ဢမေႊရိၵၼ်ႊ ၵိုတ်းလိုဝ်ႈၵၢၼ်ၵူတ်ႇထတ်း လွင်ႈတၢင်ႇယိုၼ်ႈ ယွၼ်းဝီႊသႃႊလုၵ်ႈႁဵၼ်း တီႈမိူင်းဢမေႊရိၵၼ်ႊဝႆႉ ၸူဝ်ႈၶၢဝ်း ဝႃႈၼႆ။ လွင်ႈၼႆႉ လူင်ပွင်ၸိုင်ႈဢမေႊရိၵၼ်ႊ လႆႈၸီႉသင်ႇလူင်းတီႈ လုမ်းၽွင်တၢင်ဢမေႊရိၵၼ်ႊ ႁႂ်ႈၵိုတ်းလိုဝ်ႈဝႆႉ လွင်ႈတေတွင်ႈထၢမ် (interview) လုၵ်ႈႁဵၼ်းမႂ်ႇ ၸိူဝ်းတၢင်ႇယိုၼ်ႈဝႆႉ ဝီႊသႃႊ လုၵ်ႈႁဵၼ်း။ တေလႆႈၵိုတ်းလိုဝ်ႈဝႆႉ တေႃႇထိုင်ၶေႃႈၸီႉသင်ႇ ဢွၵ်ႇမႃးထႅင်ႈၵမ်းၼိုင်ႈ ဝႃႈၼႆ။ လိူဝ်ၼၼ်ႉ မိူင်းဢမေႊရိၵၼ်ႊ ဝူၼ်ႉဝႃႈတေၵူတ်ႇထတ်းပႃး လွင်ႈတူင်ႉၼိုင်...