ၸဝ်ႈပေႃႈသိလ်ထမ်းဝုၼ်းၸုမ့် ယူႇတီႈမိူင်းပူႊတၢၼ်ႊသေ ယၢတ်ႇၼမ့်မဵတ့်တႃတြႃးပၼ် လုင်းၸၢႆးဢႃးၽႃႇ ပေႃႈလဵင့်သထေးလူင် ဝဵင်းတႃႈၶီႈလဵၵ်းၵေႃ့ ဢၼ်ၺႃးယိုဝ်းတၢႆ။
ဝၼ်းတီႈ 30/01/2019 ၸဝ်ႈပေႃႈသိလ်ထမ်းဝုၼ်းၸုမ့် ယူႇတီႈမိူင်းပူႊတၢၼ်ႊသေ ယၢတ်ႇၼမ့် မဵတ့်တႃ တြႃး ထိုင် လုင်းၸၢႆးဢႃးၽႃႇ ႁိုဝ်လုင်းၸၢႆးၼုမ်ႇ ဢႃယု 50 ပီပၢႆ ဢၼ်ၺႃးယိုဝ်းတၢႆ မိူဝ်ႈဝၼ်းတီႈ 29/01/2019 ၶၢဝ်းယၢမ်း ဝၢႆးဝၼ်း 2 မူင်းပၢႆ ႁိမ်းၵၢတ်ႇဢႃးၶႃႇ ၼႂ်းၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း ဝႃႈၼႆ။
ၸဝ်ႈၶူးၺႃႇၼသီရိ (ၸဝ်ႈသီရိဢွၼ်ႇ) လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ- “ မၼ်းၸၢႆးၼႆ့ ပဵၼ်ၵူၼ်းဢၼ်မီး ၼမ့်ၸႂ်လီ ၊ မီးၸႂ်ၶႂ်ႈလူႇၶႂ်ႈတၢၼ်း၊ မီးၵၢင်ၸႂ်ပူၵ်းပွင်သႃသၼႃၵေႃ့ၼိုင်ႈ မိူၼ်ၼင်ႇဢၼ်ယႂ်ႇယႂ်ႇမၼ်း ထၢတ်ႈၵွင်းမူးလွႆယူၼ်းၵဵင်းတုင်ၼၼ့် မၼ်းၸၢႆးပဵၼ်ၵဝ့်ၵၼ်းသေဢွၼ်ၵေႃႇသၢင်ႈတေႃႇပေႃးယဝ့် ” ဝႃႈၼႆ။
လုင်းၸၢႆးဢႃးၽႃႇၼႆႉ ပဵၼ်ၵူၼ်းသိုၵ်းပၢၼ် MTA ပဵၼ်ၸဝ်ႈၶွင်ပမ်ႉၼမ်ႉမၼ်း တပိၼ်ႇသူၺ်ႇထီး ၊ႁိူၼ်းယေးမီး တီႈဝၢၼ်ႈၻွၼ်းၸႆး ပွၵ်ႉပႃႇသၵ်း ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း ဝႃႈၼႆ။
တေႃႈလဵဝ် ယူႇတီႈၽူႈမီးပုၼ်ႈၽွၼ်းပလိၵ်ႈၸႄႈဝဵင်းတႃႈၶီႈလဵၵ်း တိုၵ်ႉၵူတ်ႇထတ်းလိူင်ႈလၢဝ်းမၼ်းဝႆႉယူႇ ဝႃႈၼႆ။ ဝဵင်းတႃႈၶီႈလဵၵ်းၼႆႉ ပဵၼ်ဝဵင်းလႅၼ်လိၼ်ၵူၼ်းမီးၵွင်ႈၵၢင်ႇၼမ်၊ ၸုမ်းယိပ်းၵွင်ႈၼမ် မီးပၼ်ႁႃယိုဝ်းၵၼ် မိူဝ်ႈလႂ် ၵေႃႈ ဢမ်ႇသူႈလႆႈႁၼ်ၸဝ်ႈၼႃႈတီႈၾၢႆႇလူင်ပွင်ၸိုင်ႈ တီႉၺွပ်းလႆႈသေပွၵ်ႈ။