ၵူၼ်းဝၢၼ်ႈ မိၼ်းပလွင်ႈ ၸႄႈဝဵင်းဝၢၼ်ႈငႂ်ႈ မိူင်းတႆးပွတ်းၸၢၼ်း ဢၼ်လႆႈပၢႆႈၽေးသိုၵ်းသိူဝ်ဝႆႉ 2 ပီၼၼ်ႉ ယၢမ်းလဵဝ်ပွၵ်ႈၶိုၼ်းယူႇတီႈဝၢၼ်ႈၵဝ်ႇယဝ်ႉဝႃႈၼႆသေတႃႉ ႁိူၼ်းယေးၼႂ်းဝၢၼ်ႈ ၺႃးၽဝ်ဝႆႉမူတ်းယဝ်ႉလႄႈ ဢမ်ႇမီးတီႈယူႇ ၊ လႆႈဢဝ်ၽႃႈယၢင်မုင်း/ၵင်ႈသေ ယူႇဝႆႉႁင်းၽႂ်မၼ်းၵူၺ်းဝႃႈၼႆ။ ၵူၼ်းဝၢၼ်ႈမိၼ်းပလွင်ႇႁူဝ်ၼပ်ႉၵူၼ်းမွၵ်ႈ 500 လႆႈဢွၵ်ႇပၢႆႈယၢၼ်ႁိူၼ်းယေး ယွၼ်ႉသိုၵ်းမၢၼ်ႈၶဝ်ႈဝၢၼ်ႈ ၸဵမ်မိူဝ်ႈလိူၼ်ၻီႊသႅမ်ႊပိူဝ်ႊ 2024 ပုၼ်ႉ။ ဝၢႆးလင်ၵူၼ်းဝၢၼ်ႈဢွၵ်ႇပၢႆႈယဝ်ႉ သိုၵ်းမၢၼ်ႈၵေႃႈၽဝ်ႁိူၼ်းယေးၵူၼ်းဝၢၼ်ႈပႅတ်ႈ။ ၽူႈၶၢၼ်ပၢၵ်ႇ DSNDA...