Sunday, May 26, 2024

မိူင်းၵဵင်းမႂ်ႇ ပဵၼ်မိူင်းမိုတ်ႉမူဝ်း မီးၾုၼ်ႇၵႂၼ်း ၼမ်သုတ်းၼႂ်းလုမ်ႈၾႃႉ

Must read

ဝၼ်းတီႈ 19/3/2020 ဝၼ်းမိူဝ်ႈၼႆႉ ယူႇတီႈႁွင်ႈၵၢၼ်ၾၢႆႇ သိင်ႇဝႅတ်ႉလွမ်ႉ မိူင်းၸိုင်ႈထႆး လႆႈပိုၼ်ၽၢဝ်ႇ ဝႃႈ မိူင်းၵဵင်းမႂ်ႇ ၸိုင်ႈထႆး ပဵၼ်ဝဵင်းဢၼ် မီးၵႂၼ်းၾႆးၼႃႁၢဝ်ႈႁႅင်းတီႈသုတ်းၼႂ်းလုမ်ႈၾႃႉ။

ၶေႃႈမုၼ်း Update လွင်ႈၾုၼ်ႇၵႂၼ်းၼႂ်းၵဵင်းမႆႇ ဝၼ်းတီႈ 19/3/2020 ယၢမ်းၵၢင်ဝၼ်းးတဵင်ႈ မီး 249 AQI

ယၢမ်းၵၢင်ၼႂ် 9 မူင်းၶိုင်ႈ မိူင်းၵဵင်းမႂ်ႇ ၸိုင်ႈထႆးတွၼ်ႈၼိူဝ် မီးၾုၼ်ႇၵႂၼ်းၾႆးၼႃ ႁႅင်း မီးထိုင် 230 US AQI လႄႈ ယၢမ်းၵၢင်ဝၼ်းးတဵင်ႈ မီး 249 AQI မီးၼႂ်းၸၼ်ႉသီၵမ်ႇ (ဢၼ်လီမႆႈၸႂ်ႁၢဝ်ႈႁႅင်း) ၼမ်လိူဝ်သုတ်းၼႂ်းလုမ်ႈၾႃႉ ။

- Subscription -
Photo Credit to Chiangmai News- ၾႆးမႆႈပႃႇတီႈသၼ်လွႆသူးထဵပ်ႈ ၶမ်ႈဝႃး 18/3/2020

ယွၼ်ႉပိူဝ်ႈၼၼ်လႄႈ ႁႂ်ႈၵူၼ်းယူႇၼႂ်းၵဵင်းမႆႇ ဢွၼ်ၵၼ်လုမ်းလႃးပၢႆးယူႇလီ။ ပေႃးဢွၵ်ႇတၢင်းၼွၵ်ႈ ႁႂ်ႈသႂ်ႇတိုဝ်းၽႃႈတူမ်းပၢၵ်ႇ တူမ်းၶူႈၼင်။ ႁႂ်ႈၵိၼ်ပၼ်ၼမ်ႉၼမ်ၼမ် -ၾၢႆႇပၢႆးယူႇလီၵေႃႈ ပိုၼ်ၽၢဝ် ႇဝႆႉၼင်ႇၼႆ။

Photo Credit to Chiangmai News- ၾႆးမႆႈပႃႇတီႈသၼ်လွႆသူးထဵပ်ႈ ၶမ်ႈဝႃး 18/3/2020

 

ၸဝ်ႈၼႃႈတီႈၾၢႆႇပႃႇမႆႉ ပိုၼ်ၽၢဝ်ႇဝႃႈ မိူဝ်ႈၶမ်ႈဝႃး ဝၼ်းတီႈ 18/3/2020 ၾႆးမႆႈပႃႇတီႈသၼ်လွႆသူးထဵပ်ႈ ၾၢႆႇၼိူဝ် ႁူၺ်ႈတိုင်းထဝ်ႈ ။ ၸဝ်ႈၼႃႈတီႈၾၢႆႇၶႄၾႆးလၢႆလၢႆၸုမ်း လၢႆလၢႆႁွင်ႈၵၢၼ်လႆႈႁူမ်ႈႁႅင်းၵၼ် 200 ပၢႆသေ ၵႂႃႇၶႄၾႆး။ ဢဝ်ၶိူင်ႈမိၼ် ႁႄႊလီႊၶွပ်ႊတိူဝ်ႊ မိၼ်သေသိတ်းယႃႈယႃမွတ်ႇၾႆးသေတႃႉ ၾႆးလၢမ်းမႆႈၵႂႃႇႁိမ်း 100 ဢေႊၶိူဝ်ႊပၢႆ။

ပိုၼ်ႉတီႈလိၼ် ဢၼ်ၺႃးၾႆးမႆႈၼႆႉ ပဵၼ်ၼႃႈလိၼ် တႃႇၾိုၵ်းၵၢၼ်သိုၵ်း မိူင်းထႆးတွၼ်ႈၼိူဝ် ဝႃႈၼႆ။

 

ၶေႃႈမုၼ်း- Chiangmai News

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း