သိုၵ်းမၢၼ်ႈၵႆႉမႃးပွႆႇမၢၵ်ႇသႂ်ႇၼႂ်းဝဵင်းၼႆႉ ပဵၼ်ယွၼ်ႉ ၵူၼ်းပွင်ႇၶၢဝ်ႇၼႆသေ သိုၵ်းတဢၢင်း TNLA  တတ်းသၢႆသၼ်ယၢၼ်း ၾူၼ်းလႄႈဢိၼ်ႊတိူဝ်ႊၼႅတ်ႊ ၵူၼ်းမိူင်းဢမ်ႇၸၢင်ႈၵပ်းသိုပ်ႇတိတ်းတေႃႇၵၼ်။ ဢၼ်တတ်းသၢႆၾူၼ်ႊၼႆႉ တႄႇဝၼ်းတီႈ 28/1/2025 မႃးတေႃႇထိုင်ဝၼ်းမိူဝ်ႈၼႆႉ တိတ်းတေႃႇပႆႇလႆႈ။ ၼၢင်းယိင်း ၵူၼ်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ - “ၶဝ်ဝႃႈ ယွၼ့်မီးၵူၼ်းပၼ်ၶၢဝ်ႇသိုၵ်းမၢၼ်ႈလႄႈ ၸင်ႇႁဵတ်းဝႃႈၼႆ ။ မၼ်းၵေႃႈမႅၼ်ႈတႄႉ - ပေႃးသိုၵ်းမၢၼ်ႈယိၼ်းၶၢဝ်ႇ ဝႃႈသိုၵ်းၵဝ်ႈၵၢင်ႉမီးတီႈၼၼ်ႈ တီႈၼႆႈၼႆတႄ့ ဢဝ်ၶိူင်ႈမိၼ်မႃးပွႆႇမၢၵ်ႇၵမ်းလဵဝ်...