ၼႂ်းသဵၼ်ႈမၢႆၽိုၼ်လိၵ်ႈႁၢႆးငၢၼ်း ၸိုင်ႈမိူင်းၸိူဝ်းမီးတၢင်းသိူဝ်းၸႂ်လိူဝ်ပိူၼ်ႈသုတ်း ၼႂ်းလုမ်ႈၾႃႉၼၼ်ႉ ဢွၵ်ႇဝႆႉဝႃႈ မၢႆၼိုင်ႈ ပဵၼ်မိူင်းၾိၼ်ႊလႅၼ်ႊ မိူင်းမၢၼ်ႈသမ်ႉ ယူႇဝႆႉတီႈ ၸၼ်ႉ မၢႆ 126 ၼႂ်း 144 ၸိုင်ႈမိူင်း ဝႃႈၼႆ။ မိူင်းၾိၼ်ႊလႅၼ်ႊ ဢၼ်မီးၼႂ်းၵုၼ်ယူးရူပ်ႊသမ်ႉ ပဵၼ်မိူင်းမီးတၢင်းသိူဝ်းၸႂ်လိူဝ်ပိူၼ်ႈသုတ်း ၼႂ်းလုမ်ႈၾႃႉ။ ၸိုင်ႈမိူင်း ၸိူဝ်းသိုပ်ႇတၢမ်းမႃးၸွမ်းတၢင်းလင်သမ်ႉ ပဵၼ်မိူင်းတဵင်ႊမၢတ်ႊသ်၊ ဢၢႆႊသလႅၼ်ႊ ၊ သုၺ်ႊတိၼ်ႊ...

လုၵ်ႈႁဵၼ်းဢႃယု 12 ၶူပ်ႇ ၵေႃႉၼိုင်ႈ ဢၼ်ယူႇႁူင်းႁဵၼ်းၸၼ်ႉၵၢင် တီႈမိူင်းၾိၼ်ႊလႅၼ်ႊ တွၼ်ႈတၢင်းၸၢၼ်းၼၼ်ႉ ယိုဝ်းၵွင်ႈၼႂ်းႁူင်းႁဵၼ်းလႄႈ တိူဝ်ႉလုၵ်ႈႁဵၼ်း မၢတ်ႇၸဵပ်း 3 ၵေႃႉ။ ပဵၼ်လုၵ်ႈႁဵၼ်း တီႈႁူင်းႁဵၼ်း Viertola (ဝၢႆႊထူဝ်ႊလႃႊ) မီးလုၵ်ႈႁဵၼ်း မႃးႁဵၼ်းလိၵ်ႈ မွၵ်ႈ 800 ၵေႃႉ၊ ႁူင်းႁဵၼ်းၼႆႉ မီးတီႈပွၵ်ႉ Vantaa (ဝႅၼ်ႊထႃႊ) ၼႂ်ႊဝဵင်းလူင်...