ၼႂ်းဝူင်ႈပူၼ်ႉမႃးၼႆႉ ၶလိပ်ႉဝီးတီးယူဝ်း ၼၢင်းယိင်းၵေႃႉၼိုင်ႈ ပေႃႉႁႅမ်လုၵ်ႈဢွၼ်ႇယိင်းႁၢဝ်ႈႁႅင်း ၽႄႈၸွတ်ႇမႃးၼိူဝ်သိုဝ်ႇတူင်ႇဝူင်း Social Media ထိုင်တီႈၵေႃႉပဵၼ်ပႃႈထုၵ်ႇဢဝ်လိူင်ႈပၼ်တူတ်ႈတၢမ်ႇ။ ဝၼ်းတီႈ 22/04/2026 ပႃႈပေႃႉႁႅမ်လၢၼ်ယိင်း တီႈပွၵ်ႉ ယၢၼ်ႇဢွင်ႇမျေႇ ဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ- မီးၵူၼ်းထၢႆႇၶလိပ်ႉတၢင်ႇၼိူဝ်ၾဵတ်ႉသ်ပုၵ်ႉ ၽႄႈတၢင်းဢွၼ်ႊလၢႆႊ။ ထိုင်တီႈၸုမ်းသုၼ်ႇလႆႈၵူၼ်းတိူင်ႇလၢတ်ႈလႄႈ ၵေႃႉပဵၼ်ပႃႈ ထုၵ်ႇႁွင်ႉမႃးထဵတ်ႈထၢမ် လူၺ်ႈၶေႃႈပူၼ်ႉပႅၼ်သုၼ်ႇလႆႈလုၵ်ႈဢွၼ်ႇ။ ၸိုဝ်ႈပႃႈၵေႃႉပေႃႉႁႅမ်လုၵ်ႈဢွၼ်ႇၼၼ်ႉပဵၼ် တေႃႇလေႃးမဵင်ႉ (ဒေါ်လောမိန့်)။ မၼ်းၼၢင်းလၢတ်ႈတီႈၸဝ်ႈၼႃႈတီႈဝႃႈ -“ ယိင်းဢွၼ်ႇၼၼ်ႉပဵၼ်လၢၼ်ယိင်းမၼ်း။...