Friday, March 29, 2024

ငဝ်ႈၸိုင်ႈလွႆတႆးလႅင်း ၸတ်းပၢင်ၵႅဝ်ႈ မၢႆတွင်း ဝၼ်းလုၵ်ႉၽိုၼ်ႉ ၶွပ်ႈထူၼ်ႈ 62 ပီ

Must read

ဝၼ်းလုၵ်ႉၽိုၼ်ႉ ၵွပ်ႇၵူႈဢဝ်ၶိုၼ်းမိူင်း ၶွပ်ႈတဵမ် 62 ပီ ငဝ်ႈၸိုင်ႈလွႆတႆးလႅင်း ၶွင်ႇသီႇဢဝ်ၶိုၼ်း ၸိုင်ႈတႆး RCSS/SSA ၸတ်းပၢင်ၵႅဝ်ႈ မၢႆတွင်းၸွမ်းၼင်ႇ ငဝ်းလၢႆး တၢင်းပဵၼ် ၶူဝ်ႊဝိတ်ႉ 19 ။

Photo by – RCSS/ ဝၼ်းလုၵ်ႉၾိုၼ်ႉ ၶွပ်ႈတဵမ် 62 ပီ တီႈငဝ်ႈၸိုင်ႈလွႆတႆးလႅင်း

ဝၼ်းတီႈ 21/5/2020 ပဵၼ်ဝၼ်း တႄႇၵၢၼ်လုၵ်ႉၽိုၼ်ႉ ၊ ပီၼႆႉ ၶွပ်ႈထိုင်မႃး 62 ပီ ယဝ်ႉလႄႈ ယူႇတီႈၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး RCSS/SSA ၸတ်းႁဵတ်းပၢင်ၵႅဝ်ႈၶုၵ်းထူပ်း ၵုင်ႇမုၼ် ၽူႈပိုၼ်ႉပွႆႇတႃႇၸိူဝ်ႉၸၢတ်ႈ ၼႂ်းတိုဝ်ႉတၢင်းဝၼ်းလုၵ်ႉၽိုၼ်ႉ၊ ယွၼ်ႉတၢင်းပဵၼ် ၶူဝ်ႊဝိတ်ႉ – 19 လၢမ်းၽႄႈႁၢဝ်ႈႁႅင်းယူႇလႄႈ ပီၼႆႉ ဢမ်ႇၸတ်းၶိုၵ်ႉယႂ်ႇလူင်လၢင် မိူၼ်ၵူႈပီ။

- Subscription -

ၸဝ်ႈသိုၵ်း ဢုမ်ႈၶိူဝ်း ၽူႈၶၢၼ်ပၢၵ်ႇ RCSS လၢတ်ႈတီႈၽူႈတွႆႇႁွၵ်ႈဝႃႈ “ပၢင်ၵႅဝ်ႈၼႂ်းဝၼ်းလုၵ်ႉၽိုၼ်ႉ ၶွပ်ႈတဵမ် 62 ၼႆႉ ဢၼ်ႁဝ်းၶႃႈ ၸတ်းႁဵတ်းမႃး မိူၼ်မိူဝ်ႈၵူႈပီပီၼၼ်ႉတႄႉ ပီၼႆႉ ႁဝ်းၶႃႈ ဢမ်ႇၸတ်းႁဵတ်းယႂ်ႇလူင်သင်ၶႃႈ၊ တေႃႉတေႉၸတ်းပဵၼ်တီႈမၢႆတွင်းၵူၺ်း။ ယွၼ်ႉတၢင်းပဵၼ် ၶူဝ်ႊဝိတ်ႉ 19 ၼႆႉသေ ႁဝ်းၵေႃႈ ဢမ်ႇၶွၼ်ႈတုမ်ၵၼ်ၼမ် ၼၼ်ႉၶႃႈၼႃႇ – ဝႃႈၼႆ။

Photo by – RCSS/ ဝၼ်းလုၵ်ႉၾိုၼ်ႉ ၶွပ်ႈတဵမ် 62 ပီ တီႈငဝ်ႈၸိုင်ႈလွႆတႆးလႅင်း

မိူဝ်ႈၼႆႉ ပဵၼ်ဝၼ်းယႂ်ႇလူင်ဝၼ်းၼိုင်ႈ ဝႃႈၼႆသေတႃႉ ယွၼ်ႉတၢင်းပဵၼ် COVID 19 ၼႆႉသေ လႆႈၸႂ်ႉလၢႆးၸတ်း ႁဵတ်းပဵၼ် တီႈမၢႆတွင်း ႁႂ်ႈပဵၼ်လၢႆးၵူၼ်းဢေႇ ၼင်ႇႁိုဝ် ၵူၼ်းပေႃးတေ ဢမ်ႇၶွၼ်ႈတုမ်ၵၼ်ၼမ် ။ မီးပၢင် တၢၼ်းသွမ်းပဵၼ်းသင်ၶၸဝ်ႈ၊ တွၼ်ႈသူးၽူႈႁတ်းႁၢၼ်လႄႈ ဝၢင်းၶူဝ်ႉမွၵ်ႇမွင်ၸႂ်၊ တၵ်ႉယမ်ၶႂၼ်ငဝ်း ၽူႈႁတ်းႁၢၼ် ၸိူဝ်းလႆႈလူႉသဵင်ႈၵႂႃႇ ၸိူဝ်းၼၼ်ႉ ဝႃႈၼႆ။

တီႈပၢင်ၵႅဝ်ႈၼၼ်ႉ ၸွမ်သိုၵ်းလူင်ယွတ်ႈသိုၵ်း ႁူဝ်ပဝ်ႈလူင် ၶွင်ႇသီႇဢဝ်ၶိုၼ်းၸိုင်ႈတႆး တပ်ႉသိုၵ်း ၸိုင်ႈတႆး RCSS/SSA ဢိၵ်ႇ ၽူႈၶဝ်ႈၶွမ်ႇမတီႇငဝ်ႈငုၼ်း ၶိုၼ်ႈႁွတ်ႈလၢႆလၢႆၸဝ်ႈ။

ၵူႈပီ ဝၼ်းလုၵ်ႉၽိုၼ်ႉၼႆႉ ငဝ်ႈၸိုင်ႈလွႆတႆးလႅင်း ၸတ်းႁဵတ်းၶိုၵ်ႉယႂ်ႇလူင်၊ မွၵ်ႇၶႅၵ်ႇၶိုၵ်ႉတွၼ်း၊ ၽွင်းတၢင်လူင် လၢႆလၢႆမိူင်း၊ တူဝ်တႅၼ်းတပ်ႉသိုၵ်းတၢင်ႇၸၢဝ်းၶိူဝ်း၊ ပႃႇတီႇၵၢၼ်မိူင်းလၢႆလၢႆဢၼ်၊ တူဝ်တႅၼ်း ၵူၼ်းမိူင်း ၸိူဝ်းၼႆႉ လႄႈ ၵူၼ်းၼွၵ်ႈမိူင်းၼႂ်းမိူင်း ၶိုၼ်ႈႁွတ်ႈ ၼပ်ႉႁဵင်၊ ပီ ၼႆႉ တႄႉ ၸတ်းၸွမ်းငဝ်းလၢႆး တၢင်း ပဵၼ်ၶူဝ်ႊဝိတ်ႉ 19 ၵူၺ်း – ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း