သိုၵ်းလူင်ပွင်ၸိုင်ႈမၢၼ်ႈ ဢၼ်ၵႂႃႇမိူင်းဢိၼ်းတီးယိူဝ်ႊ ပွၵ်ႈမႃးၼၼ်ႉ တႃႇ 4 ၵေႃႉ ၵူတ်ႇထတ်းထူပ်းႁၼ် ၸိူဝ်ႉမႅင်းၶူဝ်ႊဝိတ်ႉ – 19 ဝႃႈၼႆ။
ဝၼ်းတီႈ 1/6/2020 ယၢမ်းၵၢင်ၼႂ် 7 မူင်း ယူႇတီႈႁွင်ႈၵၢၼ်ပၢႆးယူႇလီလႄႈ ၾၢႆႇလဵၼ်ႈႁႅင်း ပိုၼ်ၽၢဝ်ႇဢွၵ်ႇ မႃးဝႃႈ သိုၵ်းတပ်ႉမတေႃႇ တင်းမူတ်း 18 ၵေႃႉ ဢၼ်ဢွၵ်ႇၶၢဝ်းတၢင်းၵႂႃႇတီႈမိူင်းဢိၼ်းၻီးယိူဝ်ႊ ပွၵ်ႈမႃးၼၼ်ႉ တႃႇ 4 ၵေႃႉ ၵူတ်ႇထတ်းႁၼ် ၸိူဝ်ႉမႅင်း တၢင်းပဵၼ်ၶူဝ်ႊဝိတ်ႉ – 19 လႄႈလႆႈသူင်ႇယူတ်းယႃတူဝ်ဝႆႉတီႈ ႁူင်းယႃလူင်ၾၢႆႇသိုၵ်း တီႈၸႄႈဝဵင်းမင်ၵလႃႇတူင်ႇ တႃႈၵုင်ႈယဝ်ႉဝႃႈၼႆ။
တပ်ႉသိုၵ်းလူင်ပွင်ၸိုင်ႈမၢၼ်ႈ 18 ၵေႃႉၼၼ်ႉလုၵ်ႉ ဢိၼ်ႊတီႊယိူဝ်ႊပွၵ်ႈမႃးထိုင်မိူင်းႁူမ်ႈတုမ် မိူဝ်ႈဝၼ်းတီႈ 24/5/2020 ။ ၽွင်းၼၼ်ႉ ၵူတ်ႇထတ်းတၢင်းပဵၼ် ယဝ်ႉၵမ်းၼိုင်ႈ ဢမ်ႇႁၼ်ၸိူဝ်ႉမႅင်းသင် ။
ႁွင်ႈၵၢၼ် ပၢႆးယူႇလီလႄႈ ၾၢႆႇလဵၼ်ႈႁႅင်း ပိုၼ်ၽၢဝ်ႇဝႃႈ- ၵူၼ်းမိူင်းဢၼ်ၶိုၼ်ႈၶိူင်ႈမိၼ်ပွၵ်ႈမႃးၸွမ်းၵၼ် တင်း သိုၵ်း 18 ၵေႃႉၼၼ်ႉ မီးပႃးၽူႈၸၢႆး 9 ၵေႃႉလႄႈ ၽူႈယိင်း 8 ၵေႃႉ ၼႆသေ ယၢမ်းလဵဝ်ၵုမ်းတူဝ်ၸိူဝ်းၶဝ်သေ ၵူတ်ႇထတ်းပၢႆးယူႇလီဝႆႉပၼ်ယူႇ ဝႃႈၼႆ။
