Friday, March 29, 2024

ၼႂ်းၸႄႈဝဵင်းၵျွၵ်ႉမႄး ၵႃးတၢင်ႇဝူဝ်း ၺႃးယိုဝ်းထႅင်ႈ မၢတ်ႇၸဵပ်း သွင်ၵေႃႉ

Must read

ၵႃးတၢင်ႇဝူဝ်း လမ်းၼိုင်ႈ ၺႃးယိုဝ်း တီႈႁိမ်းဝၢၼ်ႈသၶၢၼ်းတႃႇ(စခန်းသား) ၼႂ်းၸႄႈဝဵင်းၵျွၵ်ႉမႄး ၵူၼ်းၸွမ်းၵႃး 2 ၵေႃႉလႄႈ ၵူၼ်းႁေႃႈၵႃး ၵေႃႉၼိုင်ႈ တိူဝ်ႉၺႃးမၢတ်ႇၸဵပ်း ဝႃႈၼႆ။

Photo by – Phyo Wai/ U Tin Maung Thein/ ၵႃးတၢင်ႇဝူဝ်း ဢၼ်ၺႃးယိုဝ်းတီႈၵျွၵ်ႉမႄး မိူဝ်ႈဝၼ်းတီႈ 29/11/2018

ဝၼ်းတီႈ 29/11/2018 ယၢမ်းၵၢင်ၶမ်ႈ 9 မူင်း ၵႃးတၢင်ႇဝူဝ်းလမ်းၼိုင်ႈ ဢၼ်လုၵ်ႉတၢင်းၼွင်ၶဵဝ် ၶိုၼ်ႈမႃးတၢင်း ၵျွၵ်ႉ မႄးၼၼ်ႉ ၺႃးၸုမ်းဢမ်ႇႁူႉၾၢႆႇ ယိုဝ်းတီႈႁိမ်းဝၢၼ်ႈသၶၢၼ်းတႃႇ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ဝႃႈၼႆ။

- Subscription -

ဢူးတိၼ်ႇမွင်ႇတဵင်း ၸုမ်းၸွႆႈထႅမ် ၸီဝိတ ၸႄႈဝဵင်းၵျွၵ်ႉမႄး လၢတ်ႈတီႈၽူႈတွႆႇႁွၵ်ႈဝႃႈ “ ပဵၼ်မိူဝ်ႈၶမ်းဝႃး ၵႃးတၢင်ႇ ဝူဝ်းဢၼ်ၺႃးယိုဝ်းၼၼ်ႉ ၶဝ်မႃးၸွမ်းၵၼ် 5 လမ်း ၺႃးယိုဝ်းတီႈ 6 လၵ်း ႁိမ်းဝၢၼ်ႈသၶၢၼ်းတႃႇ၊ ၵႃးတၢင်ႇဝူဝ်း ၼၼ်ႉ မီးၵႃးသိုၵ်းလူင်ပွင်ၸိုင်ႈ ဢဝ်ႁူမ်ႇလူမ်ႈမႃးၸွမ်းတၢင်းလင်လမ်းၼိုင်ႈလႄႈ သွင်ၾၢႆႇလႆႈတုမ်ႉတွပ်ႇတိုၵ်းယိုဝ်း ၵၼ်ၵမ်းၼိုင်ႈ” ဝႃႈၼႆ။

သိုပ်ႇလၢတ်ႈဝႃႈ “ ၸုမ်းယိပ်းၵွင်ႈၵၢင်ႇၼၼ်ႉ ပဵၼ်ၸုမ်းလႂ် ဢၼ်ဝႃႈၼၼ်ႉ ဢမ်ႇလႆႈႁူႉ။ ၵႃးဢၼ်ၺႃး ယိုဝ်းၼၼ်ႉ ပဵၼ်ၵႃးၵႂႃႇဢွၼ်တၢင်းသုတ်း။ ၵူၼ်းႁေႃႈၵႃး တင်း ၵူၼ်းၸွမ်း 2 ၵေႃႉ ၺႃးယိုဝ်းသေ လႆႈတိူဝ်ႉမၢတ်ႇ ၸဵပ်း။ ၵူၺ်းၵႃႈ ၵူၼ်းႁေႃႈၵႃး တင်း ၵူၼ်းၸွမ်းၵႃး တိူဝ်ႉမၢတ်ႇၸဵပ်းသေတႃႉ ဢမ်ႇပေႃးထိုင်တီႈလႆႈမႆႈၸႂ်။ ဝူဝ်း ၸိူဝ်းၼႆႉ ၵမ်ႈၼမ် သူင်ႇၶၢႆမိူင်းၶႄႇ ” ဝႃႈၼႆ။

ၵႃးတၢင်ႇဝူဝ်း ဢၼ်ၺႃးယိုဝ်းၼႂ်းၸႄႈဝဵင်းၵျွၵ်ႉမႄးၼႆႉ မိူဝ်ႈဝၼ်းတီႈ 12 လိူၼ်ၵျုၼ်ႊ ၺႃးယိုဝ်းၵမ်းၼိုင်ႈ။ ၵူၼ်း ႁေႃႈၵႃး တင်း ၵူၼ်းၸွမ်းၵႃး လႆႈတိူဝ်ႉမၢတ်ႇၸဵပ်း။ မိူဝ်ႈဝၼ်းတီႈ 29 လိူၼ်ၵျုၼ်ႊၵူၺ်းၼင်ႇၵဝ်ႇ ၺႃးယိုဝ်းထႅင်ႈ ၵမ်းၼိုင်ႈ။ မိူဝ်ႈဝၼ်းတီႈ 5 လိူၼ်ၼူဝ်ႊဝႅမ်ႊၿိူဝ်ႊ ရူတ်ႉၶိူင်ႈသၢမ်လေႃႉ ၺႃးယိုဝ်း ၵူၼ်းႁေႃႈရူတ်ႉ တၢႆထင်တီႈ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း