Friday, March 29, 2024

ထုင်ႉသၢမ်ၸဵင်ႇၶမ်းၸႄႈဝဵင်းမႄႈသၢႆ ပလိၵ်ႈထႆးတီႉလႆႈတူဝ်တၢႆၵူၼ်းၵႃႉလႄႈ ယႃႈမႃႉၼပ်ႉသႅၼ်

Must read

ပလိၵ်ႈထႆး၊ သိုၵ်းထႆးလႄႈ ၾၢႆႇၽွင်းငမ်းၸွမ်းလႅၼ်လိၼ်ထုင်ႉသၢမ်ၸဵင်ႇၶမ်း ၾင်ႇမိူင်းထႆး ႁူမ်ႈၵၼ်လူင်းပိုၼ်ႉတီႈ ၵူတ်ႇထတ်းၸွမ်းလႅၼ်လိၼ်သေ ယိုတ်းလႆႈယႃႈမႃႉၼပ်ႉဢၢၼ်ႇႁူဝ်သႅၼ် တူဝ်တၢႆၵူၼ်းတေႃႉယႃႈ 1 ၵေႃႉ။

Photo by MGR Online / ထုင်ႉသၢမ်ၸဵင်ႇၶမ်းၸႄႈဝဵင်းမႄႈသၢႆ ပလိၵ်ႈထႆးတီႉလႆႈတူဝ်တၢႆၵူၼ်းၵႃႉလႄႈ ယႃႈမႃႉၼပ်ႉသႅၼ်

ႁၢင်လိူၼ်ၼူဝ်ႊၿႅမ်ႊၿိူဝ်ႊ 2018 မႃးၼႆႉသိုဝ်ႇၶၢဝ်ႇ MGR ပိုၼ်ၽၢဝ်ႇဝႃႈ – ၸဝ်ႈၼႃႈတီႈၽူႈမီးပုၼ်ႈၽွၼ်းထႆးႁူမ်ႈ ၵၼ်တင်းၾၢႆႇသိုၵ်းမိူင်းထႆး လူင်းပိုၼ်ႉတီႈ ၵူတ်ႇထတ်းၸွမ်းလႅၼ်လိၼ်သေ ထူပ်းႁၼ်ၵူၼ်းၵႃႉယႃႈလတ်းၽၢၼ်ႇမႃးလႄႈ လႆႈမီးလွင်ႈပိုတ်းယိုဝ်းၵၼ် ႁဵတ်းႁႂ်ႈမီးၵူၼ်းလႆႈလူႉတၢႆ 1 ၵေႃႉ ယိုတ်းလႆႈယႃႈမႃႉ 350,000 မဵတ်ႉတီႈ ဢိူင်ႇၵေႃႇၸၢင်ႉ ၸႄႈဝဵင်းမႄႈသၢႆ ၸႄႈတွၼ်ႈၵဵင်းႁၢႆးၸိုင်ႈထႆး ။

- Subscription -

ၸဝ်ႈၼႃႈတီႈပလိၵ်ႈထႆး လၢတ်ႈဝႃႈ – “ ၵူၼ်းတေႃႉယႃႈၼႆႉတင်းမူတ်းတေမီးမွၵ်ႈ 15 ၵေႃႉ ၵူၺ်းၵႃႈ ပဵၼ်ၽႂ် ၊ ပဵၼ်ၶွင်ၸုမ်းလႂ်ဢၼ်ဝႃႈၼၼ်ႉပႆႇလႆႈႁူႉ ယူႇတီႈၸဝ်ႈၼႃႈတီႈပလိၵ်ႈထႆးသေ တေၶဵင်ႈၶႅင် ၵူတ်ႇထတ်းလႄႈ တေၸွမ်းႁႃတူဝ်ၽူႈၵဵဝ်ႇၶွင်ႈ ပၼ်တူတ်ႈတၢမ်ႇၵႂႃႇ ၸွမ်းၼင်ႇပၵ်းပိူင်မီးၼၼ်ႉ ” ဝႃႈၼႆ။

မိူဝ်ႈဝၼ်းတီႈ 25/11/2018 ၼၼ်ႉၵေႃႈ ၸဝ်ႈၼႃႈတီႈသိုၵ်းထႆး လႆႈႁူႉၶၢဝ်ႇဝႃႈ တေမီးလွင်ႈတေႃႉသူင်ႇယႃႈၶဝ်ႈ မိူင်းထႆးၼႆသေ လႆႈႁူမ်ႈဢဵၼ်ႁႅင်းၵၼ် ၵႂႃႇပႂ်ႉၵူတ်ႇထတ်း။ ၽွင်းၼၼ်ႉမီးၵူၼ်းၸၢႆး မွၵ်ႈ 7 ၵေႃႉပိူဝ်ႉထူင်ၸၢၼ်ႈသေ ပႆတၢင်းၶဝ်ႈၸူးမိူင်းထႆး ၊ ၸဝ်ႈၼႃႈတီႈၸင်ႇႁွင်ႉၵိုတ်းသေ ႁႂ်ႈဝၢင်းၶိူင်ႈၵွင်ႈၵၢင်ႇ ၵူၺ်းၵႃႈၾၢႆႇၵူၼ်းတေႃႉယႃႈဢမ်ႇယွမ်းဝၢင်းလႄႈ သွင်ၾၢႆႇလႆႈပဵၼ်ပၢင် တိုၵ်းၵၼ် ႁိုင် 15 မိၼိတ်ႉ တီႈႁိုၵ်ႉၵၼ်ၼၼ်ႉတိတ်းၸပ်းဝဵင်းတႃႈၶီႈလဵၵ်း ၾၢႆႇမိူင်းထႆးပဵၼ် ၸႄႈဝဵင်းမႄႈသၢႆ ထုင်ႉလွႆၼၢင်းၼွၼ်း(ဢၼ်မီးထမ်ႈလုၵ်ႈဢွၼ်ႇ13 ၵေႃႉယၢမ်ႈ ၶမ်) မူႇဝၢၼ်ႈၽႃမီ ဢိူင်ႇဝဵင်းၽၢင်းၶမ်း ၼႂ်းၸႄႈတွၼ်ႈ ၵဵင်းႁၢႆး ၸိုင်ႈထႆးပွတ်းႁွင်ႇ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း