Thursday, March 28, 2024

ၸုမ်းယိပ်းၵွင်ႈၵၢင်ႇပိုတ်းယိုဝ်းၵၼ် ၺႃးသိုၵ်းမၢၼ်ႈဢဝ်ၶိူင်ႈမိၼ် ယိုဝ်းသိုၵ်းမႃးယိုဝ်းသမ်ႉထႅင်ႈ

Must read

ပၢင်တိုၵ်းပဵၼ်တီႈလွႆႁၢင်း ၼႂ်းဢိူင်ႇမၢၼ်ႈၸၢမ် ၸႄႈဝဵင်းၼမ်ႉတူႈ ၽွင်းၼၼ်ႉ သိုၵ်းလူင်ပွင်ၸိုင်ႈမၢၼ်ႈ ၸႂ်ႉၶိူင်ႈမိၼ် ၶိုၼ်ႈလေႃႇယိုဝ်း ၸွမ်းလႄႈ ပၢင်တိုၵ်းပဵၼ်ႁၢဝ်ႈႁႅင်း ဝႃႈၼႆ။

Nan Du
Photo by – Google/ ဢွင်ႈတီႈဢၼ်ပဵၼ်ပၢင်တိုၵ်းၵၼ်

မိူဝ်ႈၼႆႉ ဝၼ်းတီႈ 28/03/2019 ယၢမ်းၵၢင်ၼႂ် 8 မူင်းၶိုင်ႈပၢႆၼၼ်ႉ တပ်ႉသိုၵ်း RCSS ဢၼ်ပၵ်းပၢင်သဝ်းၼိူဝ်လွႆႁၢင်းၼၼ်ႉ ပဵၼ်ပၢင်တိုၵ်းၵၼ်တင်းတပ်ႉသိုၵ်းဢူၺ်းလီပွတ်းႁွင်ႇ တီႈႁိမ်းဝၢၼ်ႈသၢမ်ၶႃ ဢိူင်ႇမိူင်းမူႉ ၸႄႈဝဵင်းၼမ်ႉတူႈ ၸႄႈတွၼ်ႈ ၵျွၵ်ႉမႄး ၸိုင်ႈတႆးပွတ်းႁွင်ႇ။

- Subscription -

ၵူၼ်းၼမ်ႉတူႈ ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ “ ပၢင်တိုၵ်းၼႆႉ ပဵၼ်ၵၼ်ႁၢဝ်ႈႁႅင်း မိူဝ်ႈၼႆႉ ပၢင်တိုၵ်းတႄႇပဵၼ် ၵၢင်ၼႂ် 8 မူင်းၶိုင်ႈပၢႆ တေႃႇထိုင်ယၢမ်းလဵဝ် သဵင်ၵွင်ႈပႆႇယဵၼ် တိုၵ်ႉယိုဝ်းၵၼ်ယူႇပၢင်သဝ်း RCSS သမ်ႉ မီးၼိူဝ်လွႆႁၢင်း။ ၶဝ်မႃးပၵ်း ယူႇဝႆႉ ပီၵၢႆၼႆႉ။ တပ်ႉပွင်းၸူႉသမ်ႉ လတ်းၵႂႃႇမႃးထုင်ႉၼၼ်ႉၵေႃႈ ပဵၼ်ပၢင်တိုၵ်းၵၼ်တိၵ်းတိၵ်းယဝ်ႉယိုင်” ဝႃႈၼႆ။

မိူဝ်ႈၽွင်းသွင်ၾၢႆႇပဵၼ်ပၢင်တိုၵ်းၵၼ်ၼၼ်ႉ သိုၵ်းမၢၼ်ႈ တပ်ႉ ၶမယ 324 ၼမ်ႉတူႈ မႃးယိုဝ်းၸွႆႈ။ ထိုင်မႃး ယၢမ်းၵၢင်ဝၼ်း မွၵ်ႈ 10 မူင်းၼၼ်ႉ တပ်ႉၼႆႉၵူၺ်းၼင်ႇၵဝ်ႇ ဢဝ်ၵွင်ႈလူင်သေ ယိုဝ်းသႂ်ႇထႅင်ႈ 5 လုၵ်ႈ။ မိူဝ်ႈယၢမ်းၵၢင်ၼႂ် 9 မူင်းၼၼ်ႉ တၢင်း ၾၢႆႇသိုၵ်းမၢၼ်ႈ ၸႂ်ႉၶိူင်ႈမိၼ်မႃး ယိုဝ်းၸွႆႈထႅင်ႈ 4-5 ၵမ်း ဝႃႈၼႆ။

ၸဝ်ႈသိုၵ်းၸၢႆးဢူး ၽူႈၶၢၼ်ပၢၵ်ႇ RCSS/SSA လုမ်းၵပ်းသၢၼ်တီႈဝဵင်းတူၼ်ႈတီး လၢတ်ႈတီႈၽူႈတွႆႇႁွၵ်ႈဝႃႈ “ သိုၵ်းမၢၼ်ႈ တင်း သိုၵ်း RCSS ႁူမ်ႈၵၼ်ယိုဝ်းၼၼ်ႉ မၼ်းဢမ်ႇၸႂ်ႈ။ လႆႈငိၼ်းဝႃႈ ၶဝ်ယိုဝ်းၵၼ်ၼၼ်ႉ မၼ်းပဵၼ်တင်း သိုၵ်းမၢၼ်ႈၵူၺ်း ဢမ်ႇၸႂ်ႈပဵၼ်တင်းႁဝ်း။ ဢၼ်ဝႃႈ ႁဝ်းလႄႈ တင်းသိုၵ်းမၢၼ်ႈ ႁူမ်ႈၵၼ်ဢၼ်ဝႃႈၼၼ်ႉ မၼ်းဢမ်ႇ ၸႂ်ႈ၊ မၢင်ပွၵ်ႈၼႆႉ မၢၼ်ႈ မႃးဢဝ်ၸိုဝ်ႈသဵင်ၸွမ်း။ မိူဝ်ႈႁဝ်းတင်း TNLA ယၢမ်ႈပဵၼ်ပၢင်တိုၵ်းၵၼ်ၼၼ်ႉ ပေႃးႁဝ်း ပဵၼ် ပၢင်တိုၵ်းၵၼ်မိူဝ်ႈလႂ် သိုၵ်း မၢၼ်ႈၼႆႉ မႃးဢိူမ်ႈၸွမ်းဝႆႉႁဵတ်းၼႆတိၵ်းတိၵ်း၊ ႁႂ်ႈပိူၼ်ႈထၢင်ႇဝႃႈ ႁဝ်းပဵၼ် ၸုမ်းလဵဝ်ၵၼ် တိၵ်းတိၵ်းၼႆ မၼ်းပဵၼ်ဝႆႉႁဵတ်း ၼၼ် တီႈတႄႉမၼ်းဢမ်ႇၸႂ်ႈ။ ပေႃးႁဝ်းႁၼ်သိုၵ်းမၢၼ်ႈၼႆၵေႃႈ ႁဝ်းၵေႃႈယိုဝ်းၵၼ် ယဝ်ႉ လွင်ႈဢၼ်ဝႃႈ ႁူမ်ႈၵၼ်ဢၼ် ဝႃႈၼၼ်ႉ မၼ်းဢမ်ႇမီး” ဝႃႈၼႆ။

မိူဝ်ႈၽွင်းပၢင်တိုၵ်းလွႆပၢင်ၶႃးၼၼ်ႉၵေႃႈ ယူႇတီႈ RCSS လႄႈ SSPP ၶဵင်ႈၶႅင်ၵၼ်ဝႆႉ။ သိုၵ်းလူင်ပွင်ၸိုင်ႈမၢၼ်ႈသမ်ႉ ၶဝ်ႈၵႄႈ ယိုဝ်းၸွမ်းလႄႈ ဢဝ်ပဵၼ်ပၢင်တိုၵ်းသိုၵ်းမၢၼ်ႈတင်း SSPP ပႅတ်ႈ ဝႃႈၼႆ။

ပူၼ်ႉမႃး မိူဝ်ႈဝၼ်းတီႈ 27/03/2019 ယၢမ်းဝၢႆးဝၼ်းၼၼ်ႉ သိုၵ်းလူင်ပွင်ၸိုင်ႈမၢၼ်ႈ ၶိုၼ်ႈလေႃႇယိုဝ်း သိုၵ်းဢူၺ်းလီပွတ်း ႁွင်ႇ တီႈႁိမ်းဝၢၼ်ႈမိူင်းမူႉ ဢိူင်ႇမၢၼ်ႈၸၢမ် ၸႄႈဝဵင်းၼမ်ႉတူႈသေ မၢၵ်ႇလူင် မၢၵ်ႇၵွင်ႈ တူၵ်းသႂ်ႇႁိူၼ်းၵူၼ်းဝၢၼ်ႈ 2 လင် လူႉၵွႆ ပဵၼ်ၾႆးႁုပ်ႇမႆႈမူတ်း ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း