ပၢင်ၵုမ်သၽႃး ၸႄႈမိူင်းတႆး ပွၵ်ႈၵမ်း 2 ၵမ်းထူၼ်ႈ 16 တေတႄႇၼႂ်းၵၢင်လိူၼ်ၼႃႈ ဝႃႈၼႆ။
လုမ်းသၽႃးၸႄႈမိူင်းတႆး ပိုၼ်ၽၢဝ်ဝႃႈ တေၸတ်းပၢင်ၵုမ်သၽႃးၸႄႈမိူင်းတႆး ပွၵ်ႈၵမ်း 2 ၵမ်း ထူၼ်ႈ 16 ၼႂ်းဝၼ်းတီႈ 17/9/2019 ဝႃႈၼႆ။
ၸၢႆးၸၢမ်ႇမိူင်း ၽူႈတႅၼ်းသၽႃးၸႄႈမိူင်း ၸႄႈဝဵင်းၵေးသီး လၢတ်ႈတီႈၽူႈတွႆႇႁွၵ်ႈဝႃႈ “ ၸႂ်ႈၶႃႈဢေႃႈ တေပဵၼ်လိူၼ်ၼႃႈ ၶႃႈႁဝ်း လႆႈႁပ်ႉလိၵ်ႈၽိတ်ႈမွၵ်ႇယဝ်ႉ။ ပီၸမ်သဵင်ႈယဝ်ႉလႄႈ ပတ်ႉၵျႅတ်ႉငိုၼ်းတွင်း ၸမ်တေသဵင်ႈယဝ်ႉ၊ လႅပ်ႈတေဢုပ်ႇ ၵၼ်လွင်ႈပတ်ႉၵျႅတ်ႉၶႃႈယူဝ်ႉလၢမ်းၶၢတ်ႈဝႆႉတႄႉ” ဝႃႈၼႆ။
ပၢင်ၵုမ်သၽႃးၸႄႈမိူင်းတႆး ပွၵ်ႈၵမ်း 2 ၵမ်းထူၼ်ႈ 15 ပူၼ်ႉမႃးၼၼ်ႉ ၸတ်းႁဵတ်းၼႂ်းဝၼ်းတီႈ 10-13/6/2019 သေ ယူႇ တီႈႁူဝ်ပဝ်ႈသၽႃးၸႄႈမိူင်းတႆး လႆႈႁွင်ႉပၢင်ၵုမ် ၶိုၵ်ႉၶၵ်ႉ (1/2019) ၸတ်းၼႂ်း ဝၼ်းတီႈ 8-10/7/2019 ထႅင်ႈၵမ်း ၼိုင်ႈ ဝႃႈၼႆ။
ၵဵဝ်ႇၵပ်းပၢင်တိုၵ်း ၼႂ်းၸိုင်ႈတႆးပွတ်းႁွင်ႇယၢမ်းလဵဝ်ၼႆႉသေ ၸၢႆးၸၢမ်ႇမိူင်းသိုပ်ႇလၢတ်ႈဝႃႈ“ ပၢင်တိုၵ်းဢၼ်ပဵၼ်ယူႇယၢမ်း လဵဝ် ၼႂ်းမိူင်းတႆးပွတ်းႁွင်ႇၼၼ်ႉၵေႃႈ လႅပ်ႈတေမီးၽူႈတႅၼ်း သေၵေႃႉ ၵေႃႉ တၢင်ႇလိၵ်ႈၶိုၵ်ႉၶၵ်ႉ( အရေးကြီးအဆို) ယူႇၶႃႈ” ဝႃႈၼႆ။
ၽူႈတႅၼ်းသၽႃး ၸႄႈမိူင်းတႆးၼႆႉ တင်းမူတ်း မီး 140 ၵေႃႉ။ ၼႂ်း 140 ၵေႃႉၼႆႉ ၽူႈတႅၼ်းသၽႃးတပ်ႉသိုၵ်းလူင်ပွင်ၸိုင်ႈ မၢၼ်ႈ 36 ၵေႃႉ၊ ၽူႈတႅၼ်းသၽႃးပႃႇတီႇသၢင်ႇသီႈ 31 ၵေႃႉ၊ ပႃႇတီႇႁူဝ်သိူဝ် 28 ၵေႃႉ၊ ၼူၵ်ႉယုင်း 25 ၵေႃႉလႄႈ တၢင်ႇပႃႇ တီႇထႅင်ႈ 20 ၵေႃႉ ဝႃႈၼႆ။
