မိူင်းထႆး ပိုၼ်ၽၢဝ်ႇပဵၼ်တၢင်းၵၢၼ်ဝႃႈ လႆႈသူင်ႇၸုမ်းၾၢႆႇပၢႆးယူႇလီ တႃႇလုမ်းလႃးတူၺ်းထိုင် ၵူၼ်းထူပ်းၽေးၽႅၼ်ႇလိၼ်ဝႆ (ဢိင်ႇသၼ်ႇ) တီႈဝဵင်းလိူဝ်ႇ မိူဝ်ႈဝၼ်းတီႈ 28 လိူၼ်ပူၼ်ႉမႃးၼၼ်ႉ ဝႃႈၼႆ။ လွင်ႈမိူင်းထႆးသူင်ႇ ၸုမ်းၾၢႆႇပၢႆးယူႇလီ မႃးတီႈဝဵင်းလိူဝ်ႇၼႆႉ သၢမ်ၸုပ်ႈယဝ်ႉ။ ၼႂ်းၸုပ်ႈထီႉသၢမ်ၼႆႉ သူင်ႇမႃး မေႃယႃလႄႈ ၾၢႆႇလုမ်းလႃးပၢႆးယူႇလီ ဢိၵ်ႇပႃး တပ်ႉသိုၵ်းၶုၼ်ႁေႃၶမ်းထႆး ႁူမ်ႈသဵၼ်ႈ 63 ၵေႃႉၼႆ လုမ်းၽွင်းတၢင်ထႆး...