ပူၼ်ႉမႃး မိူဝ်ႈလိူၼ်မၢတ်ႊၶျ်ၼႆႉ ရူတ်ႉၵႃး ၵမ်းၵမ်း ပဵၼ်ၽေးဢုပၢတ်ႈ (ၽေးၵိုင်ႉၵၢင်ႉ) ပိၼ်ႈၶႂမ်ႈၼိူဝ်သဵၼ်ႈတၢင်းတႃႈၵုင်ႈ-ၼေႇပျီႇတေႃႇ ဝဵင်းလိူဝ်ႇ (ၼိူဝ်ဢမျၢၼ်ႇလၼ်း) ဝႃႈၼႆ။
ဝၼ်းတီႈ 01/04/2019 ၾၢႆႇပလိၵ်ႈၵုမ်းသဵၼ်ႈတၢင်းလူင် ပိုၼ်ၽၢဝ်ႇဝႃႈ ရူတ်ႉၵႃးဢၼ်လႆႈပဵၼ်ၽေးဢုပၢတ်ႈ ၼိူဝ်သဵၼ်ႈ တၢင်းဝႆး(ဢမျၢၼ်ႉလၢၼ်း) ပဵၼ်ယွၼ်ႉ ဢမ်ႇၵုမ်းလႆႈႁႅင်းဝႆးသေ ပိၼ်ႈၶႂမ်ႈ၊ ငဝ်ၼွၼ်း၊ ရူတ်ႉၶိူင်ႈတေႃႇရူတ်ႉၶိူင်ႈတမ်ၽႃႇ ၵၼ်၊ ယွၼ်ႉဝႆႉမဝ်မၢင် ၼိူဝ်ၵၢၼ်ႁေႃႈရူတ်ႉ မၢၵ်ႇရူတ်ႉပွင်ႇ၊ ၶိူင်ႈၸၢၵ်ႈလႅဝ်/ ၵွႆ ၸဵမ်ၸိူဝ်းၼႆႉ။
ၶၢဝ်ႇ 7 day တႄႉ ဢွၵ်ႇဝႆႉဝႃႈ ၵႃးၽႃႇၵၼ် ၼိူဝ်သဵၼ်ႈတၢင်းဝႆး(ဢမျၢၼ်ႇလၢၼ်း) ၼႂ်းလိူၼ်မၢတ်ႊၶျ်ၼႆႉ ၵႃးသုၼ်ႇတူဝ် (ၵႃးႁိူၼ်း) 29 လမ်း၊ ၵႃးတၢင်ႇၵူၼ်း ႁပ်ႉၵူၼ်းသူင်ႇၵူၼ်း 9 လမ်း၊ ၵႃးတၢင်ႇၵုၼ်ႇ 5 လမ်းလႄႈ ရူတ်ႉၶိူင်ႈ 8 လမ်း ၵူၼ်းလူႉတၢႆ 20 ၵေႃႉ မၢတ်ႇၸဵပ်း 113 ၵေႃႉ ဝႃႈၼႆ။
