တႄႇၵၢင်လိူၼ်ၵျူႊလၢႆႊပူၼ်ႉမႃး ၾူၼ်တူၵ်းဢမ်ႇထၢတ်ႇ ၼႂ်းၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း ၵူၼ်းပၢႆႈ ၽေးသိုၵ်း ၸပ်းတၢင်းပဵၼ်တွင်ႉၵႂႃႇတွင်ႉႁေႈ ထိုင်တီႈလူႉတၢႆဢမ်ႇယွမ်း 6 ၵေႃႉယဝ်ႉ ၵမ်ႈၼမ် ပဵၼ်ၵူၼ်းထဝ်ႈ ၵူၼ်းဢႃယုယႂ်ႇ ဝႃႈၼႆ။ ၵူၼ်းပၢႆႈၽေးသိုၵ်း တီႈသုၼ်ပၢႆႈၽေး သွင်းပျွင်း ၼႂ်းၸႄႈဝဵင်းပၢင်လွင်းၼႆႉ ၸပ်းတၢင်းပဵၼ်တွင်ႉၵႂႃႇတွင်ႉႁေႈ ဢၼ် ၵႆႉပဵၼ်ၸွမ်းရႃႇသီႇၶၢဝ်းၾူၼ် ယၢပ်ႇၽိုတ်ႇယႃႈယႃ ၊ မေႃယႃၵေႃႈ ဢမ်ႇယိုၼ်းထိုင်လႆႈလႄႈ...