ပႃၼႂ်းၼွင်ၵၢင်ဝဵင်းပၢင်လူင်တၢႆၽူးၼပ်ႉႁူဝ်ႁဵင်တူဝ်သမ်ႉပေႃးတူႇၼဝ်ႈမဵၼ်ၵႂႃႇတင်းဝဵင်း ၾၢႆႇပၢႆးယူႇလီတူဝ်သတ်းၵူတ်ႇထတ်းတူၺ်းသေလၢတ်ႈဝႃႈ ပႃၼႂ်းၼွင်ၺႃးသၢၼ်ၵွင်ႉငူၼ်ႉ ဝႃႈၼႆ။ ဝၼ်းတီႈ 2/6/2025 မိူဝ်ႈၼႆႉယၢမ်းၵၢင်ၼႂ်ၸဝ်ႉ ပႃတၢႆၼႂ်းၼွင်ၼၼ်ႉသမ်ႉပေႃးပွင်းၵႂ်ႈသေ ၽူးတဵမ်ဝႆႉလႄႈႁဵတ်းႁႂ်ႈၵူၼ်းပိုၼ်ႉတီႈတူၵ်းၸႂ် - ယွၼ်ႉဝႃႈ ဢမ်ႇတွၼ်ႉယၢမ်ႈႁၼ်ပိူင်ပဵၼ်ၸိူင်ႉၼႆသေပွၵ်ႈ။ ၽူႈမီးပုၼ်ႈၽွၼ်းၾၢႆႇလိူမ်ႈလႆႇဝဵင်းပၢင်လူင် လၢတ်ႈၽူႈတွႆႇႁွၵ်ႈဝႃႈ-“ မေႃယႃသတ်း မႃးဢဝ်ႈၵႂႃႇၵူတ်ႇထတ်းတူၺ်းတႄႉ ဝႃႈပႃၸိူဝ်းၼႆႉ ၺႃးသၢၼ်ၵွင်ႉငူၼ်ႉၼႆဝႃႇ။ ပေႃးၽူးၶိုၼ်ႈမႃးၵေႃႈ သမ်ႉပေႃးပွင်းလူင်ဝႆႉၵမ်းလဵဝ်။ မေႃယႃၶဝ်ဝႃႈ ၺႃးၵွင်ႉငူၼ်ႉလႄႈ မၼ်းၸဵဝ်းတူႇၸဵဝ်းမဵၼ် ၼႆဝႃႇ”- ဝႃႈၼႆ။ ပႃတၢႆၸိူဝ်းၼၼ်ႉ ထိုင်ယၢမ်းၵၢင်ဝၼ်းမႃး...