ႁႅင်းၵၢၼ် မိူင်းႁူမ်ႈတုမ်မျၢၼ်ႇမႃႇ ၸိူဝ်းလၵ်ႉၶဝ်ႈႁဵတ်းၵၢၼ်ၼႂ်းမိူင်းထႆးၼၼ်ႉ ထုၵ်ႇပလိၵ်ႈထႆး တီႉၺွပ်းသူင်ႇတူဝ်ပွၵ်ႈ ၶိုၼ်းလႅၼ်လိၼ်တႆး – ထႆး (တႃႈၶီႈလဵၵ်း – မႄႈသၢႆ) 13 ၵေႃႉ။
ဝၼ်းတီႈ 4/9/2019 ပလိၵ်ႈထႆး ဢဝ်ႁႅင်းၵၢၼ်မွပ်ႈပၼ် တၢင်းပလိၵ်ႈၾင်ႇတႃႈၶီႈလဵၵ်း လႅၼ်လိၼ်တႆး – ထႆး တင်း မူတ်း 13 ၵေႃႉ၊ ၼႂ်းၼၼ်ႉ ပဵၼ်ၵူၼ်းမိူင်းတႆး ပွတ်းၸၢၼ်း 12 ၵေႃႉလႄႈ တိူင်းမၼ်းတလေး (ဝဵင်းလိူဝ်ႇ) 1 ၵေႃႉ ဝႃႈၼႆ။
သိုဝ်ႇၶၢဝ်ႇ Tachileik News Agency ဢွၵ်ႇဝႆႉဝႃႈ“ ၶဝ် 13 ၵေႃႉၼႆႉ လၵ်ႉၶၢမ်ႈၼမ်ႉသၢႆ ၶဝ်ႈမိူင်းထႆး ၺႃးပလိၵ်ႈထႆးတီႉ ၺွပ်း ပၼ်တူတ်ႈတၢမ်ႇ တူၵ်းၶွၵ်ႈ 4 လိူၼ် ၸွမ်းၼင်ႇမၢႆမီႈဝၢၼ်ႈမိူင်း ထႆးမီးၼၼ်ႉသေ ၸင်ႇၶိုၼ်းသူင်ႇတူဝ်မွပ်ႈပၼ် တၢင်းပလိၵ်ႈၾင်ႇတႃႈၶီႈလဵၵ်း” ဝႃႈၼႆ။
ၵဵဝ်ႇလူၺ်ႈလွင်ႈႁႅင်းၵၢၼ် 13 ၵေႃႉ ဢၼ်သူင်ႇပွၵ်ႈမႃးၼႆႉသေ ၽူႈမီးပုၼ်ႈၽွၼ်း ၼႂ်းႁွင်ႈၵၢၼ်လူင်ပွင်ၸိုင်ႈလႄႈ ဢိၵ်ႇ ထႅင်ႈလၢႆလၢႆၾၢႆႇ ႁပ်ႉႁွင်းဢဝ် တေသူင်ႇပွၵ်ႈမိူဝ်းၶိုၼ်း ႁိူၼ်းၽႂ်မၼ်း။ တွၼ်ႈတႃႇႁႅင်းၵၢၼ်ၸိူဝ်း တေပွၵ်ႈႁိူၼ်းၼၼ်ႉ သင်ၽႂ် ၵေႃႉလႂ် မီးလွင်ႈယၢပ်ႇၽိုတ်ႇၸိုင် တေၸွႆႈၶပ်းၶိုင် သူင်ႇပွၵ်ႈထိုင်ႁိူၼ်းယေးၶိုၼ်း ဝႃႈၼႆ။
ၶေႃႈမုလ်း – Tachileik News Agency
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ