ပီႈၼွင်ႉတႆးၼႂ်းမိူင်းၵွၵ်ႇ ၶဝ်ႈႁူမ်ႈ ႁူမ်ၸူမ်းပၢင်ပွႆးဝၼ်းၵိူတ်ႇ ၸဝ်ႈမုၼ်ယႂ်ႇၶုၼ်ႁေႃၶမ်းထႆး တူၼ်ထူၼ်ႈ 10 ။
ဝၼ်းတီႈ 28/07/2019 ပဵၼ်ဝၼ်းၵိူတ်ႇ ၸဝ်ႈမုၼ်ယႂ်ႇၶုၼ်ႁေႃၶမ်းထႆး တူၼ်ထူၼ်ႈ 10 လူင်ပွင်ၸိုင်ႈထႆးလႄႈ ၶိူဝ်း ႁေႃၶမ်းထႆး ၸတ်းႁဵတ်းပၢင်ယုၵ်ႉယွင်ႈ ယွၼ်းသူးပၼ်ဝၼ်းၵိူတ်ႇ တီႈပၢင်ႇဝၢင်းႁေႃၶမ်းထႆး ၼႂ်းမိူင်းၵွၵ်ႇ ၸိုင်ႈထႆး။ ပီႈၼွင်ႉတႆးၼႂ်းမိူင်းၵွၵ်ႇ ဢၼ်မီးၸိုဝ်ႈထႆးဝႃႈ องค์กรไทใหญ่รักในหลวง ဢဵၼ်ႁႅင်းႁိမ်းၸမ် 200 ၵေႃႉ ၶဝ်ႈႁူမ်ႈဝၢင်း ဢုပ်းမွၵ်ႇ ငိုၼ်းမွၵ်ႇၶမ်း ။
ၼၢင်းမႂ်ႇ ၵႅမ်ႁူဝ်ပဝ်ႈ 2 မုၵ်ႉၸုမ်းၸၢဝ်းၶိူဝ်းတႆး ဢၼ်ၶဝ်ႈႁူမ်ႈတူင်ႉၼိုင် ၼႂ်းပၢင်ဝၼ်းၵိူတ်ႇ ၸဝ်ႈမုၼ်ယႂ်ႇ ၶုၼ်ႁေႃၶမ်းထႆးတူၼ်ထူၼ်း 10 လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ “ ယိူင်းဢၢၼ်းတႄႉ ႁဝ်းၶႃႈပဵၼ်ႁႅင်းၵၢၼ်ယၢၼ်မိူင်း ဢမ်ႇထုၵ်ႇလီ လိုမ်းၵုင်ႇမုၼ်ၽႅၼ်ႇလိၼ်ဢၼ်ႁဝ်းၶႃႈ လႆႈမႃးပိုင်ႈဢိင်ယူႇသဝ်း။ ယွၼ်ႉဝႃႈၶုၼ်ႁေႃၶမ်းမိူင်းထႆးၼႆႉ ဢမ်ႇၸႅၵ်ႇၽႄ ၸၢဝ်းၶိူဝ်းလဵၵ်ႉ ၸၢဝ်းၶိူဝ်းယႂ်ႇ ” ဝႃႈၼႆ။
ၸဝ်ႈမုၼ်ယႂ်ႇၶုၼ်ႁေႃၶမ်းထႆး တူၼ်ထူၼ်ႈ 10 ၼႆႉ ၵိူတ်ႇမိူဝ်ႈဝၼ်းတီႈ 28 /07/1952 ။ မိူဝ်ႈဝၼ်းတီႈ 4 -6 /05/ 20 19 ဝၢင်းႁေႃၶမ်းၸၵ်ႇၵရီႊ (ပီႈၼွင်ႉၸိူဝ်ႉႁိူဝ်ႇငိူၼ်ႈၶိူဝ်းၶႆႇသႅင်ၽၼ်းၶမ်း) မိူင်းထႆး ၸတ်းႁဵတ်းပၢင် ပွႆးယုၵ်ႉယွင်ႈ ၸဝ်ႈမုၼ်ယႂ်ႇၶုၼ်ႁေႃၶမ်းထႆး ၶိုၼ်ႈပဵၼ်ၶုၼ်ႁေႃၶမ်း တူၼ်ထူၼ်ႈ 10 ၼႂ်းၶိူဝ်းႁေႃၶမ်း ၸၵ်ႇၵရီႊ ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ