ၸဝ်ႈယွတ်ႈသိုၵ်းဢွၼ်ႁူဝ်ယူႇၼႆ့ၵွႆးသေတႃႉၵေႃႈ ပုၼ်ႈတႃႇတၢင်းၼွၵ်ႈမိူင်းသမ့် (မၢၵ်ႇတႃတင်းလူၵ်ႈ ၼမ်လႄႈဢေႇ)  ပိူၼ်တေႁၼ် SNLD, SDU ဝႆ့ယူႇ။ ၵႈူၼ်းလူင်ၼႂ်း SDU  5 – 6 ၸဝ်ႈၼႆ့  ၵမ်ႈၼမ်ပဵၼ်ၽူႈမီးပိုၼ့်ႁူႉမီးၼမ့်ၵတ့်ၶိုတ်းၸၼ့်ပၢႆးမိူင်းတၼ်းလူၵ်ႈၵမ်ႈၼမ် သမ့်ပဵၼ်တီႈၼႂ်းတူင်ႇဝူင်းၵူႈမိူင်းမိူင်း (International Community) ႁူႉၸၵ်းယုမ်ႇယမ်ၼပ့်ထိုဝ်ၶဝ်ၸဝ်ႈၵမ်ႈၼမ်။ ၵူၼ်းလူင်ၼႂ်း SNLD/SSPC/JAC ၵေႃႈလႆႈဝႃႈၼပ့်ယမ်ပိုင်ႈဢိင် ၸႂ်ယႂ်ႇၶဝ်ၸဝ်ႈၵမ်ႈၼမ်။ ၸဝ်ႈသိူဝ်ထႅၼ်ႈတင်းၸဝႅႈၵၢၼ်းယွတ်ႈၶဝ် လႆႈ“ူပ့်ထူပ်းဢုပ်ႇဢူဝ်းၵၼ်တင်း ၸဝ်ႈၸၢင့် ယွင်ႁူၺ်ႈ ၼႂ်းလိူၼ် July 99 ႞။ လႆႈႁူပ့်ၸဝ်ႈသႅင်သိုၵ်း တင်းၸဝ်ႈၸၢင့် မိူဝ်ႈၼႂ်းလိူၼ် April 2000 ၼၼ့်ပွၵ်ႈ႞။

ၵွပ်ႈၼႆ ဢၼ်မၢင်ၸုမ်းယၢမ်ႈဝႃႈ SDU ၼႆ့ၶၢတ်ႇၵၼ်တင်း ပၢႆးဝူၼ့်ၵူၼ်းမိူင်းတႆးၼႆၼၼ့် ပေႃးဝႃႈတီႈၵူၼ်းလူင်ၼႂ်း SDU မၢင်ၵေႃႉ (ဢၼ်ၽၢတ်ႇယၢၼ်မိူင်းတႆးမႃးပီယၢဝ်းၶၢဝ်းႁိုင်သေ ဢမ်ႇပေႃးသူႈႈလႆႈၵပ်းသိုပ်ႇတိတ်းတေႃႇႁူႉၶၢဝ်ႇၼႂ်းမိူင်းၼၼ့်) တႄ့တေၸိုဝ်ႈၸႂ်ႈယူႇသေတႃႉပုၼ်ႈတႃႇ SDU တင်းသဵင်ႈတႄ့တေပႆႇထုၵ်ႇမႅၼ်ႈ။ ၼႂ်းၼင်ႇၼၼ်ၼၼ့် ၵူၼ်ူးလူင် SDU ၼႆ့တေမီးလွင်ႈယယူပ်ႈယွမ်းယူႇ။

ထႅင်ႈပိူင်႞ ပဵၼ်ဢၼ်ဝႃႈၶဝ်ႈၸဝ်ႈၵမ်ႈၼမ် ဢမ်ႇၶႂ်ႈပဵၼ်ၽူႈယွၼ်ႁူဝ် (ၸုမ်းပၢႆးမိူင်းပၢႆးသိုၵ်း ဢၼ်တၢင်းတူဝ်ၸိူဝႅ့ၸၢတ်ႈၸိုင်ႈတႆး ပတ်းပိုၼ့်)။ ၶဝ်ၸဝ်ႈၶႂ်ႈပဵၼ်ၽူႈၵိူဝ်းၵုမ် (တီႈတိူင်ႇပၢင်ႇ) ၽူႈဢွၼ်ႁူဝ် မွၵ်ႈၼၼ့်ၵွႆး။ ယွၼ့်ပိူဝ်ႈၶဝ်ၸဝ်ႈ ဢမ်ႇမီးၼမ့်ၵတ့်ဢွၼ်ႁူဝ် လႆႈႁႃႉ ဢမ်ႇႁတ်းဢွၼ်ႁူဝ်ႁႃႉ ဢမ်ႇမေႃဢွၼ်ႁူဝ်ႁႃႉ ၼၼ့်တႄ့ပဵၼ်တီႈလၢမ်းသႃးဝႃႈၵၼ် ႁင်းၽႂ်ႁင်းမၼ်းၵွႆး။

ပုၼ်ႈၽွၼ်းၽူႈဢွၼ်ႁူဝ်ၼမ်းၼႃႈဢၼ်ဝႃႈၼႆ့ တၵ်းလႆႈမေႃဢဝ်လွၵ်ဢူၼ်ႈ( weak point) ႁဝ်းလႅၵ်ႈလၢႆႈယဵၼ်းပဵၼ်လွၵ်းၶႅင် (Strong point) ၵွၼ်ႇၸင်ႇတေၸၢင်ႈၵႄႈလိတ်ႈမူၼ့်မႄးတၢင်းယူပ်ႈယွမ်းလႆႈၼမ်ၼမ်လႄႈ တေလႆႈထတ်းသၢင်လၢင်ဝီးငဝ်းလၢႆး တၢင်းၼႂ်းတၢင်းၼွၵ်ႈၵူႈလွင်ႈလွင်ႈယူႇတႃႇသေႇ ၼႆၼၼ့် ၵူၼ်းလူင်ၶဝ်ၸဝ်ႈဢမ်ႇႁူႉၵေႃႈတေဢမ်ႇၸႂ်ႈ။

ဝၼ်းမိူဝ်ႈၼႆ့ ပၼ်ႁႃတႆးတင်းသဵင်ႈၼႆ့ ဢၼ်ၶိုၵ့်ယႂ်ႇလမ်ႇလွင်ႈလိူဝ်ပၼ်ႁႃလွင်ႈၽွမ့်ႁူမ်ႈၼၼ့် ဢမ်ႇမီးသင်ပေႃးဝႃႈၼႆ – ၽႂ်ၵေႃႈတေဢမ်ႇထဵင်လႆႈ။ ၼႂ်းလၵ်းၼမ်းၸုမ်းၽႂ်ၸုမ်းမၼ်း တီႈၽႂ်တွၼ်ႈမၼ်းၵေႃႈ ဢွၼ်ၵၼ်ဝႃႈလွင်ႈၽွမ့်ႁူမ်ႈလၼ့်လွၼ့်။ SSPC/JAC ၵေႃႈဝႃႈၽွမ့်ႁူမ်ႈ ၼႂ်းလၵ်းၼမ်းၶေႃႈတီႈ 1 RCSS/SSA-S ၵေႃႈဝႃႈလွင်ႈၽွမ့်ႁူမ်ႈ SDU ၵေႃႈဝႃႈၽွမ့်ႁူမ်ႈ။ ပေႃးတူၺ်ႊလ။ၼ့်ၵႅၼ်မၼ်းလိုၵ့်လိုၵ့်ၵေႃႈ – တႆးၼႆ့ၽွမ့်ၵၼ်ၵဵဝ်ႇလူၺ်ႈ ယိူင်းမၢႆ/ ၽူႈၶဵၼ်/ လွင်ႈႁၵ့်ဝၢၼ်ႈႁၵ့်မိူင်းယူႇ။ မိူၼ်ၼင်ႇလၵ်းၵၢၼ်လၢႆးႁူမ်ႈႁွမ်း SDU ဢၼ်ဝႃႈ “ယိူင်းဢဢၢၼ်းႁူမ်ႈလဵဝ် ၸႅၵ်ႇၵၼ်ႁဵတ်း (Common Aim Diverse Action) ၼၼ့်ၵေႃႈ SSPC ယွမ်းႁပ့်ယိပ်းမၼ်ႈဝႆ့ယူႇ။ ယိူင်းဢၢၼ်းးႁူမ်ႈလဵဝ်ဢၼ်ဝႃႈ သူၼ်ႇလႆႈတႅပ်းတတ်းတူဝ်ၵဝ်ႇ (RSD) လႄႈၻီႊမွၵ့်ၶေရႊသီႊ သူၼ်ႇလႆႈၵူၼ်းၼၼ့်ၵေႃႈ SDU တင်း SSPC မိူၼ်ၵၼ်ၼင်ႇၵဝ်ႇ။

ပေႃၢးယူႇတီႈပၢႆးႁၼ်မၢၵ်ႇတႃၵၢၼ်မိူင်းဝႃႈၸိုင် လွင်ႈၽွမ့်ႁူမ်ႈၵၼ်ၶွၼ်ႈတုမ်ၵၼ်ၼႂ်း SDU လႄႈသင် ၼႂ်းၸုမ်းတႆးတင်းသဵင်ႈလႄႈသင် ပဵၼ်လွင်ႈၽွမ့်ႁူမ်ႈ “ပၼ်ႈၶဝ်ႈၼဵဝ်ယမ်းၼမ့်”  ”ၵၢပ်ႇဝိူဝ်ႈတွမ်ၶီႈၵႂၢႆး” ၼႆသေတႃႉၵေႃႈ ၽွမ့်သေပႆႇၸၢင်ႈႁူမ်ႈ  မူမ်ႈယူႇပႆႇၵႅၼ်ၼႆ့ လီလိူဝ် – ႁူမ်ႈယူႇလႄႈဢမ်ႇၽွမ့် ယၢႆႈယူႇလႄႈဢမ်ႇဢွမ်ႇလွမ်ႈၼၼ့်တႄ့တႄ့ယူႇ။

ပဵၼ်ႁိုဝ်ၵေႃႈလီ ဢၼ် SDU ဢွၼ်ႁူဝ်ၼမ်းၼႃႈသေ မီးၼမ့်တိၼ်လၢႆးမိုဝ်းၼႄဢွၵ်ႇႁၢင်ႈ – ဢွၵ်ႇၾၢင်ၵၢၼ်ုငၢၼ်းလူင် တွၼ်ႈဝၢႆး လိုၼ်းၼၼ့်တႄ့ ပဵၼ်လွင်ႈႁဵတ်းပၢင်ၵၵုမ်ၶဵၼ်ႇတႅမ်ႈပိူင်ပိုင်းၸိုင်ႈတႆး (ယုၵ်းယၢင်ႇ) မိူဝ်ႈဝၼ်းတီႈ 8 -11/09/2000 ၸွမ်းၼင်ႇဢဵၼ်း ဢၢၼ်း 4-5 ပိူင် (ပႃးၸဵမ်ဢၼ်ဝႃႈ – တွၼ်ႈတႃႇၸၢင်ႈၵႅတ်ႇၶႄႁူဝ်ဝႃႇပဵင်းၵၼ်တင်းသိုၵ်းမၢၼ်ႈလႄႈၸုမ်းၾၢႆႇသၢၼ်ၶတ်း SPDC ၶဝ် တွၼ်ႈတႃႇလွင်ႈၽွမ့်ႁူမ်ႈၵူႈၸၢဝ်းၶိူဝ်းၼႂ်းၸိုင်ႈတႆး တွၼ်ႈတႃႇဝၵ့်ၵမ်ယိပ်းမၼ်ႈၶိုၼ်းသူၼ်ႇလႆႈၸိူဝ့်ၸၢတ်ႈ ဢၼ်ထုၵ်ႇလႆႈၵူႈလွင်ႈလွင်ႈ သေ ၸၢင်ႈပႂ်ႉပႃးၵႅတ်ႇၶႄၵႂႃႇ) ၸိူဝ်းၼႆ့။

တီႈယဝ့်တီႈသုတ်းမၼ်း ပေႃးၸုမ်းတႆး ၸုမ်းၼႂ်းမိူင်း/ၼွၵ်ႈမိူင်း ၸိူဝ်းၼႆ့  ပေႃးၵပ်းသၢၼ်လူင့်လႅင်းၵၼ် လႆႈၸိုင် ပႅၵ့်သမ့်ဝႃႈတေပႆႇၸႂ်ႈ လၢႆးဢၼ် “ၽွမ့်ၵၼ် ႁူႉၵၼ် ႁၼ်ၵၼ်ႈပဵၼ်ၼမ့်ပဵၼ်တူဝ်ၵမ်းလဵဝႅ” သေ တေပဵၼ်လၢႆးဢၼ် “ၽွမ့်ၵၼ် ႁူႉၵၼ်လၢႆလၢႆ – ပႆႇႁၼ် ၵၼ် ပဵၼ်ၼမ့်ပဵၼ်တူဝ်ပၵ်း႞ၸိုင်ႈလဵဝ်တင်းပိုၵ်း” ၵေႃႈ တၵ်းလၢတ်ႈတေႃႇပိူၼ်ႈငၢႆႈ တၵ်းမီၼမ့်ၼၵ်း  တၵ်းမီၵွင့်မီယၢင် မီးႁၢင်ႈၾၢင်ၶိုၵ့်ၶမ်ႇ သူပ်းယမ်ၵႂၢမ်းၵႃႈလိူဝ်ၵဝ်ႇဢမ်ႇႁၢင့်။

ႁူဝ်ႁုပ့်ၵွႆပၢႆမၼ်းသမ့် ၸွမ်းၼင်ႇငဝ်းလၢႆးယၢမ်းလဵဝ်သေ ပေႃးယူႇတီႈၸုမ်းတွႆႇႁွၵ်ႈဝႃႈတႄ့ၼႂ်းတူင်ႇဝူင်းၵူၼ်းၸိူဝ့်ၸၢတ်ႈႁဝ်းၼႆ့  ဢမ်ႇမီး SDU ဢမ်ႇပဵၼ်ဢမ်ႇလႆႈဢမ်ႇယဝ့်ၼႆ တိုၼ်းဢမ်ႇၸၢင်ႈဝႃႈ ဢမ်ႇႁတ်းဝႃႈ  ဢမ်ႇလီဝႃႈလႃးလႃး ။ ဢၼ်ၸၢင်ႈဝႃႈၼႆ့တႄ့ ၼမ်လႄႈဢေႇ ဢမ်ႇထၢၼ်ႇမီးၵေႃႈၶီႈၶင်ႈ – SDU တေတေႃႉတႄ့ပဵၼ်လႆႈ ႁၢင်ၼူၾႆး ယွႆးၵၼ်းႁွၵ်ႇ ၼမ့်မၼ်းထွၵ်ႇလေႃႇမိုၼ်ႈ (lubricating oil) တႃႇရူတ့်ၵႃးၶိုၼ်ႈလွႆလႆႈၼၼ့်ယူႇ။

ၾၢႆႇၼိုင်ႈၽွင်းၼၼ့်ၵၢၼ်မိူင်းၼႂ်းမိူင်းၵေႃႈထုၵ်ႇဢိုတ်းၽၵ်းတူတွၵ်ႇလဵၵ်းမႆႇၼႃးပိတ်းတၢႆ ပႃႇတီႇၻီႊမွၵ့်ၶရေႊသီႊၸိူဝ့်ၶိူဝ်းတႆး ဢမ်ႇမီး တိုဝ့်တၢင်းတေတိတ်းတေႃႇၵပ်းသိုပ်ႇတၢင်းၼွၵ်ႈမိူင်းလႆႈ ဢမ်ႇၸၢင်ႇပိုတ်ႇဢွၵ်ႇလၢတ်ႈဢွၵ်ႇပၼ်ႁႃၵၢၼ်မိူင်း ၵၢၼ်သုၼ်ႇလႆႈၵူၼ်း ၵၢၼ်ထုၵ်ႇၶီႇၼဵၵ်းတဵၵ်းတဵင် ဢၼ်ပဵၼ်ယူႇၼႂ်းမိူင်းတႆး ယွၼ့်ၼၼ့် ႁူမ်ႈတုမ်ၻီႊမွၵ့်ၶရေးသီႊၸိုင်ႈတႆး SDU ပိူဝ်ႇတႃႇပဵၼ်ပၢၵ်ႇ ပဵၼ်သဵင်ပၼ်ႁူဝ်သိူဝ်တၢင်းၼိုင်ႈၼႆသေလႄႈ ၽူႈၼမ်းၸိူဝ်းယူႇၼွၵ်ႈမိူင်းၶဝ်ၸင်ႇဝူၼ့်လႆႈၸႂ်ၵၼ်ၵေႃႇတင်ႈၶိုၼ်ႈမႃး။