ၵူၼ်းၵၢၼ်မိူင်းယိပ်းၵမ်ၵေႃႈလီ ၵူၼ်းၵၢၼ်မိူင်းမႅၵ်ႇၵွင်ႈၵေႃႈယဝ်ႉ ၵွၼ်ႇပႆႇလႆႈဢႃႇၼႃႇ ယိူင်းမုင်ႈတႃႇ မၢၼ်ႈမိူင်းလႄႈ ၵူၼ်းၼမ်ၼႆလွၼ်ႉလွၼ်ႉ၊ ၽိူဝ်ႇမီးဢႃႇၼႃႇသုၼ်ႇပွင်မႃးတႄႉ လိုမ်းဝၢႆးလၢႆးၵၢၼ်ၸွမ်းထမ်း မိုင်ႉႁမ်းပုၼ်ႈသုၼ်ႇတူဝ်ပဵၼ်ယႂ်ႇ သႂ်ႇသႂ်ႇတူၺ်းထိုင်လႆႈတေႃႇႁူဝ်မႄႈတိၼ် ၸဝ်ႈၵဝ်ႇၵူၺ်းယဝ်ႉၼႆ ၶႂ်ႈပဵၼ်ၾိင်ႈထုင်းၵႂႃႇၵေႃႈမီးမီးယဝ်ႉ။ ၵၢၼ်လီၵၢၼ်မႅတ်ႈ ဢၼ်ဝၢင်းပွႆႇပုၼ်ႈလီတူဝ်ၵဝ်ႇသေ ယိုဝ်ႈၼႃႈၸူးတႃႇၵူၼ်းၼမ်တေလႆႈလီ မၢၼ်ႈမိူင်း တေလႆႈၶိုၼ်ႈယႂ်ႇၼၼ်ႉ ၸမ်တေၸူမ်ႁၢႆၵႂႃႇပႅတ်ႈ တႂ်ႈၵူၼ်းႁဵတ်းၵိၼ် ၵၢၼ်မိူင်းၶဝ်လုမ်းလုမ်းယဝ်ႉ။ လၢႆးၼႆႈပေႃးပွႆႇပဵၼ်ၾိင်ႈၵႂႃႇတႄႉၸိုင် သဵၼ်ႈတၢင်းမိူဝ်းၼႃႈႁၢႆယဝ်ႉလေႃႇ။ ၵၢၼ်မိူင်းၼႆႉ ပဵၼ်တႃႇႁဵတ်းၵိၼ် ၵူၺ်းပေႃးဝႃႈၼႆပႄႇ ၽူႈၵူၼ်းလီဝႃႇ...