ၸုမ်းဢွၼ်ႁူဝ်ဢုပ်ႇဢူဝ်းၶၵ့်ၵၢၼ်လွင်ႈငမ်းယဵၼ် ၸုမ်းယိပ်းၵွင်ႈၵၢင်ႇၸၢဝ်းၶိူဝ်း PPST တေႁူပ့်ဢုပ်ႇၶွမ်ႊသျိၼ်ႊလွင်ႈငမ်းယဵၼ်လူင်ပွင်ၸိုင်ႈမၢၼ်ႈ ၼႂ်းဝၼ်းမိူဝ်ႈၽုၵ်ႈၼႆ့။
ဝၼ်းတီႈ 09/03/2019 ၸုမ်းဢွၼ်ႁူဝ်ဢုပ်ႇဢူဝ်းၶၵ့်ၵၢၼ်လွင်ႈငမ်းယဵၼ် ၸုမ်းယိပ်းၵွင်ႈၵၢင်ႇၸၢဝ်းၶိူဝ်း PPST တေႁူပ့်ထူပ်းဢုပ်ႇဢူဝ်း ၸုမ်းၶွမ်ႊမသျိၼ်ႊလွင်ႈငမ်းယဵၼ် လူင်ပွင်ၸိုင်ႈမၢၼ်ႈ PC (Peace Commission) တီႈဝဵင်းၵဵင်းမႆႇ ၸိုင်ႈထႆး တႃႇဢုပ်ႇဢူဝ်းလွင်ႈၶွင့်ၶမ်ၶၵ့်ၵၢၼ်လွင်ႈငမ်းယဵၼ် တႃႇႁႂ်ႈလွင်ႈငမ်းယဵၼ်မၼ်ႈၵိုမ်းယိုၼ်းယၢဝ်းၸိူဝ်းၼႆ့ ။
ၸဝ်ႈသိုၵ်းလူင် ၸၢႆးငိုၼ်း ၽူႈၼမ်းၼႂ်း 2 RCSS/SSA လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ဢၼ်တေၵႂႃႇႁူပ့်PC ၼႆ့ႁဝ်းၶႃႈ 10 ၸုမ်းလႆႈဢုပ်ႇဢူဝ်းႁၢင်ႈႁႅၼ်းဝႆ့ယဝ့်။ ပိူင်လူင်မၼ်းတႄ့ တေဢုပ်ႇလွင်ႈဢၼ်ၶွင့်ၶမ်ၵၼ်ဝႆ့ၼၼ့် တေၵႄႈလိတ်ႈၸိူင့်ႁိုဝ်၊ တႃႇလွင်ႈငမ်းယဵၼ်တေ ယိုၼ်းယၢဝ်းၼၼ့် တေလႆႈႁဵတ်းႁိုဝ်ၸိူဝ်းၼႆ့ ၶေႃႈတႅပ်းတတ်းမၼ်းတႄ့ တေဢမ်ႇမီးၼင်ႇၵဝ်ႇ ယွၼ့်မၼ်းပဵၼ်ပၢင်ၵုမ်ၼွၵ်ႈလႅၵ်ႈၵူၺ်း” ဝႃႈၼႆ။
ဝၼ်းတီႈ 05 – 07 /03/2019 ၼၼ့် ၸုမ်းဢွၼ်ႁူဝ်ဢုပ်ႇဢူဝ်းၶၵ့်ၵၢၼ်လွင်ႈငမ်းယဵၼ် PPST ဢၼ်ၸုမ်းယိပ်း ၵွင်ႈၵၢင်ႇ 10 ၸုမ်းႁူမ်ႈၵၼ်ၶွတ်ႇၽွတ်ႈဝႆ့ၼၼ့် ၸတ်းႁဵတ်းပၢင်ဢုပ်ႇၵုမ် ၶၢဝ်းတၢင်း 3 ဝၼ်းတီႈ ၵဵင်းမႆႇၸိုင်ႈထႆး ။ ပၢင်ၵုမ်ၼၼ့် မီးၸုမ်းယိပ်းၵွင်ႈၵၢင်ႇၸၢဝ်းၶိူဝ်း ၸိူဝ်းၵိုတ်းတိုၵ်းတူဝ်ႈမိူင်း 10 ၸုမ်း ၶဝ်ႈႁူမ်ႈ။
