ဝၼ်းတီႈ 29/08/2026 ၼၢင်းယိင်းၸၢဝ်းၶႄႇၵေႃႉၼိုင်ႈယူႇမူႇၸေႊ ႁေႃႈရူတ်ႉၵႃးၽႃႇသႂ်ႇ ၵဵတ်ႉ/လၢၼ်ႇၸုမ်းဢူၺ်းလီ ၶဝ်တင်ႈဝႆႉတၢင်းၶဝ်ႈဝဵင်းမူႇၸေႊ ၺႃးၸုမ်းသိုၵ်းၼႂ်းလၢၼ်ႇၼၼ်ႉ လမ်းယိုဝ်း တၢႆၶမ်ရူတ်ႉ။ ၵဵတ်ႉလၢၼ်ႇဢၼ်ၼၼ်ႉ ပဵၼ်ၵဵတ်ႉ/လၢၼ်ႇ ၸုမ်းသိုၵ်းရၶႅင်ႇ ဢၼ်တင်ႈဝႆႈႁိမ်းလၢၼ်ႇ သိုၵ်းၶႄႇၵဝ်ႈၵၢင်ႉ MNDAA ၼၼ်ႉဝႃႈၼႆ။ ၵူၼ်းပိုၼ်ႉတီႈလၢတ်ႈဝႃႈ - “ ရူတ်ႉၵႃးဢွၼ်ႇၼၼ်ႉပဵၼ်ၵႃးဢၼ်လုၵ်ႈပႂ်ႉ ပျီႇတူႉၸိတ်ႉၶႄႇ လူင်ထၢင်ႁေႃႈမႃး။ မၼ်းမိူၼ်မဝ်းယႃႈဝႆႉ။ မၼ်းၽႃႇသႂ်ႇၵဵတ်ႉၼၼ်ႉသမ်ႉပေႃးမူပ်ႇပေႃးၵွႆ။ ၵူၼ်းၼႂ်းၵဵတ်ႉတႄႉဢမ်ႇမီးလွင်ႈမၢတ်ႇၸဵပ်းလူႉတၢႆ။ ၼၢင်းၶႄႇၼၼ်ႉမၼ်းၽႃႇၽႃႇလႃႇလႃႇ...