မိူင်းႁူမ်ႈတုမ်ပတ်းပိုၼ်ႉတူဝ်ႈမိူင်း ၵူၼ်းမိူင်းဢၼ်လႆႈပဵၼ်ၽေးၵိုင်ႉၵၢင်ႉလူၺ်ႈရူတ်ႉၵႃးၼၼ်ႉ မီးၵူၼ်းလူႉတၢႆ 5,000 ပၢႆ၊ မၢတ်ႇၸဵပ်း 2 မိုၼ်ႇပၢႆ။
သိုဝ်ႇၶၢဝ်ႇ DVB ႁၢႆးငၢၼ်းလူၺ်ႈၶေႃႈမုလ်း ၾၢႆႇပလိၵ်ႈမိူင်းႁူမ်တုမ် လွင်ႈပဵၼ်ၽေးဢုပၢတ်ႈ ၼႂ်းပီ 2018 ဢၼ်ပဵၼ်လိူင်ႈ 17,452 လိူင်ႈ၊ လူႉတၢႆ 5,184 ၵေႃႉလႄႈ မၢတ်ႇၸဵပ်း 26,741 ၵေႃႉ ဝႃႈၼႆ။
ၼႂ်းၸႄႈမိူင်းလႄႈ တိူင်း ဢၼ်ပဵၼ်လိူင်ႈဢမူႉၶၻီႊလႄႈ လူႉတၢႆသမ်ႉ တိူင်းတႃႈၵုင်ႈ ပဵၼ်လိူင်ႈ 2,684 ပွၵ်ႈ၊ လူႉတၢႆ 599 ၵေႃႉ၊ တိူင်းဝဵင်းလိူဝ်ႇ ပဵၼ်လိူင်ႈ2,243 ပွၵ်ႈ၊ တိူင်းဢေႊရႃႊဝႃႊတီႊ 2,033 လိူင်ႈ၊ တိူင်းမၵူၺ်း 1,610 လိူင်ႈ၊ တိူင်းၸႄႈ ၵႅင်း 1,539 လိူင်ႈ၊ ၸႄႈမိူင်းတႆး 1,184 လိူင်ႈ၊ ၸႄႈမိူင်းမွၼ်း 875 လိူင်ႈ၊ တိူင်းတႃႊၼၢဝ်ႊသီႊ 585 လိူင်ႈ၊ ၸႄႈမိူင်းရၶႅင်ႇ 429 လိူင်ႈ၊ ၸႄႈမိူင်းၶၢင် 427 လိူင်ႈ၊ ၸႄႈမိူင်းယၢင်းၽိူၵ်ႇ 374 လိူင်ႈ၊ ၸႄႈမိူင်းၶျၢင်း 106 လိူင်ႈလႄႈ ၸႄႈမိူင်းယၢင်းလႅင် 88 လိူင်ႈ ဝႃႈၼႆ။
တၢင်းၼေႇပျီႇတေႃႇပဵၼ်လိူင်ႈရူတ်ႉၵႃးတမ်ၽႃႇၵၼ် 341 လိူင်ႈ၊ လူႉတၢႆ 227 ၵေႃႉလႄႈ မၢတ်ႇၸဵပ်း 385 ၵေႃႉ ဝႃႈၼႆ။
ၼိူဝ်သဵၼ်ႈတၢင်း တႃႈၵုင်ႈ – ဝဵင်းလိူဝ်ႇ ဢၼ်လႆႈပဵၼ်ၽေးၵိုင်ႉၵၢင်ႉဢုပၢတ်ႈ 474 လိူင်ႈလႄႈ တၢႆ 104 ၵေႃႉ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ