Friday, March 29, 2024

သိုၵ်းထႆးလႄႈ ၵူၼ်းတေႃႉယႃႈပိုတ်းယိုဝ်းၵၼ် ႁိမ်းလႅၼ်လိၼ်တႆး – တၢႆႁႃႈၵေႃႉ

Must read

သိုၵ်းထႆးလႄႈ ၸုမ်းတေႃႉယႃႈ ပိုတ်းယိုဝ်းၵၼ် ၼႂ်းၸႄႈတွၼ်ႈၵဵင်းႁၢႆး – ႁိမ်းလႅၼ်လိၼ်တႆး ၸႄႈတွၼ်ႈတႃႈၶီႈလဵၵ်း ၾၢႆႇၵူၼ်းတေႃႉယႃႈတၢႆ 5 ၵေႃႉ ယိုတ်းလႆႈယႃႈမႃႉၼပ်ႉလၢၼ်ႉမဵတ်ႉ။

Photo by Workpointnews/သိုၵ်းထႆးလႄႈ ၵူၼ်းတေႃႉယႃႈပိုတ်းယိုဝ်းၵၼ် ႁိမ်းလႅၼ်လိၼ်တႆး – တၢႆႁႃႈၵေႃႉ

ဝၼ်းတီႈ 25/11/2018 သိုဝ်ႇၶၢဝ်ႇ Workpoint ပိုၼ်ၽၢဝ်ႇဝႃႈ – ၸဝ်ႈၼႃႈတီႈသိုၵ်းထႆး လႆႈႁူႉၶၢဝ်ႇဝႃႈ တေမီးလွင်ႈတေႃႉသူင်ႇယႃႈၶဝ်ႈမိူင်းထႆးၼႆသေ လႆႈႁူမ်ႈဢဵၼ်ႁႅင်းၵၼ် ၵႂႃႇပႂ်ႉၵူတ်ႇထတ်း။ ၽွင်းၼၼ်ႉ မီးၵူၼ်းၸၢႆးမွၵ်ႈ 7 ၵေႃႉပိူဝ်ႉ  ထူင်ၸၢၼ်ႈသေ ပႆတၢင်းၶဝ်ႈၸူးမိူင်းထႆး ၊ ၸဝ်ႈၼႃႈတီႈၸင်ႇႁွင်ႉၵိုတ်း သေႁႂ်ႈဝၢင်းၶိူင်ႈၵွင်ႈၵၢင်ႇ ၵူၺ်းၵႃႈၾၢႆႇၵူၼ်းတေႃႉယႃႈဢမ်ႇယွမ်းဝၢင်းလႄႈ သွင်ၾၢႆႇလႆႈပဵၼ်ပၢင်တိုၵ်းၵၼ် ႁိုင် 15 မိၼိတ်ႉ တီႈႁိုၵ်ႉၵၼ်ၼၼ်ႉတိတ်းၸပ်းဝဵင်းတႃႈၶီႈလဵၵ်း ၾၢႆႇမိူင်းထႆးပဵၼ်ၸႄႈဝဵင်းမႄႈသၢႆ ထုင်ႉလွႆၼၢင်းၼွၼ်း(ဢၼ်မီးထမ်ႈလုၵ်ႈဢွၼ်ႇ13 ၵေႃႉယၢမ်ႈၶမ်) မူႇဝၢၼ်ႈၽႃမီ ဢိူင်ႇဝဵင်းၽၢင်းၶမ်း ၼႂ်းၸႄႈတွၼ်ႈၵဵင်းႁၢႆး ၸိုင်ႈထႆးပွတ်းႁွင်ႇ။

- Subscription -

ဝၢႆးသဵင်ၵွင်ႈယဵၼ်ယဝ်ႉ ၸဝ်ႈၼႃႈတီႈၵူတ်ႇထတ်းထူပ်းႁၼ်ၵူၼ်းၺႃးယိုဝ်းတၢႆ 5 ၵေႃႉ ထူပ်းႁၼ်ထူင် ၸၢၼ်ႈ 5 ထူင် မီးယႃႈမႃႉတၢင်းၼႂ်း 1 လၢၼ်ႉမဵတ်ႉ ၵူတ်ႇထတ်းၸွမ်းတူဝ် ဢမ်ႇမီးဝတ်းဝႂ်သင် ၶၢတ်ႈလၢမ်းဝႃႈ ပဵၼ်ၵူၼ်းတၢင်းမိူင်းႁူမ်ႈတုမ်မၢၼ်ႈၵိၼ်ၸၢင်ႈတေႃႉယႃႈ။

ယႃႈမဝ်းၵမ် 1 လၢၼ်ႉမဵတ်ႉၵူၼ်းတၢႆ 5 ၵေႃႉၼႆႉ ပဵၼ်ၽႂ်ၵူၼ်းၸုမ်းလႂ်၊ ယႃႈၶွင်ၽႂ် ၾၢႆႇထႆးဢမ်ႇပိုၼ်ၽၢဝ်ႇပႃး ၵူၺ်းလၢတ်ႈဝႃႈ လုၵ်ႉတၢင်းမိူင်းႁိမ်းႁွမ်းမႃးဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း