ၼၢင်းယိင်းလႄႈလွင်ႈလုမ်းလႃးတူဝ်ၵဝ်ႇ ပဵၼ်ၶွင်ၵိုၵ်းၵၼ်ၵူႈၵၼ်။ ယွၼ်ႉၼၼ် တေႁဵတ်းၸိူင်ႉႁိုဝ် ႁႂ်ႈယူႇလီ ႁၢင်ႈလီ လႄႈ သိူဝ်းၸႂ်၊ ႁဝ်းမႃးလဵပ်ႈႁဵၼ်းၸွမ်းၵၼ် 40 လၢႆးၼႆႉဝႆႉ တိုၼ်းတေႁၢင်ႈလီ ပၢႆးယူႇလီတဵမ်ထူၼ်ႈလႄႈသိူဝ်းၸႂ်ယဝ်ႉ။
1. ၸတ်းၶၢဝ်းယၢမ်းလုမ်းလႃးတူဝ်ၵဝ်ႇ – မိူၼ်ၼင်ႇလဵၼ်ႈဢဵၼ်ႁႅင်း၊ ၼင်ႈသမႃႇထီႉ၊ ဢၢၼ်ႇလိၵ်ႈ၊ တႅမ်ႈလိၵ်ႈ။
2. ႁႃၵူၼ်းမႃးၸွႆႈလုမ်းလႃးလွင်ႈမူတ်းသ်ႂ – ပဵၼ်ၸူႉ ၵေႃႉႁၵ်ႉၵၼ်၊ ဢူၺ်းၵေႃႉ ပေႃႈမႄႈ ပီႈၼွင်ႉၵေႃႈလႆႈ။
3. ၸတ်းဝၼ်းတႃႇလိုဝ်ႈႁိူဝ်ႉ – ဝၼ်းလိုဝ်ႈႁိူဝ်ႉၼႆႉ ႁႂ်ႈႁဵတ်းသင်ၵေႃႈလႆႈၼင်ႇၵၢင်ၸႂ်ၶႂ်ႈႁဵတ်း။
4. ပၼ်ၶၢဝ်းယၢမ်းတႃႇၵိၼ်ၶဝ်ႈ – ၵိၼ်မႅၼ်ႈၸွမ်းၶၢဝ်းယၢမ်း၊ ၵိၼ်တၢင်းၵိၼ်ဢၼ်ပဵၼ်ႁႅင်း ၵမ်ႉထႅမ်ပၢႆးယူႇလီ။
5. ၸတ်းသိမ်းႁိူၼ်းတႃႇသေႇ – တႃႇႁႂ်ႈပၢႆးယူႇလီႁဝ်းလီတႃႇသေႇလႄႈ ၸွႆႈႁႂ်ႈႁႃၶူဝ်းၶွင်တီႈၵဵပ်းသိမ်းလႆႈငၢႆႈပႃး။
6. ႁဵတ်းသဵၼ်ႈသၢႆမၢႆ – ၶပ်ႉမၢႆၸိုဝ်ႈဢၼ်ႁဝ်းလူဝ်ႇႁဵတ်းလွင်ႈမူတ်းသ်ႂ ႁဵတ်းဝႆႉပဵၼ်ၶေႃႈၶေႃႈ ယဝ်ႉၶိတ်ႇၶိူင်ႈမၢႆဝႆႉၸွမ်းၵူႈဝၼ်း။
7. ႁဵတ်းၼဵပ်ႉမိုဝ်း ၶဝ်ႈသပႃးၵူႈဝူင်ႈ – ႁပ်ႉႁွင်းဝႃႈၽိဝ်ၼိူဝ်ႉတေႁၢင်ႈလီမႃး မူတ်းသႂ်မႃး။
8. ၶဝ်ႈသႅင်ႇႁဵတ်းၶူၼ်ႁူဝ်တီႈဢေႇမၼ်းၼိုင်ႈလိူၼ်ၼိုင်ပွၵ်ႈ – လွႆးၶူၼ်ႁူဝ် ၵႅတ်းၶူၼ်ႁူဝ် သုမ်ႇဢၢႆၼမ်ႉ။
9. ယႃႇၶဝ်ႈၵၢၼ်လႃႈ – ၶဝ်ႈၵၢၼ်ၸွမ်းၶၢဝ်းယၢမ်းမၵ်းတမ်းဝႆႉ။
10. ယႃႇပေၸဵဝ်းဢွၵ်ႇတီႈႁဵတ်းၵၢၼ် – ဢွၵ်ႇၵၢၼ်ၸွမ်းၶၢဝ်းယၢမ်း။
11. လၢတ်ႈ/ဢုပ်ႇ လွင်ႈတၢင်းတီႈတူဝ်ၵဝ်ႇလႆႈႁူပ်ႉထူပ်းမိူဝ်ႈၼႆႉ – ၼႄၵူၼ်းႁိမ်းႁွမ်းထွမ်ႇ။
12. ၾိုၵ်းႁၢႆၸႂ်/ထူၺ်ႈၸႂ်ယၢဝ်းယၢဝ်း – တႃႇထႅမ်ဢွၵ်ႊသီႊၵျဵၼ်ႊပၼ်ၼႂ်းတူဝ်ၶိင်းႁဝ်း။
13. ၾိုၵ်းႁၢင်ႈႁႅၼ်းၶဝ်ႈဝၼ်းတီႈႁိူၼ်းမႃး – ၼင်ႇႁိုဝ်တေလႆႈၵိၼ်ၶဝ်ႈၽၵ်းမူတ်းသႂ်လႄႈလွတ်ႈၽေး။
14. ၶိၼ်းၵိၼ်ၶဝ်ႈၸွမ်းဢူၺ်းၵေႃႉၼိုင်ႈဝူင်ႈၼိုင်ႈပွၵ်ႈ – တႃႇမႅတ်ႇပႅင်းလွင်ႈမိုတ်ႈၵိုဝ်းၸမ်ၸႂ်ၵၼ်။
15. သိုပ်ႇ/ၵပ်းၾူၼ်းႁႃဢူၺ်းၵေႃႉၽွင်ႈ – ယႃႇႁၢႆလၢႆၼႂ်းတူင်ႇဝူင်းၵႂႃႇႁိုင်ၼၢၼ်း။
16. ဝၢင်းၽႅၼ်ၽဝႃႉတူဝ်ၵဝ်ႇဝႆႉ – ဝၢင်းၽႅၼ်ၽဝႃႉၶၢဝ်းပွတ်း သေႁဵတ်းသၢင်ႈၵႂႃႇၸွမ်းယိူင်းဢၢၼ်း။
17. လဵၼ်ႈႁႅင်းယူႇတႃႇသေႇ – တီႈဢေႇသုတ်းၼိုင်ႈဝၼ်းၶိုင်ႈၸူဝ်ႈမူင်း။
18. ယူႇၸွမ်းၵူၼ်းၵတ်ႉၶႅၼ်ႇ – ယုမ်ႇယမ်လႃႈတိုၼ်းတေပဵၼ်ၵူၼ်းၵတ်ႉၶႅၼ်ႇမႃး။
19. မေႃသၢၼ်ၶတ်း – ဢီႈသင်တီႈဢမ်ႇၵျိူၵ်ႈ ဢမ်ႇၶႂ်ႈႁဵတ်း ယႃႇလမ်ႁူဝ်ႁဵတ်းတိၵ်းတိၵ်း။
20. ႁဵတ်းသင်တီႈဢမ်ႇယၢမ်ႈႁဵတ်း – ၼိုင်ႈဝူင်ႈၼိုင်ႈပွၵ်ႈ။
21. ႁႂ်ႈဝူၼ်ႉလိုမ်ႉၶိုၼ်းၵူႈလွင်ႈလွင်ႈ – ဢၼ်ႁဝ်းႁဵတ်းၽိတ်းပိူင်ႈၵႂႃႇသေ မူၼ်ႉမႄးၵႄႈလိတ်ႈၵႂႃႇ။
22. ၵိၼ်ၼမ်ႉႁႂ်ႈပဵင်းပေႃး – ပေႃးပဵၼ်လႆႈၼိုင်ႈဝၼ်းႁႂ်ႈၵိၼ်ၼမ်ႉပၼ် 6-8 ၵွၵ်း။
23. ၵၢင်ၼႂ်ၸဝ်ႉႁႂ်ႈၵိၼ်ၼမ်ႉဢုၼ်ႇလႄႈၼမ်ႉမၢၵ်ႇၽႃႈ – ႁႂ်ႈတူဝ်ၶိင်းႁဝ်းမဝ်လႄႈၽၢႆႈလူင်ငၢႆႈ။
24. ႁဵတ်းလွင်ႈမူၼ်ႈသိူဝ်းၼိုင်ႈဝူင်ႈ 2-3 ပွၵ်ႈ – မိူၼ်ၼင်ႇ တူၺ်းငဝ်းတူင်ႉ၊ တူၺ်းၵူၼ်းႁွင်ႉၵႂၢမ်း။
25. ဝၼ်းလိုဝ်ႈၵၢၼ်ၵႂႃႇဢႅဝ်ႇလႄႇၽွင်ႈ – ယႃႇၵုမ်ႇမၢင်ႉ ႁဵတ်းၵၢၼ်ပိူင်လဵဝ်။
26. ၸတ်းၶၢဝ်းယၢမ်းတႃႇလိူၼ်ၼိုင်ႈ – ပဵၼ်လိူၼ်တီႈဢမ်ႇလူဝ်ႇလႆႈႁဵတ်းသင်။
27. တတ်းလွင်ႈဢၼ်ဢမ်ႇလူဝ်ႇၼႂ်းၽဝႃႉဢွၵ်ႇပႅတ်ႈ – လွင်ႈႁဵတ်းယဝ်ႉႁိူဝ်ႉ တုမ်ႉတိူဝ်ႉပၢႆးယူႇလီ။
28. ယႃႇတွပ်ႇဢီးမေးလ်ၵမ်းလဵဝ် – ထတ်းထွင်ဢွၼ်တၢင်းသေၸင်ႇတွပ်ႇ။
29. ဝႆႉၼၵ်းလွင်ႈမူၼ်ႈသိူဝ်းၼႂ်းၽဝႃႉ – မူၼ်ႈသိူဝ်းၸွမ်းၼႂ်းၼႃႈႁိူၼ်း သိူဝ်းၸွမ်းၵေႃႉႁၵ်ႉၽွင်ႈ။
30. လိုမ်ႉၶိုၼ်းလွင်ႈတီႈႁဵတ်းမိူဝ်ႈဝႃး – မိူဝ်ႈၼႆႉႁဝ်းၸွင်ႇလီၶိုၼ်ႈမႃးလိူဝ်ၵဝ်ႇ။
31. သိုဝ်ႉၶွင်ပၼ်တူဝ်ၵဝ်ႇ မိူဝ်ႈပူၼ်ႉဝၼ်းတီႈႁိူဝ်ႉမွႆႈမႃး – ဝၼ်းၼၼ်ႉသူတေမူၼ်ႈသိူဝ်းၸႂ်မႃး။
32. ဝႄႉပႆလဵၼ်ႈၼႂ်းသူၼ်ၽွင်ႈ – ဝႆႉၸႂ်လီလီၸွမ်းသၽႃႇဝတူၺ်းၽွင်ႈ။
33. ၵႆႉလုမ်းလႃးႁိူၼ်းႁႂ်ႈမူတ်းသႂ် – ၽဵဝ်ႈသိမ်းတီႈဢၼ်ႁူၵ်ႉ သုၵ်ႉသၵ်ႉႁႂ်ႈမူတ်းသႂ်ႁၢင်ႈလီတႃ။
34. သႂ်ႇၸႂ်လွင်ႈၶိၼ်းဝႆႉတႃႇသေႇ – မိူၼ်ၼင်ႇ ၶိၼ်းမေႃယႃ၊ ၸၢႆႇၵႃႈၶွၼ်ႇၸိူဝ်းၼႆႉယႃႇလိုမ်းပႅတ်ႈလႃးလႃး။
35. ၵိၼ်ၽၵ်းၶဵဝ်ၽွင်ႈ – ပိူဝ်ႈတႃႇႁႂ်ႈ တူဝ်ၶိင်းၵႅၼ်ႇၶႅင်၊ ၼိူဝ်ႉၼင်ႁၢင်ႈလီ။
36. ၼွၼ်းၼႂ်းႁွင်ႈတီႈလပ်းသိင်ႇ – တေႁဵတ်းႁႂ်ႈလပ်းလီ ၵၢင်ၼႂ်လုၵ်ႉမႃးၵေႃႈၸိုၼ်ႈပၢင်ႇလီ။
37. ပိၵ်ႉသဵင်ၾူၼ်း – တင်ႈၸႂ်ၼွၼ်းႁႂ်ႈလပ်း တႃႇႁႂ်ႈဢွၵ်းဢေႃလႆႈလိုဝ်ႈတဵမ်တီႈ။
38. ဝႆႈၽြႃးလႄႈၼင်ႈသမႃႇထိ ၼိုင်ႈဝၼ်း 5-10 မိၼိတ်ႉ – ဢွၼ်တၢင်းတေၼွၼ်း ႁႂ်ႈမီးလွင်ႈငမ်းယဵၼ်လီ။
39. ယွၼ်ႇယၢၼ်းပၼ်တူဝ်ၵဝ်ႇၽွင်ႈ – ပေႃးႁဵတ်းသင်ယဝ်ႉႁဵတ်းႁႂ်ႈသုၵ်ႉမႆႈ ႁႂ်ႈလၢတ်ႈတူဝ်ၵဝ်ႇဝႃႈၸႂ်ယဵၼ်ယဵၼ်။
40. တႅမ်ႈမၢႆဢၼ်လူဝ်ႇႁဵတ်းၼႂ်းဝူင်ႈၼႆႉ – တေလႆႈႁူႉဝႃႈလူဝ်ႇလႆႈႁဵတ်းသင်ၽွင်ႈ။
တီႈမႃးၶေႃႈမုလ်းဢၢင်ႈဢိင် : lifehack
ၽူႈတႅမ်ႈ :Women Mthai Team
ၽူႈပိၼ်ႇၽႃႇသႃႇလႄႈ ၵဵပ်းႁွမ်တွမ်တႅမ်ႈ : ၵမ်ၵိုမ်း
ၶေႃႈမုလ်း – ပပ်ႉမႅၵ်ႉၵသိၼ်းၽူႈတွႆႇႁွၵ်ႈ 20, August 2019
