ယၢမ်းလဵဝ် ၼႂ်းမိူင်းတႆး ပတ်းပိုၼ်ႉ ၵူၼ်းတိတ်းၸပ်းၸိူဝ်ႉမႅင်းၶူဝ်ႊဝိတ်ႉ 19 တင်းမူတ်းမီးၵႂႃႇ 655 ၵေႃႉယဝ်ႉ ဝႃႈၼႆ။
တႄႇဢဝ် ဝၼ်းတီႈ 30/3/2020 တေႃႇထိုင် ဝၼ်းတီႈ 10/12/2020 ၼႆႉ ၼႂ်းမိူင်းတႆး ပွတ်းႁွင်ႇ၊ ပွတ်းၸၢၼ်းလႄႈ ပွတ်း ဢွၵ်ႇၶူင်း ၵူၼ်းတိတ်းၸပ်းၸိူဝ်ႉမႅင်းၶူဝ်ႊဝိတ်ႉ 19 တင်းမူတ်းမီး 655 ၵေႃႉ၊ လူႉတၢႆ 3 ၵေႃႉလႄႈ လႆႈၶႂၢင်ႉလူင်းႁူင်းယႃ 445 ၵေႃႉ ႁွင်ႈၵၢၼ်ၾၢႆႇပၢႆးယူႇလီ မိူင်းတႆး ပိုၼ်ၽၢဝ်ႇဢွၵ်ႇဝႆႉၼင်ႇၼႆ။
မိူဝ်ႈဝၼ်းတီႈ 9 ၼၼ်ႉ ၵူၼ်းတိတ်းၸပ်းၸိူဝ်ႉမႅင်းၶူဝ်ႊဝိတ်ႉ 19 တင်းမူတ်း မီး 641 ၵေႃႉ၊ လူႉ တၢႆ 2 ၵေႃႉလႄႈ လူင်းႁူင်း ယႃ 432 ၵေႃႉ ၼႆယဝ်ႉ။
ၼႂ်းဝၼ်းလဵဝ်ၵူၺ်း ၵူၼ်းတိတ်းၸပ်းၸိူဝ်ႉမႅင်းၶူဝ်ႊဝိတ်ႉ 19 ၽိူမ်ႉၶိုၼ်ႈထႅင်ႈ 14 ၵေႃႉ၊ လူႉတၢႆ 1 ၵေႃႉလႄႈ လူင်းႁူင်း ယႃ ယဝ်ႉ 13 ၵေႃႉ ဝႃႈၼႆ။
ယၢမ်းလဵဝ် ၼႂ်းမိူင်းႁူမ်ႈတုမ် ပတ်းပိုၼ်ႉ ၵူၼ်းတိတ်းၸပ်းၸိူဝ်ႉမႅင်းၶူဝ်ႊဝိတ်ႉ 19 တင်းမူတ်း 104,487 ၵေႃႉ၊ ယူတ်းယႃ 19,473 ၵေႃႉ၊ ယႃၶႅၼ်း 82,813 ၵေႃႉလႄႈ လူႉတၢႆ 2,201 ၵေႃႉ ႁွင်ႈၵၢၼ်ပၢႆးယူႇလီ မိူင်းႁူမ်ႈတုမ် ပိုၼ်ၽၢဝ်ႇဢွၵ်ႇဝႆႉၼင်ႇ ၼႆ။
ၼွၵ်ႈလိူဝ်ၼၼ်ႉ ၵူၼ်းတိတ်းၸပ်းၸိူဝ်ႉမႅင်းၶူဝ်ႊဝိတ်ႉ 19 ၼႂ်းပတ်းပိုၼ်ႉလုမ်ႈၾႃႉၼႆႉသမ်ႉ 70,720,646 ၵေႃႉ၊ ယႃၶႅၼ်း 49,148,785 ၵေႃႉလႄႈ လူႉတၢႆ 1,588,438 ၵေႃႉ ႁွင်ႈၵၢၼ် ပၢႆးယူႇလီ လုမ်ႈၾႃႉ WHO ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ