မိူင်းတႆး ပွတ်းဢွၵ်ႇၶူင်း ၼႂ်းၸႄႈဝဵင်းၵဵင်းတုင် ၼၼ်ႉ ၵူတ်ႇထတ်း ႁူပ်ႉႁၼ် ၵူၼ်းတိတ်းၸပ်းၸိူဝ့်မႅင်း တၢင်းပဵၼ်ၶူဝ်ႊဝိတ့် 19 မီးထႅင်ႈ ယၢမ်းလဵဝ် ၵူၼ်းၸပ်းတၢင်းပဵၼ် မီးၸမ်ထိုင် 3000 ၵေႃႉ။
ဝၼ်းတီႈ 15/9/2021 ၼႆ့ သၢႆမၢႆ ၵူၼ်းတိတ်းၸပ်းၶူဝ်ႊဝိတ်ႉ 19 တီႈၵဵင်းတုင် တင်းမူတ်းမီး 2,856 ၵေႃ့ယဝ့် လူ့တၢႆ 53 ၵေႃ့ လႆႈၶႂၢင့်လူင်းႁူင်းယႃယဝ့် 2,134 ၵေႃ့လႄႈ တိုၵ့်ယူတ်းယႃ 669 ၵေႃ့ ။
ၵူၼ်းၼုမ်ႇ ၵဵင်းတုင် ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ – “တီႈၵဵင်းတုင်ႁဝ်းၶႃႈ မီးၵူၼ်းၸပ်းတၢင်း ပဵၼ်ၵူႈဝၼ်း။ မေႃယႃၵေႃႈ ဢမ်ႇတဵမ်ထူၼ်ႈ ၶိူင်ႈမႆ့ၶိူင်ႈမိုဝ်းၼႂ်းႁူင်းယႃၵေႃႈ ဢမ်ႇတဵမ်ထူၼ်ႈ – ဢမ်ႇ ၸၢင်ႈ ၸႂ်ယႂ်ႇၽႂ်၊ ယၢပ်ႇတႄႉၶႃႈ”- ဝႃႈၼႆ။
တၢင်းတႃႈၶီႈလဵၵ်း ၵေႃႈမိူၼ်ၵၼ် တေႃႇထိုင် ဝၼ်းတီႈ 15/9/2021 ၼႆ့ ၵူၼ်းတိတ်းၸပ်း တၢင်းပဵၼ် ၶူဝ်ႊဝိတ့် 19 တင်းမူတ်း မီး 2,637 ၵေႃႉ လူ့တၢႆ 94 ၵေႃ့ယဝ့် ဝႃႈၼႆ။
ယၢမ်းလဵဝ် ၸုမ်းသိုၵ်းမၢၼ်ႈယိုတ်းဢႃႇၼႃႇ လႆႈယႃႈယႃႁႄႉၶူဝ်ႊဝိတ်ႉ တီႈမိူင်းၶႄႇ၊ ပိုၼ်ၽၢဝ်ႇ ႁႂ်ႈၵူၼ်းမိူင်း သမ်းယႃႁႄႉၵင်ႈၼႆသေတႃႉ ၵူၼ်းမိူင်ၵမ်ႈၼမ် ဢမ်ႇမီးၸႂ်ယုမ်ႇယမ် လႄႈ ၸိူဝ်းၵႂႃႇသမ်းတိုၵ်ႉဢေႇ။ ၵူၼ်းၸပ်းၶူဝ်ႊဝိတ်ႉတႄႉ ၽႄႈၶိုၼ်ႈယူႇၵူႈဝၼ်း။
